بوش في الكوبلن

**rasha96** · 09-07-2009 04:31 AM

انا معايه عربيه نيسان صني 2008 معنديش مشكله في الكبالن ولا حاجه انا لاحظت حاجه غريبه رفعت العربيه للعسيل في المشحمه وجدت الكوبلن الطويل الي من الناحيه اللي جمب السائق لو مسكت العمودبتاع الكوبلن من المنتصف تجد انه يتحرك حركه بسيطه فى اتجاه الفتيس والكاوتش رايح جاي في ايدي فهل ده طبيعي تحس انه بوش حركه كده بتاع 2سم باتجاه الفتيس ده لما تشده ناحيه الفتيس و2سم لما تشده بتجاه الكاوتش فهل ده طبيعي ولا خطر ولا ايه بالضبط ممكن حد يفيدني

**samirayad** · 09-07-2009 09:25 AM

ياريت لو تحللى فردة الكاوتش اليمين .........وتطمنى على رباط صامولة رأس الكبلن اليمين مع الصره بتاعة الفرده دى .....لأننى شاكك أن الصاموله دى محلوله..............

**أبو إياد** · 10-07-2009 04:35 PM

بس العيب ده مش عيب صاموله لان الصاموله لو مهويه شويه العجله هاتكون مش فى وضعها الطبيعى
لكن العيب الارجح انه التيل اللى موجود داخل الكوبلن مفكوكه فلازم الكوبلن يتفك ويتراجع على تيل الكوبلن الداخلى وتشحيمه

**samirayad** · 10-07-2009 05:12 PM

أنا قلت نطمن .....فقد تكون تيلة الصاموله أنكسرت مثلا ....ومع دوران الفرده بتبدأ الصاموله تحل ......وبرضه أحتمال تيلة شبكة البلى بتاع الكبلن الخلفيه وارده برضه ....ولكن كان ممكن الكبلن يبوظ نتيجة حركة المشرشر بتاع العمود الخطيه مع الدوران ....وبكده الكبلن ممكن كان عمل صوت وبالذات مع الدوانات لأن العمود مش حيكون محكوم جوه الشبكه بتاعة البلى ....وممكن العمود يملص مع الدورانات
وأعتقد الأطمئنان على الفرده لن يكلف شىء كناحية اطمئنان أولا ............قبل الأتجاه ناحية العفشجيه أو التوكيلات .............

**ahmed_h_g** · 29-12-2009 02:02 AM

المشاركة الأصلية كتبت بواسطة samirayad

أنا قلت نطمن .....فقد تكون تيلة الصاموله أنكسرت مثلا ....ومع دوران الفرده بتبدأ الصاموله تحل ......وبرضه أحتمال تيلة شبكة البلى بتاع الكبلن الخلفيه وارده برضه ....ولكن كان ممكن الكبلن يبوظ نتيجة حركة المشرشر بتاع العمود الخطيه مع الدوران ....وبكده الكبلن ممكن كان عمل صوت وبالذات مع الدوانات لأن العمود مش حيكون محكوم جوه الشبكه بتاعة البلى ....وممكن العمود يملص مع الدورانات

وأعتقد الأطمئنان على الفرده لن يكلف شىء كناحية اطمئنان أولا ............قبل الأتجاه ناحية العفشجيه أو التوكيلات .............

الله ينور عليك يا هندسه
دايما" جايب من الأخر