الموضوع: زوج يترك زوجتة فى ماليزيا حكاية فيها العجب ......

المشاركة الأصلية كتبت بواسطة jisso82

طيب تعملوا ايه بقى فى زوج مصرى بخيل أعرفه شخصيا نسى مراته يوم الفرح على باب الفندق و روح
و الله ده حصل قدامى و فى فرح حضرته بنفسى لواحد صاحبى كان معايا فى المدرسة و كان بخيل جدا و كنا طبعا ماسكينه تريقة طول الوقت لأن حركاته كانت أوفر بصراحة لو قعدت أحكى عليها مش هخلص
خلينا فى الموقف بتاع العروسة هو دخل كلية علوم و ماشاء الله دلوقتى شغال filed service Engineer فى شركة خدمات بترولية معروفة و مرتبه ربنا يباركله فيه محترم ماشاء الله غير البونس بتاع الfield و ده بتحسب باليوم
المهم الولد ده حب بنت زميلته فى الكلية و اتجوزا و يوم الفرح مارضاش يركن فى الباركينج بتاع الفندق عشان كان غالى مش فاكر الساعة باين كانت ب 5 جنيه و ده يوم فرحه (فكرنى بحنفى جوز فوزية فى سك على بناتك) المهم ركن العربية فى شارع جانبى بعيد عن الفندق عشان ما يدفعش حاجة و لما خلص الفرح راح يجيب العربية و اتأخر أوى و العروسة و أصحابها كانوا واقفين على الباب و احنا كنا مستنيين نزفه بالعربيات لحد البيت و بعدين واحد معانا كلمه أيوه يا ابنى انت فين رد بسذاجة أنا خلاص تقريبا وصلت البيت، الولد طبعا اندهش و كان هيموت من الصدمة و سأله و عروستك يا ابنى بيحكيلنا رده كان ياااااااااااااه صحيح ده كان فرحى أنا الأستاذ افتكر إنه معزوم فى فرح حد و خلص و مروح نسى إنه فرحه و إن عروسته واقفة مستنياه فى الشارع
(نسى عروسته ليلة الدخلة) أنا مش عارف قدام ممكن يفتكرها ازاى

بغض النظر عن موضوع البخل والباركينج بس مش عارف لية نفسى أعذرة على انة نسيها هههههه

لا ودة مش نسيها بس لكن نسى انة كان فرحة أساسا .. وكل دة فى ثوانى على ما راح الشارع وركب العربية

اصل الواحد بقى بينسى بطريقة غبية ... يا ترى هوصل للمرحلة دى ولا اية