بصراحة انا الردود هنا صدمتنى جدا ... لأقصى حد فعلا ....
رحمة الله علينا إن شاء الله ....
الله إبتلانا فى عقولنا و فى أنفسنا ...
و شكرا للمشاركة
:T_thum1[1]::T_thum1[1]:
بصراحة انا الردود هنا صدمتنى جدا ... لأقصى حد فعلا ....
رحمة الله علينا إن شاء الله ....
الله إبتلانا فى عقولنا و فى أنفسنا ...
و شكرا للمشاركة
:T_thum1[1]::T_thum1[1]:
خيانة !!!!!!!!!اقتباس:
رأيى يتمنعوا من دخول مصر للأبد ....
إللى زى دول خونة ....
يهربوا من فريق رايح على الاجل يجيب أمجاد للوطن؟؟؟
دى خيانة ..
جزائها إسقاط الجنسية و منع دخول مصر نهائى
يا راجل حرام عليك
وبعدين لو الشعب المصرى كلة جتلة الفرصة دى هيعمل ذيهم
ويبقوا يجيبو بقى شوية معيز يحكموهم لان الخرفان هربت
قال الله تعالى
إن الذين توفاهم الملائكة ظالمي أنفسهم قالوا فيم كنتم قالوا كنا مستضعفين في الأرض قالوا ألم تكن أرض الله واسعة فتهاجروا فيها
طيب هو في ظلم للنفس أكتر من اللي احنا فيه
يا أخي ده رسول الله صلى الله عليه و سلم هاجر
و الصحابة هاجروا
ماشي هاجروا للدعوة
بس في اللي هاجر للرزق
بالراحة شوية في اصدار الاحكام
و الله ما يوريك اللي غيرك فيه
بجد لو لم اكن ايطاليا لو ددت انا اكون ايطاليا
وطني هو اللي انا احس فيه اني بتعامل باحترام
ملقيش اخر الشهر بقبض ملاليم ميالكونيش عيش انا وعيالي
وطني الا لما اتعب الاقي فيه علاج نضيف مش الزحام علي المستشفيات الميري
وطني اللي فيه اهلي عايشين بحرية من غير خوف ولا قلق
علي راي محمد فؤاد
يعني ايه كلمة وطن
وعلي راي ناس كانوا في هولندا كانوا بيتريقوا علي مصر ويقولو
"متقلشي انت اديت ايه لمصر قول انت خدت ايه من مصر"
هقولكم حاجه .. توضيح بس على مرتبات الاعيبه
اكتر لعبتين واخدين حقهم القدم والهوكى ! يمكن ناس ماسمعتش عن الهوكى لكن اللى متابع من زمان الهوكى اكيد سمع عن نادى الحديد والصلب النادى ده المركز التانى بعد الشرطه وكانت مرتبات اللاعيبه حوالى 400 500 ولو فى ماتش ناخد 700 المهم ان الحال ماعجبش كتير مننا واحد سافر فرنسا وواحد ايطاليا وواحد هولندا واحد المانيا وواحد اميركا !!!! وبعدين الفريق دلوقتى فقد اهم اللاعيبه اللى فيه ومابقاش زى الاول
الناس اللى سافرت دى دخلهم هناك كان بيعدى ال100 الف مصرى وبقوا مشهورين جدا هناك ومعايا صور جرايد ومجلات اجنبيه كاتبه عنهم وعن مهاراتهم.. ده معناه ان لو كان فى اهتمام عندنا شويه كنا هنافس فرق اجنبيه فى الهةكى ونكسبهم وكانت اللعبه مش هتقل عن مستوى القدم .. بس 400 500 جنيه اعمل بيهم ايه ؟؟؟
صدقنى مش صعبة ولا حاجة... لما تبقة خريج بتقدير إمتياز مع مرتبة الشرف وبكالريوس علوم قسم فزياء نووية وآخرتها تشتغل فى محل بقالة.... ولما أبقة انا مهندس وبقالى 10 سنين فى الحكومة ومتعينتش واللى معاه واسطة وخريج إمبارح وتقدير اقل منك ييجى ويتعين مكانك وانتا بره ... أقول ايه ولا ايه.. فى الآخر انا هقول كلمة وانا آسف جدآ لما بقولها لان كتير هاجمونى بسببها ... بس لما بيفكروا فيها بيدركوا المعنى الحقيقى اللى وراها... اللى قارفنا من العيشة وبس اللى قرفنا أكتر هوا اسلوب تعاملنا مع بعضنا. لما يجى أمين شرطة معاه معهد سنتين ويبصلك ويتأمر عليك.. ولا حتى ظابط شرطة كان جايب فى الثانوية العامة 50% وابوه دفعله 10000 جنيه ودخله كليه الشرطة علشان ينزل إفتراء فى خلق الله ولا الحاكم بأمر الله...واللى عاش بره مصر هوا أكتر واحد هيحس بكلامى اللى انا بقوله... انتم بصراحة يا جماعة خلتونى ابوح بشىء صغير من اللى جوايا.. معلش صدعت دماغكوا
لو لم أكن مصريآ لوددت الا أكون مصريآ
مع الاعتذار للزعيم مصطفى كامل
ده كان جزء من ردي على خبر بيتكلم عن موضوع هروب اللاعبين:
"- المفروض إن أحد هذين الراعين كان سيحصل على 105 ألف جنيه لأنه حصل على فضية وبرونزية .. والآخر كان سيحصل على 40 ألف لأنه حصل على برونزية ..
- يعني من حيث الفلوس الجماعة دي متظبطة ع الآخر وبياخدو مرتب ضعف ما يحصل عليه خريج جامعي في خبطة واحد قصدي دورة واحدة.. إلا إذا ... بعض الظن إثم."
بالراحة كدة، اللاعب من دول بياخد راتب ثابت 500 جنيه شهرياً، وبعدين في كل بطولة يحقق فيها ميداليات بياخد مكافئات تصل لمائة ألف جنيه، يعني السنة دي دورة البحر الأبيض والسنة الجاية الدورة العربية واللي بعدها دورة أفريقيا، ودول ثلاث دورات إقليمية ميدالياتها مضمونة بعيداً عن الدورة الأوليمبية اللي صعب يحققوا فيهاميداليات (وغير برضه بطولات الشركات والجمهورية وبطولات كتير علىمدار السنة)، يعني كل أربع سنوات ممكن يقبض حتى 300 ألف جنيه، يعني 75 ألف في السنة يعني ستة آلاف في الشهر (غير المرتب الثابت) إيه اللي يخللي الواحد من دول يسيب الميزات دي ويهرب؟
الظن اللي كان في دماغي واللي كنت فاكره "إثم" ولكني الآن على يقين منه أن هؤلاء "الأبطال" كان يتم استغلالهم من قبل الاتحاد أو المديرين الفنيين ولا يتلقون هذه المكافئات المجزية، يعني الوسط الرياضي في مصرنا المحروسة فاسد ، وده يفسر سبب هروب "كرم جابر" وتمرد "نهلة رمضان" وتمارض "بوجي" وهروب أبطال الملاكمة والأثقال فيما يشبه "الحرق المتعمد" للنجوم النادرين في البلد.
كرم جابر هرب علشان كان له مستحقات و الاتحاد اخدها منه .
انا شايف ان هما مش غالطنين الناس تعبت وادربت وجابت جوايز لمصر وفى الاخر ماخدوش حاجة !!!!!!!!!!!
هما حرين بقى يدوروا على زقهم علشان يكفوا احتياجتهم المادية لاسرهم وعائلتهم
كدة احسن ولا يمشوا يسبتوا فى الناس ولا يشتغل بودى جارد لرقاصة؟؟؟
هو ده الواقع
هي دي الحقيقة
الرجل لا يلام أبدا
بتقولوا انه خان وطنه ...طب ممكن حد يدينا تعريف كلمة وطن ...
وطنه اداله ايه علشان ياخده منه ؟؟؟
اللي مش عايز يشوف ...يغمض
بس لو فتح ..مش هايشوف غير الحقيقة
الفنان محمد صبحي قالها مرة (و عمري ما هنساها)
الواحد بيحب بلده لما بلده بتديله ... بالظبط زي مالأم بتدي لأولادها عشان كدا بيحبوها
...
و لا أعتقد ان ان مصر بتدينا حاجة ...
انا زهقت
بالظبط هو الكلام كده
البطل هنا بيظهر بالصدفة وبمجهوده الشخصي ومن غير ما يكون هناك نظام يساعده علي النجاح
كل البطولات الفردية هتلاقي الابطال بعد الميدالية بيقولوا ان كل اللي حواليهم متوقعين ليهم الفشل
ويا ريت كده وبس
بعد البطولة فيه 100 واحد عاوز يسترزق من ورا البطل
ويحرقه ويخنقه ويخليه يكره اليوم اللي اخد فيه ميدالية
بدليل ان اغلبهم اعتزل او اختفي بعدها لانه حرم يعملها تاني
لو قولنا إن الكرة الأرضية ببلادها عبارة عن عمارة مصر شقة فيها .
الشقة دي ساكن فيها راجل و إبنه .. إبنه ده عامل اللي عليه و زيادة و متفوق و علي قد ما يقدر بيرفع راس أهله
و مع ذلك أبوه بيديله مصروف في اليوم ربع جنيه يومياَ .. و مبقاش عارف يعيش .. فا هرب .
فا أبوه جه قاله بقي كدة تعملي فضيحة في الحتة !؟
محدش فينا جرب إحساس إن يبقي مفيش في جيبه فلوس و عنده أطفال في البيت محتاجة أكل و رعاية و أدوية .. أساسيات الحياة .. مش هقولك يبقي عايش مبسوط و بيطلع مصيف أسبوع كل سنة ! (ده بيعتبر إنسان مرفه في مصر) فا بلاش أحكام لأن فيه ناس في مصر وضعها صعب جداَ .. خاصة زي دول و هم شايفين قدامهم لاعب الكورة بياخد 30 ألف مكافأة فوز في ماتش واحد محلي و لو كسبوا بطولة بتنزل عليهم ملايين من برة و من جوة البلد .. أكيد عندهم إحساس بقهر كبير .
نحكم عقلنا................نهاجر كلنا
كلامى مش موجه لأى حد فى المنتدى ده كلام عام ...
فى المجتمع الحالى التفكير أصبح تفكير سلبى إنتهازى ...
و أصبح المصرى يرمى بلاه كله و السبب فى البلد ... و السبب على الحكومة ..
هى وحشة كخة و موريانا الويل ....
هى اللى معايشانا فى ذل و قهر ... بقينا أغراب فى بلادنا ...
و الناس زبالة كلها و أخلاقها وحشة ( ده علا أساس إن المتحدث سيد الفوم و أسماهم و إنه بيتنازل إنه بيتعامل مع عامة الشعب) ...
و يقولك المصريين متخلفين و أنا نفسى أسافر ... نفسى أتنازل عن الجنسية المصرية ( ده على أساس يا عينى إنه عبقرى زمانه خلاص ظلم إنه مصرى) ...
الكل بيتكلم كده ....
و كل واحد فاكر نفسه هيطلع بره هيلاقى نفسه بقى حاجة .... فلوس زيادة ماشى لكن طول عمره هيفضل فى نظر الأجانب (....) جى من دولة عالم ثالث و بيشتغل عندهم ... أيه شغال عندهم ...
90% من المصريين إللى سافروا مازلو يعملوا فى مسح الصوانى .. و الأرضيات ... لقيت نفسك فين بقى؟؟؟؟
بصوا هو ده تفكير المصريين للأسف ...
يرمى بلاه على غيرة و يدعمها بالظروف ..... و يقولك أصل و مش أصل ... و للأسف هو اللى غلطان ..
أنعره كدابة و عدم إتقان ....
محدش عايز يشتغل ولا يعمل شغله عشن خاطر الشغل ... كله عايز فلوس و يريح ...
مين فتح بقه و إعترض؟؟؟ مين إللى لما ضابط فى لجنه يديلو على قفاه مش بيسكت؟؟؟ قليل ....
و يجى يقولك يلعن أبو البلد .... مش عايز تكلف نفسك تدافع عن حقك ...
مش عايز تناضل عشان تعيش أحسن ...
مش عايز تحاول ... مش عايز تحاول و تفشل و تاحول تانى ....
و يقولك أنا بكره مصر .... بتكره مصر لأنها كرهتك لأنك إفتكرت نفسك حاجة ... إفتكرت إن كل حاجة هتجيلك ...
و عامل فيها متدين ... جتك خيبة كبيرة ...
مش عايز تعمل و تشتغل .... تقولى الناس بتتعب؟؟؟ لأ مافيش حد بيشتغل بنية التقدم ...
إنت بتشتغل عشان تجيب فلوس تردى شهواتك و إحتياجاتك
لب العمل إنت نسيته من أجل مادة ...
و بتتهم مصر ....
و طبيعى الناس الأغنياء و المسئولين لما يلاقوا حال البشر كده و مطاطيين راسهم و بيقولو ربنا ينتقم منهم بس ...
بيفتكروا نفسهم ألهه ...
إمتى المصر مؤخرا عمل حاجة عليها القيمة ؟؟؟ مظاهرات؟؟؟ أخرك تعبر عن رأيك ...
لكن عمرك مأخدت خطوة واحدة لقدام ...
عمرك ما إشتغلت .... شاطر بس ترمى بلاك على الناس ....
هتفضلوا كلكم دايرين فى دايرة واحدة .... بتلفوا حوالين بعض ...
و لما تعمل بس حاجة إجابية ... تفتكر نفسك عملت حاجة ..... يعنى لو إنت مرة ساعدت حد ... هتفتكر نفسك الأصلح ...
زى الرياضيين اللى هربوا دول الله يلعنهم ... لما عملنا إنجاز بسيط فى أثينا .... نمنا فى بكين ....
و زى الكورة ... و زى أى حد بيشتغل ... و كل واحد فاكر نسفه الأصلح ... و للأسف الكل فيه العلل ...
و بتشجعوا الكبار ....
و تيجوا ترموا البلا على البلد ... و مصر و مش مصر ...
إنتوا السبب ... و الله إنتوا السبب ...
و عايشين فى الوهم ... و تحبوا المجاملات .... محدش يتكلم يقول الشعب مظلوم ...
الشعب ده يستاهل أصلا يتحجر عليه و يضرب بالكرباج عشان يشتغل بالعافية لحد ما يموت ...(و أنا منهم)
و تربية جيل جديد بفكر جديد ... مافيش فايدة فى الشعب ده ...
و الخونة دول خانوا الأمانة ...
و مسافرين على حساب البلد ....
خانوا الأمانة إللى مؤمتمنين عليها ....
خيانة ... الشعب خاين ... المسؤلين خاينيين ...
الشعب خان وطنه لما بيدلع و رافض إنه يرفع شأنه ..
و مستغربين من ردى؟؟؟؟
خليكم كده لحد المحتل ما يجى و نخلص بقى ...
لحد ما تبقوا أوحش شعب فى الدنيا ...
يا بناه الأهرام ....
مالكمش حل للأسف ... الحل الحزام و الكرباج و تقييد الحريات و التعامل بمبدأ ستالين ... لجعل الشعب يشتغل .. رفع الرشاشات فى وشوشهم ..
قالك دول رجاله ...
على رأيى سيد أبو حفيظه ... أنساتى و أنساتى لحين ظهور رجاله ...
بكرر كلامى مش موجه لأى حد فى المنتدى ده كلام عام ...
لأنى بحب أعضاء المنتدى كلهم
انا مش هتكلم كتير على تعليق حضرتك .
و لكن هقولك مثال واحد فقط , لو تعرف ( ابراهيم الفقي ) و بتسمع محاضاراته .
هتعرف ان اللى عايز ينجح هينجح , و ان اللى بيسافر بره و يفضل طول عمره شغال فى مسح الاطباق فده لان طموحه بسيطة جدا مقدرش يحققها فى بلده و لما سافر بره لقى ان طموحه بيتحقق بمنتهى السهولة و هو ( حياة كريمة ) .
اما اذا لو كنت عايز تنجح فالدنيا واسعة قدامك , ابراهيم الفقى ده كان شغال فى مطعم فى فندق و بعدها درس و اخد شهادات و اشتغل فى طاقم ادارة فى فندق اخر و بعدها اخد جائزة افضل مدير فنادق .
اللى عايز يكون حاجة بيكون حتى لو كان فى وشه 500 مانع , و لكن البيئة المحيطة هى اللى بتكسر مقاديف الناس الغلابة و تخليهم يتمنوا يغلسوا صحون فى اى مكان بس يلاقوا ياكلوا .
فيه واحد انا شفته في برنامج واحد من الناس بتاع عمرو الليثي من اكتر من شهر
ونفسي الاقي الفيديو بتاع الحلقة لاني بجد صورة الراجل ده مش بتفارق خيالي
بجد بانام باحلم بيه
هو مدرس وبيشتغل بعد الضهر قهوجي ومش مكسوف
ومش عاوز يدي دروس لانها غلط
وعنده اسرة زوجة وبنتين بيصرف عليهم وامه مريضة ومتكفل بعلاجها كمان
وهيتجنن ياخد كادر المعلمين عشان زيادة 100 جنيه في المرتب
ويا ريت اقدر بجد الاقي الفيديو
واحمله هنا لان اي حد هيشوفه اكيد هيعيط
انا جالي اكتئاب اسبوع بعدها
وفيه زي ده كتير مش بيدخلوا بيوتهم من طول وقت الشغل وبيعملوا كل اللي يقدروا عليه وبمنتهي الضمير
وفي الاخر ايه المقابل؟؟
واحد زي ده لو جات له فرصة يهرب في مركب اكيد هيوافق حتي لو عارف انها ممكن تغرق بيه زي اللي غرقوا
لانه ساعتها هيرتاح ويا ريت اكون معاه علي فكرة
علي فكرة الناس دي لازم تتكرم ومصر لو بتقدرهم فعلا لازم توفق لهم اوضاعهم لو محتاجين تاشيرة او تصريح عمل لازم البلد تساعدهم مادام شايفين مصلحتهم في ده
لان الناس دي اكيد ظروفها صعبة
ماهو محدش هيروح يشتغل عامل في مصنع كراتين الا لو مزنوق فعلا ومحتاج
وهما بيدورا علي رزقهم ومستقبلهم بالحلال
ماراحوش مثلا خدوا جنسية بلد تانية ولعبوا باسمها
او راحوا لعبوا مصارعة حرة ومسكوا جيم في امريكا زي ما غيرهم ما عمل
والناس دي ما هربتش
لانهم عملوا اللي عليهم
لعبوا وكسبوا وجابوا ميداليات وكانوا خلصوا وراجعين
هما بس استنوا هناك بعد ما عملوا اللي عليهم
علي الاقل احسن من لعيب كورة ساب ناديه وهرب ولما كلموه قالهم هالعب غصب عن التخين
وفعلا بيلعب غصب عن التخين
والناس نسيت اللي عمله وبتصقف له
والكبار ساندينه وعاوزين يرجعوه ناديه وبيطبطبوا عليه
علي الاقل ده مش له عذر
بيدخل له ملايين كل سنة ومش محتاج
وكمان ده اللي يبقي اسمه هرب فعلا وناديه محتاج له في وسط موسم وبطولات
علي فكرة انا مش باحب الكورة اصلا ولا يفرق معايا ده او دول
واسف للاطالة
ده كلام مواطن مصرى عل احد المواقع :
اقتباس:
انى استاذ جامعى وللاسف فى بلدى لم اجد اى تقدير مادى او معنوى فذهبت خارج مصر بعد المعاناه الشديدة فيها ..وهنااجد كل تقدير هنا و اصبح عندى سيارة ومنزل و اعيش حياة كريمة بدون مشاكل لان هنا يقدرون العلماء والوقت والعمل الصالح اما مصر فلا تقدير ولا حياة كريمة بل يحاربون الشرفاءو يطردون المصلحين فلما البقاء فرغم حبى لترابها لم استطيع العيش فيها لانها ليست الان مناسنة للعلماء و مصر الان تدار كشركة خاصة وادعو لكم بالخير وارجو من نظيف كثير من العمل بدون تسوبف و فرص عمل كثيرة
الناس ده نجحوا
يجرادو كرمتنا فى الداخل والخارج
علشان يلاطشوا براحتهم وبرطع يا معلم
الأستاذ الفاضل : relentless_mayhem
كل كلامك جميل ...... و جزء كبير من المشكلة مشترك ما بينا أحنا الشعب المتخلف .....و الحكومة اللي خرجت من هذا الشعب المتخلف .......
لا الشعب عايز يتغير ........ و لا الحكومة عايز تغير حاجة .......... يبقى اللي يجيله فرصه أفضل يعيش حياة أفضل لا يتركها أبدا ...................
و على فكرة أنا معاك أن فيه ناس كتير بتتكلم كتير ...... و في النهاية بيعملوا زيهم زي بقية الناس ....... و فيه لاءة ..
يعني فيه قرفان و بيشتكي ...... و في نفس الوقت ملتزم على أد ما بيقدر .
و لكن لا يُغير الله ما بقوم حتى يُغيروا ما بأنفسهم .