ما هي قطع الغيار التي تدخل الضمان ؟؟؟

**saryrabie** · 08-07-2009 05:30 PM

سلاموا عليكوا
ممكن يا شباب اللي عنده معلومه بخصوص الاجزاء التي تدخل الضمان وبتتغير مجاناً
علشان نبقى عارفين حقنا ونعرف نطالب بيه ؟؟؟
مع خالص تحياتي
ساري رببع

**Ayman_52** · 08-07-2009 05:49 PM

وعليكم السلام ورحمه الله وبركاته

اى قطعه بتخسر ومايكونش ليك اى ايد عشان تخسر ... دى ضمان (طبعا خلال فتره الضمان)

يعنى ...

لما حد بيركب جنط غير الاصلى ... وبتحصل اى حاجه فى العفشه ... انت اللى بتشيل الليله

ركبت زينون او لمظ وقصيت فى الضفيره .... ضفيره الكهربا كلها تتطلع

----
مثال تانى :-

التوكيل كان بيبيع تيل فرامل بياكل الطنابير ... فى الحاله دى كان بيغير تيل وطنابير ضمان

فى نفس الحاله لو كنت ركبت انت التيل برا واكلك الطنابير ساعتها هتشيل الليله كلها ... واى حاجه تخسر بسبب التيل دا

---
ولكل قاعده استثناءات .... وساعات تروح التوكيل يقولك دى مش ضمان ...

بس الحاله دى بيكون فيها كلام

تحيـــــــــــــــــاتـــ ـى

**tutankhamoun** · 08-07-2009 07:37 PM

كل حاجة في العربية في الضمان ما عدا المستهلكات .
يعني مينفعش مثلا بعد أربع سنين أستخدام مثلا ..... و تبوظ حاجة في العفشة و تروح تقولهم عليها دي ضمان !!!

إنما مثلا أي حاجة بتيم الكشف عليها و تطلع أنها بايظة لوحدها أو عيب صناعة بتكون ضمان .

و الحاجات اللي بتتغير في الضمان ...... التوكيل دائما بيكون عارفها ( الأكثر شهرة في مشاكل التصنيع )

و بعدين إن شاء الله متخافش من الموضوع ده ....... أحسن حاجة عند عز العرب موضوع الضمان بجد ....... أي حاجة بتكون مُشكلة ضمان ....... هُما اللي بيقولوا عليها من غير أنت ما تطالب بيها ........ حصلت مع كذا واحد أعرفهم ...... و منهم زميلنا في المنتدى الأستاذ أحمد تويتي .

الضمان مدته 3 سنوات أو 60 ألف كم على السيارة بالكامل .
و 5 سنوات أو 100 ألف كم على الفتيس و المحرك .

**micromoud** · 08-07-2009 07:51 PM

طب لو اسطوانه يا جماعه تتغير جوا الضمان ولا دا يعتبر سوء استعمال؟؟

**tutankhamoun** · 08-07-2009 09:38 PM

المشاركة الأصلية كتبت بواسطة micromoud

طب لو اسطوانه يا جماعه تتغير جوا الضمان ولا دا يعتبر سوء استعمال؟؟

أعتقد يعني لو الأسطوانة في أول ألف كم ....... ممكن تتحسب ضمان ......

إنما ما يبقاش الواحد عامل بيها مثلا عشرين ألف كم ويروح يقول دي ضمان ...
يعني برضه الواحد يفكر بمعقولية قبل ما يروح و يتكلم في حاجة زي دي .
إنما لو حضرتك شايف أن فعلا فيها مشكلة و شايف أنها مشكلة ضمان ......... روح و أتكلم معاهم و شوف خليهم يكشفوا عليها ........

بس بصراحة أنا عمري ما سمعت أن فيه مشكلة في الأسطوانة نهائي ...
ياريت نعرف أنت عامل بها كام كيلومتر ؟؟؟؟؟و ظروف سواقتك أيه ؟؟؟

**micromoud** · 08-07-2009 09:55 PM

حضرتك دا واحد صاحبى معاه بروتون عامله 15000 كيلو وسواقته موش بطاله
شكرا لاهتمامك

**MuhammedSoliman** · 08-07-2009 11:47 PM

المشاركة الأصلية كتبت بواسطة tutankhamoun

كل حاجة في العربية في الضمان ما عدا المستهلكات .
يعني مينفعش مثلا بعد أربع سنين أستخدام مثلا ..... و تبوظ حاجة في العفشة و تروح تقولهم عليها دي ضمان !!!

إنما مثلا أي حاجة بتيم الكشف عليها و تطلع أنها بايظة لوحدها أو عيب صناعة بتكون ضمان .

و الحاجات اللي بتتغير في الضمان ...... التوكيل دائما بيكون عارفها ( الأكثر شهرة في مشاكل التصنيع )

و بعدين إن شاء الله متخافش من الموضوع ده ....... أحسن حاجة عند عز العرب موضوع الضمان بجد ....... أي حاجة بتكون مُشكلة ضمان ....... هُما اللي بيقولوا عليها من غير أنت ما تطالب بيها ........ حصلت مع كذا واحد أعرفهم ...... و منهم زميلنا في المنتدى الأستاذ أحمد تويتي .

الضمان مدته 3 سنوات أو 60 ألف كم على السيارة بالكامل .
و 5 سنوات أو 100 ألف كم على الفتيس و المحرك .

كلام تمام بس بفكر معاك بصوت عالى بما إن مفيش حاجه ثابته ومحدده

فالجو بتعنا ده ماهى طرمبة الميه غيرتها ودفعت حقها

وتعتبر جزء من اجزاء الموتور ... ولا ايه رايك فى الحته ديه ؟؟ وانا عامل 70 ألف وديه مش عيب استهلاك او ليه دخل فيها !!!! ويقصدوا الموتور نفسه كماكينة حرق فقط ولا ايه بالضبط ؟؟؟؟؟؟؟؟

مودتى