حد له في تفسير الاحلام

**medo55** · 09-07-2009 10:34 PM

ايوه اعرف قصد حضرتك علشان كدا نبهتك , وان اي حد بيقصد نفي صفه عن الله من صفاته فقد كفر

لكن قال رسول الله صلى الله عليه وسلم انما الاعمال بالنيات " وحضرتك نويت حاجه حسنه , لكن خطأ مطبعي :) فحبيت انبهك بس وفي ناس بتقع فيها هي وكلمة انشاء الله والصح فيها ان شاء الله

معلش يا نور اخدت مشاركتين خارج موضوعك ,

**ASKAFRAWY** · 09-07-2009 10:45 PM

المشاركة الأصلية كتبت بواسطة medo55

ايوه اعرف قصد حضرتك علشان كدا نبهتك , وان اي حد بيقصد نفي صفه عن الله من صفاته فقد كفر

لكن قال رسول الله صلى الله عليه وسلم انما الاعمال بالنيات " وحضرتك نويت حاجه حسنه , لكن خطأ مطبعي :) فحبيت انبهك بس وفي ناس بتقع فيها هي وكلمة انشاء الله والصح فيها ان شاء الله

معلش يا نور اخدت مشاركتين خارج موضوعك ,

شكرا مرة ثانية و اعتقد نور مش هتزعل لانهم مشاركتين مهمين جدا و جزاك الله خير

**banboty** · 10-07-2009 08:51 AM

المشاركة الأصلية كتبت بواسطة atamim

ردا على عدم اقتناعك باى تفسير و انها اضغاث احلام

اظاهر ما اخدتش بالي من كلامى !!

انا بتكلم على الاحلام اللى بيحلم بيها كل الناس ة مش رؤيا الانبياء المذكورة في القرآن او السنة , اللى بتبقى وراها عظة و عبرة ربانية للبشر !!

الرؤيا غير الحلم , الرؤيا هي من عند الله

و الحديث يقول: الرؤيا الصالحة جزء من ست وأربعين جزءا ُمن النبوة

و لا تظهر لاي شخص الا للاشخاص ذوى تقوى و صلاح وورع و على درجة كبيرة من نقاء السريرة ..و ربنا بيهبها للناس دول كأنذار او بشارة او توجيه معين ليهم

انما الاحلام دي بتبقى يأما وساوس شيطان ( اعوذ بالله من الشيطان الرجيم ) او استرجاع لاحداث و امور سابقة و مخزنة في عقلك الباطن و تفسيرها يخصك انت لوحدك و مينفش نفسر كل المعانى على كل الناس لان الاحداث و الظروق اللى مر بيها كل واحد مختلفة . علشان كده لا يتساوى التفسير ايضا

**medo55** · 10-07-2009 03:49 PM

اظاهر ما اخدتش بالي من كلامى !!

انا بتكلم على الاحلام اللى بيحلم بيها كل الناس ة مش رؤيا الانبياء المذكورة في القرآن او السنة , اللى بتبقى وراها عظة و عبرة ربانية للبشر !!

الرؤيا غير الحلم , الرؤيا هي من عند الله

يظهر ان حضرتك الي ماخدتش بالك من رد atamim
ان في الايه دي الي كان بيحلم مش سيدنا يوسف النبي , ولكن كانو اشخاص عاديين جدا وهو فسر ليهم الحلم واحد منهم كان بيسقي خمر للملك والتاني كان بيأكله والاتنين كانو مسجونين مع سيدنا يوسف ,, ولو كملت سورة سيدنا يوسف هتلاقي ان ملك مصر في الوقت دا حلم حلم وقال للناس مين يفسرهولي , فالي كان مع سيدنا يوسف في السجن وخرج قاله انا هقولك بس ابعتني ليوسف اسأله ,, وسيدنا يوسف فسرله الحلم

الفرق اللغوي بين الحلم والرؤيا ... في ناس بتقول ان الرؤيا هي الي بتحلمه قبل وقت الفجر والحلم بيكون بعد وقت الفجر وبيكون من الممكن فيه انه حديث نفس ,,, والله اعلم

**نور العمر** · 10-07-2009 09:18 PM

يا جماعة اشكركم جدا جدا
وطبعا الحمد لله متمناش زوج تاني
لان كفاية عليا قوي الاولاني ربنا يخاليه
وإللي جرب مرة ميجربش تاني ابدااااا

والحمد لله انا عندي ولد وبنت وأسأل الله العافية والثبات على ذلك
لإن الذرية مسئولية كبيرة جدا أخشى أي تقصير فيها امام الله ورسوله

اما لو التفسير معناه رزق .. أتمنى يكون رزق يفيدني في شراء سيارة جديدة مريحة بعد عذاب السفنتينا

أما لو التفسير هدى بعد ضلال .. فدائما ما أشعر إني ضالة وابحث عن الهدى مهما كان تمسكي بمباديء الدين والقيم .. فبشرى الله لي بالهدى ده شيء يطمن قلبي في هذه الدنيا

وأحب تفسير بجد اتمناه اتمناه اتمناه
هو أن تكون بشرة لعمرة .. فالأبيض لبس الاحرام
والأخضر الروضة الشريفة
اللهم اكتبها لي واعزني وارضى عني وعن كل المسلمين
آمين

أشكركم جدا جدا جدا

**Targetted** · 10-07-2009 09:24 PM

بصراحه انا مش بقتنع بتفسير الاحلام لانه لو ركزنا شوى هنلاقى انه احنا بنحلم بحاجات كتير اوى بس بنركز على حاجات معينه الى بتلفت انتباهنا ونفضل نسال عليها
بس مقتنع بالرؤيه جداا و لانسان الى ممكن يشوف رؤيه لازم يكون قريب من ربنا اوى وهو اكتر واحد بينه وبين نفسه ممكن يبقى حاسس الموضوع ده
بس وربنا يسعد ايامكم جميعا

**ASKAFRAWY** · 10-07-2009 09:47 PM

المشاركة الأصلية كتبت بواسطة targetted

بصراحه انا مش بقتنع بتفسير الاحلام لانه لو ركزنا شوى هنلاقى انه احنا بنحلم بحاجات كتير اوى بس بنركز على حاجات معينه الى بتلفت انتباهنا ونفضل نسال عليها
بس مقتنع بالرؤيه جداا و لانسان الى ممكن يشوف رؤيه لازم يكون قريب من ربنا اوى وهو اكتر واحد بينه وبين نفسه ممكن يبقى حاسس الموضوع ده
بس وربنا يسعد ايامكم جميعا

هو انا مقتنع بكلام حضرتك و خصوصا انى بحلم احلام غريبة و عجيبة و ساعات احلام مؤلمة و بقوم مدمع منها لكن الحمد لله عمرى ما فكرت احكيها او اهتم بتفسيرها لان لو شر مش هغيره و لو خير مش هأخره يعنى دة نصيب ولاوم هشوفه و عشان كدة عمرى ما اهتميت اسمع او انتبه لعلم تفسير الاحلام __رأى شخصى___