وفاة مواطن مصرى بسبب اهمال المستشفى كلاكيت مليون مره

**أحمد سالم** · 09-07-2009 04:38 AM

السلام عليكم
امبارح توفى الى رحمة الله شخص عزيز ادعو له بالرحمه والمغفره
كان ماشى على طريق السويس وراكب عربيه دايهاتسيون تريوس 2008 تقريبا
والمحتمل ان العجله فرقعت وهو على سرعه راحت العربيه اتقلبت ودى من عيوب التريوس
المهم واحد ابن حلال اخده ووداه لاقرب مستشفى وكانت مستشفى السويس الحكومى
الراجل الله يرحمه وصل المستشفى وهو على قيد الحياه عملوله جبس فى ايده
وشوية اسعافات بسيطه وعلى اهله ماوصلو والشغل بتاعه بعتله عربية اسعاف مجهزة كان قد توفاه الله
والسبب نزيف فى الصدر
طيب ازاى المستفى اول ماالراجل وصل ماخمنوش انه ممكن يكون عنده نزيف داخلى برغم انهم عرفو ان عربيته اتقلبت بيه
وفين الاشعات اللى المفروض تتعمل للمصاب فى هذه الحالات
فين الاطباء اللى عندهم ضمير

حاجه تجنن والله

أدعو للفقيد بالرحمة جميعاً وأن يسكنة ربنا فسيح جناتة
اللهم آمين

لا حول و لاقوة إلا بالله

اللهم يا حنان يا منان يا واسع الغفران , اغفر له و ارحمه و عافه و اعف عنه و أكرم نزله ووسع مدخله و اغسله بالماء و الثلج و البرد , و نقه من الذنوب و الخطايا كما ينقى الثوب الأبيض من الدنس .

اللهم يمن كتابه و يسر حسابه و ثقل بالحسنات ميزانه و ثبت على الصراط أقدامه و اسكنه فى أعلى الجنات فى جوار نبيك و مصطفاك (صلى الله عليه و سلم)

البقاء لله .. للأسرة الكريمة خـــالص العزاء , نسأل الله لهم الصبر و السلوان و الإحتساب .

**Eng.Sameh** · 09-07-2009 04:41 AM

غفر الله له وتغمده برحمته وأنزله منزلة الشهداء .. آمين

**amrico** · 09-07-2009 06:36 AM

انا برده ليا قصة اهمال مع مستشفى السويس العام
ايام الجامعة في اواخر التسعينات كنت بدرس في السويس وفي يوم جالي زي دور إعياء او ضربة شمس المهم في الكلية نقلوني هناك عشان يعلقولي محاليل الحمد دخلوني الطوارئ مع حالات الإستقبال الخطرة، والحمد لله عافاني الله وبقيت كويس بعد فترة بسيطة.
المهم الموقف مش معايا، الموقف كان مع شخص واقع من سفية على رصيف الميناء، وهو ارتفاع كبير للي مش متخيلة، المهم الراجل ده كانو حاطينلة في بقه انبوب شفط بيتهيألى لشفط الدم وتقريبا مكانش متثبت كويس فالأنبوب وقع على الأرض، ندهت على ممرضه وقلتلها تلحق الموقف ده
تخيلوا عملت ايه
راحت واخدة الأنبوب (من على الأرض) وحاشراه في زور الراجل على طول، رحت شاددها من ايدها وقلتلها ايه اللي بتعمليه ده، الأرض مش نظيفة؟
للعلم ارض المكان كانت قذرة جدا ولا تليق بأرضية قهوة بلدي مش مستشفى
طبعا البنت بصتلي وزعقت وبتقولي وانا اعمله ايه المهم جت واحدة تانية كبيرة في السن وغيرت الأنبوب بعد الشوشرة والزعيق المتبادل بيني وبين الممرضه (ملاك الرحمة)
معلومة مش متأكد منها لكن متأكد اني قرأتها
اعلى معدل وفيات للمرضى في مستشفى السويس العام
وياريت حد ينفيلي الكلام ده

**ahmed76** · 09-07-2009 10:00 AM

البقاء لله

**blazer** · 09-07-2009 10:06 AM

لاحول ولا قوه الابالله
اللهم ارحمه و اغفر له ويسر الامور على اهله من بعده
وطبعا كلمعتاد محدش هيتحاسب على الاهمال و التسيب دا
حسبى الله ونعم الوكيل فى كل انسان مبيشتغلش بضميره و بيتسبب فى اذيتهم

**ASKAFRAWY** · 09-07-2009 10:12 AM

اللهم اغفر له و ادخله فسيح جناتك
انا لله و انا اليه راجعون
امتى بس المستشفيات تبدأ تتعامل بضمير اكتر من كدة؟
هى حياة البنى ادم اصبحت بلا قيمة خلاص!!
اللهم اغفر لنا..واعفو عنا..انك انت التواب الرحيم

**abzoabzo** · 09-07-2009 10:44 AM

البلد محتاجة وزارة صحة
بلاش صرف على الفشخرة والاسفلت اللى مبيدعدلش
والتعليم الحكومى الفاشل
ونهتم شوية بالصحة وتشديد الرقابة عليه

**ZALABANY** · 09-07-2009 11:13 AM

غفر الله له وتغمده برحمته وأنزله منزلة الشهداء .. آمين

**hamedo0** · 09-07-2009 11:33 AM

انا لله و انا اليه راجعون

-

الموضوع: وفاة مواطن مصرى بسبب اهمال المستشفى كلاكيت مليون مره

LinkBack

أدوات الموضوع

عرض

-

-

-

-

-

المواضيع المتشابهه

.. وفاة مواطن في حادث مروّع وقع على الطريق بين العارضة والحميراء بجازان !!!

نزيف الاسفلت مستمر ..بسبب تقاعس و اهمال الحكومة الفاشلة

استقالة وزير الداخلية الكويتي بعد وفاة مواطن تحت التعذيب في أحد أقسام الشرطة

بسبب اهمال المالك : عمرة لتريوس مو 2008

تعرض مليون مواطن للحصار

الكلمات الدلالية لهذا الموضوع

المفضلات

المفضلات

ضوابط المشاركة