تواريخ استلام النيو سيراتو

**de3bis** · 09-07-2009 01:49 PM

المشاركة الأصلية كتبت بواسطة sameh_vip

انا المفروض كان معاد الاستلام خلال 3 شهور من يوم الحجز روحت بعد 3 شهور يوم الجمعه اللي فاتت قالي حاتم سمير اللي انا حاجز معاه انا المركب اتاخرت واقعد يحلف ويعتذر ان هما ملهمش اي ذنب في اللي بيحصل ده هما كانو فاكرين ان الضغط هيكون علي الفئات الاولي بس زي السيراتو الشكل القديم بس هما طلبو طلبيه كبيره من ال اس اكس والهاي لاين وقالي ان العربيه هتكون موجوده النص التاني من الشهر ده واداني نمره واحد اسمه امجد المفروض انه مدير المبيعات علشان اتاكد منه بس كلمته مش بيرد.

الحقيق ان الكلام ده صحيح و المراكب بتيجى دلوقتى مليانة sx و اعتقد ان شهر 7 ح يكون فيه تسليم كتير جدا للحاجزين بالسعر الرسمى انا كمان واخد وعد و شفت كشوف التسليم بنفسى للنصف الثانى و بالذات أخر اسبوع من يوليو و كمان العربية بقت موجودة فى كل النعارض مع الأوفر برايس بس وجودها معناه ان موجة الأوفر برايس بدأت تنحصر.

**aymanh5** · 09-07-2009 02:49 PM

تاريخ الحجز : 6/ 7 / 2009

تاريخ الإستلام : 7/ 7/ 2009

مكان الشراء: هاكتبه بعد الترخيصإن شاء الله

السعر : 122 (بدون ضمان)
انا مش عارف اسم الموديل بالضبط (الموديل فتحة سقف تكييف تاتش جنوط 16 abs بيقولو خليجى) يا ترى اسم الموديل ايه والسعر عامل ايه

وعلى فكره العربية تحت البيت وخايف اركبها واتهنى بأول عربيه زيرو علشان ورقها لسه فى الجمارك

**ahmed000** · 09-07-2009 04:05 PM

محدش جاب سيرة المانيوال خاااااالص
عموما يمكن ان شاء الله تعالى احجزها الاحد
وهابقى اقولكم على التفاصيل

**iseddik** · 09-07-2009 04:25 PM

حاجز من يوم 30 مايو هاى لاين من الوكيل فرع المعادى ولم استلم حتى الان

**TeMoON** · 09-07-2009 05:25 PM

تاريخ الحجز : 7/4/2009
تاريخ التسليم : الى حين ميسرة
مكان الشراء : ناشيونال موتورز
سعر الشراء : 125.900
ولا للاوفر برايس وانا مش مستعجل

**de3bis** · 09-07-2009 08:21 PM

المشاركة الأصلية كتبت بواسطة temoon

ولا للاوفر برايس وانا مش مستعجل

هو ده الكلام احنا اقوى و من صبر نال

"لا للاوفر برايس"

**sameh_vip** · 10-07-2009 10:06 AM

امس اتصل بي حاتم سمير وقالي العربيه هتوصل يوم 15 اغسطس قولتلو انا هاجي اسحب الفلوس.

ناس مش محترمه.

**de3bis** · 10-07-2009 10:58 AM

المشاركة الأصلية كتبت بواسطة sameh_vip

امس اتصل بي حاتم سمير وقالي العربيه هتوصل يوم 15 اغسطس قولتلو انا هاجي اسحب الفلوس.

ناس مش محترمه.

اعتقد ان فيه مشكلة فى الهاى لاين بتاعت الوكيل
لكن انا اظن ان سحب الفلوس مش الحل يعنى انت ح تعرف تجيبها بنفس المواصفات من حتة تانية مثلا
اعتقد ان افضل لك تنزل لل sx بما انك حاجز من 5 ابريل فممكن تستلم الإسبوع الحالى

**moosaleh** · 10-07-2009 11:52 AM

انا حاجز بتاريخ 29\3 من الوكيل فرع جليم بدون اوفر بريس بس الجديد دلوقتى كلمونى و قالولى هانسلمك موديل 2010 بتاريخ 20\7 طبعا دى حجه جديده علشان يأخروا التسليم يعنى الرد الجديد على استعجالى ليهم هيكون يا باشا انت هتستلم 2010معلش استحمل شويه بصراحه شويه نصابين مع العلم ان وكيل كيا من احسن وكلاء السيارات بمصر

**refattosa** · 10-07-2009 12:53 PM

السلام عليكم.....

بعد اذنكم احب اوضح لكم حاجة بخصوص الموضوع دة لاني معايشه مع واحد صديقي جدا من اول ما كان بيدور علي عربية يشتريها

- تم الحجز يوم 28/4 عن طريق واسطة من اكبر الناس في الشركة
و بخصم كمان علي الاس اكس و تم ابلاغة ان الاستلام في 20/5

- طبعا لم يحدث انه استلم في الميعاد عشان الملركب اتاخرت و الكلام اللي انتا فاهمينه دة

- يوم 6/6 تم ابلاغه ان المركب وصلت و حيستلم بعد بكرة

- طبعا ماستلمش

- مدير المبيعات قاللة .... تسالني في اول اغسطس علي العربية

- كلمنا حد بيشتغل في الشركة عن طريق بعض الاصدقاء
و قال فعلا العربية كانت جت يوم 6/6 علي اسم صديقي
( و قاللي اسمه بالكامل و لون العربية و الفئة)
و تم تسليمها.........لموزع

الخلاصة ان عربياتكو بتيجي فعلا و لكن بيتم تسليمها للموزعين
عشان يبيعوها في السوق السوداء

ومع اقراري فعلا ان هما ناس محترمين جدااااااااااااا

لاني معايا رينو و مجربهم و انتوا عارفين طبعا ان كيا و رينو واحد

لكن واضح ان الموضوع لما بييجي للمصلحة ماحدش بيبقي محترم

في وعوده او التزاماته.......

و اسف علي الاطالة..... و شكرا لكم