قياس كبس الموتور

**n_light** · 08-07-2009 04:18 PM

معلش انا ناوي اشتري عربية جديدة وهتكون اول عربية ليا عشان كده هتكون مستعملة
بس انا قلقان من حالتها هتكون عاملة ازاي
وانا متابع باهتمام مواضيع كتييييييييير هنا عشان اخد خبرة ومعرفة قبل انزل ارض المعركة في عالم العربيات

كان فيه بوست للعضوة نور العمر في موضوع في المنتدي
اذهب كالتكس عباس العقاد
افحص موتور بالكبس ب 40 ج
وارفع العربية عندهم حيكشفوا على الشاسيه
وبيعطوا تقرير بذلك
وزيادة احتياط ... استعين بسمكري
عشان هو بيكون دقيق في العربية رشة برا جوا
عاملة حادثة متلحمة ..... الخ
لكن وفر الميكانيكي بكبس الموتور في البنزينة

مع خالص الشكر ليها وليكم والتقدير لاني بجد استفدت كتيييييييييير جدا من افضل منتدي للعربيات (دي حقيقة لاني دخلت منتديات تانية وحاسس قد ايه فيه فرق واضح )

بس محتاج حد يزود لي معلومات في الموضوع ده....موضوع قياس كبس الموتور

وفين الاقي حد بيقيس كبس الموتور في اسكندرية ؟؟

ولو حبيت يكون فيه حد معايا وانا باشتري عشان انا خبرتي صفر في الموضوع
بناء علي خبرتكم مين في اسكندرية (ميكانيكي - سمكري - بنزينة ) معروف وسمعته حلوة وممكن يساعد بضمير وامانة في الكشف علي العربية والمساعدة في الشرا

ولكم جزيل الشكر مقدما

**KiNgMaX** · 09-07-2009 09:06 PM

بص ياسيدى مبدئيا لو العربية جديدة يعنى موديل حديث ( 2009 2008 2007 ) عليك وعلى التوكيل هو اكتر مكان يفيدك لو مش عايز التوكيل او موديل العربية مش جديد اوى (2000 - 2006 ) ممكن تطلع على اى مركز بتاع فحص وفى مكان كويس جدا فى الموضوع ده اسمه غلوش فى الازاريطة ورا مستشفى السلامة هو كان مركز خدمة تويوتا بس ممكن يكشف على اى حاجة من سنتين الكشف عندهم كان ب 100 جم بس ناس ممتازين
لو العربية بقى قديمة اوى ( 128 . 127 . واخوتهم ) يبقى تدور على ميكانيكى وسمكرى ودول انا معرفش حد بعينه وممكن تطلع على بنزينة تكشف زى مصر للبترول الى فى جليم شارع ابو قير قدام ابو غالى

**n_light** · 09-07-2009 09:34 PM

المشاركة الأصلية كتبت بواسطة kingmax

بص ياسيدى مبدئيا لو العربية جديدة يعنى موديل حديث ( 2009 2008 2007 ) عليك وعلى التوكيل هو اكتر مكان يفيدك لو مش عايز التوكيل او موديل العربية مش جديد اوى (2000 - 2006 ) ممكن تطلع على اى مركز بتاع فحص وفى مكان كويس جدا فى الموضوع ده اسمه غلوش فى الازاريطة ورا مستشفى السلامة هو كان مركز خدمة تويوتا بس ممكن يكشف على اى حاجة من سنتين الكشف عندهم كان ب 100 جم بس ناس ممتازين
لو العربية بقى قديمة اوى ( 128 . 127 . واخوتهم ) يبقى تدور على ميكانيكى وسمكرى ودول انا معرفش حد بعينه وممكن تطلع على بنزينة تكشف زى مصر للبترول الى فى جليم شارع ابو قير قدام ابو غالى

شكرا علي ردك واهتمامك
وبنزينة جليم لو كشفها حلو يبقي ممتاز عشان قريبة من البيت

انا ناوي علي موديل من فوق ال 2000 عشان وجع الدماغ ما يكونش كتير معاها

يا ريت لو حد يقدر يفيد بخبرته من اسكندرية هاكون شاكر ليه جدا

انا عارف ان المنتدي مليان معلومات كتير عن الموضوع ده بس انا ملاحظ ان الغالبية من القاهرة