استريت قربة مية وبردة كل مملاها الاقيها فاضية

**akramlail** · 11-07-2009 01:36 AM

العربية مخنوقة جدا فى السحب اظن من الشكمان ودة اول حاجة هعملها بكرة انشاء الله فانت حضرتك شايف ان المية دى بتنشف بسبب الشكمان انا كدة فاهم صح؟؟

**akramlail** · 11-07-2009 01:40 AM

وبردة حضرتك مقولتليش لية متاكد من الجوان مش من حساس الانجكشن؟؟

**samirayad** · 11-07-2009 07:15 AM

العربية مخنوقة جدا فى السحب اظن من الشكمان ودة اول حاجة هعملها بكرة انشاء الله

كده صح

فانت حضرتك شايف ان المية دى بتنشف بسبب الشكمان انا كدة فاهم صح؟؟

لا طبعا الشكمان ماينشفش ميه ....الجوان لما يهرب هو اللى يعمل كده

حضرتك مقولتليش لية متاكد من الجوان مش من حساس الانجكشن؟؟

عمر أى حساس ملوش علاقه بأن الميه تنقص من غيره ......اللى ينقص الميه ....اللى قولتهولك ............ياتسريب باين قدامك ....يالقربه وغطاها....يا الجوان ده اللى بنتكلم عليه .....

**MMamdouh** · 12-07-2009 12:40 PM

المشاركة الأصلية كتبت بواسطة akramlail

القربة القديمة مخرومة من تحت اشتريت وحدة اصلى ب 55 ومليتها كل مرة اكشف ملقيش فيها مية بس العربية مبتسخنش ولا الخراطيم بتسرب يبقى اية السبب

طالما المية بتنقص يبقى فيه تسريب

MMamdouh

**MMamdouh** · 12-07-2009 12:43 PM

المشاركة الأصلية كتبت بواسطة akramlail

شكرا ليكم ياجماعة ولكل اللى اهتم -------بصييت كذا مرة مفيش تسريب تحت العربية وهية دايرة ولا من الخراطيم هيكون من اية بس؟؟؟هوة لما يكون الغطا بايظ المية بتتسرب ازاى

مش شرط تشوف التسريب بعينك... ممكن المية بتتسرب فى حتة مزنوقة (الطلمبة) او مستخبية (خرم ورا مروحة الرادياتير او فى سربنتينة التكييف السخن) و مش حتبان معاك بالظر... دا غير ان ممكن المية تنزل على قطعة سخنة من البلوك نفسة و تتبخر قبل ما تنقط على الارض

الاحسن تكبس دورة التبريد و دة هو اللى حيبين فين التسريب بالضبط

غطا القربة لو بايظ مش حيبقى فيه ضغط فى دورة التبريد و المية حتغلى اول ما تبطل العربية و بالتالى حتفور و تخرج من البلف التالف فى غطا القربة

MMamdouh