تحذير هام جدا لأصحاب السيارات
هو الموضوع بدأ يتكرر لدى بعض العملاء في توكيل ميتسوبيشي انما اكيد بيحصل لأصحاب الماركات التانية كذلك
في محطات البنزين يظهر عامل المحطة ويقعد يشرح الأهمية العظمى لسائل التبريد الجديد اللي بيبيعه عنده في المحطة وازاي هيفيد العربية (رغم ان العربية غالبا بتكون جديدة وفيها سائل تبريدها اللي جاي معاها) ويقتنع صاحب العربية ويبدأ العامل في اضافة سائل التبريد لمياه الردياتير في العربية
اللي بيحصل انه بيكون غير مطابق للمواصفات وفيه درجة حموضة عاليا جدا بتاكل مواسير الردياتير من جوا وتتسرب مياه الردياتير ويا اما صاحب العربية ياخد باله من ارتفاع درجة حرارة المحرك نتيجة تسرب المياه او مايخدش باله وتحصل المشكلة الأكبر وهي تلف المحرك بالكامل نتيجة تسرب مياه الردياتير بالكامل والارتفاع الشديد في درجة الحرارة
اول الأضرار تلف الردياتير بالكامل
تاني الاضرار اذا صاحب العربية ما اخدش باله من ارتفاع مؤشر درجة حرارة المحرك يتلف المحرك ويحتاج عمرة
الغريبة ان بعض الحالات حصلت لعربيات جديدة طيب ازاي عامل المحطة اقنع صاحب عربية جديدة انها محتاجة تغيير او اضافة ماية الردياتير
طبعا عرفنا الموضوع ده بعد ارسال الردياتير التالف لليابان وتم فحصه من الداخل وتحديد سبب المشكلة كما تم تحليل المياه في شركة موبيل وذكروا في تقريرهم ان نسبة الحموضة عاليه جدا عن النسبة المقررة والمسموح بها