معا لألغاء الميكروباصات

**أحمد كمال** · 13-07-2009 09:39 AM

المشاركة الأصلية كتبت بواسطة mmedali1978

والله والله والله انا كرهى لبتوع الميكروباص اكتر من اى حاجه فى الدنيا واللى اتعمل فى عماد الكبير لما عرفت انه سواق ميكروباص فرحت جدا جدا وقلت ده شويه عليه ويارب كل سواقين الميكروباص تجيلهم مصيبه حتى واللى راكبين معاهم علشان سلبين وبايدو السواقين فى كل حاجه

اتق الله و لا تشمت في مظلوم

عماد الكبير اتظلم و اتجرس

ربنا ما يحط حد مكانه مهما كان

**tutankhamoun** · 13-07-2009 09:57 AM

من مجرد ثرثرة وخلاص

شاكرين لذوق سعادتكم العالي .......

و آسفين لو أزعجنا مزاج سعادتك العالي على الثرثرة الفاضية ....... أصل أحنا عالم فاضية و مخها فاضي ...
معلش آسفين يا سعادة البك ....... أعذرنا .

**mucho** · 13-07-2009 08:33 PM

المشاركة الأصلية كتبت بواسطة tutankhamoun

شاكرين لذوق سعادتكم العالي .......

و آسفين لو أزعجنا مزاج سعادتك العالي على الثرثرة الفاضية ....... أصل أحنا عالم فاضية و مخها فاضي ...
معلش آسفين يا سعادة البك ....... أعذرنا .

ازاي بقى يا استاذ توت عنخ امون حد يقدر يقول ع كلام معاليك انه كلام عالفاضي ده حضرتك راس الحكمه
استاذ طلعت موش يقصد وكلنا داخليين الموضوع ده لهدف في نفسنا ومحتاجيين فعلا نسمع بعض ولا ايه

:b4_611:

**Rembrandt** · 13-07-2009 08:48 PM

المشاركة الأصلية كتبت بواسطة ashraf229

فعلاااااااااااا.................... ..

المشكلة في النظام....................

..........

يا باشا انا كنت أقصد نظاام أخر نظام يستبد ويطغى

**tutankhamoun** · 14-07-2009 06:23 AM

المشاركة الأصلية كتبت بواسطة mucho

ازاي بقى يا استاذ توت عنخ امون حد يقدر يقول ع كلام معاليك انه كلام عالفاضي ده حضرتك راس الحكمه
استاذ طلعت موش يقصد وكلنا داخليين الموضوع ده لهدف في نفسنا ومحتاجيين فعلا نسمع بعض ولا ايه

:b4_611:

أولا ...... من كل قلبي بشكر حضرتك على ذوقك بجد بجد ...... و ألف شكر مرة تانيةعلى المجاملة الرقيقة .
و مفيش أي مشكلة ....... و أنا مش زعلان من حد .....

و كفاية رد حضرتك المحترم جدا .......
بارك الله فيك ...... و حفظك من كل شر . و من كل سواقين الميكروباظ ........ :b4_611:

**ashraf229** · 14-07-2009 09:32 AM

المشاركة الأصلية كتبت بواسطة rembrandt

يا باشا انا كنت أقصد نظاام أخر نظام يستبد ويطغى

مع احترامي ليك.........انا اقصد فعلا النظام يعني تنظيم الناس لحياتهم و رغباتهم و تفكيرهم.......

الناس واقفة فينص الشارع علشان توقف المكروباص...والأتوبيس و المكروباص لازم يقف قدام بعيد و يجري الناس وراه....

صندوق الزبالة حواليه زبالة أكتر من اللي جواه...البياعين بالمكروفونات ليل مع نهار...الكارو ماشي حتى في صلاح سالم براحته........

لا احنا منظمين ولا حد بينظمنا ولا اتربينا عالنظام........

أذكر في مرة حد قالي زمان ان موشيه ديان (وزير الدفاع الأسرائيلي أيام حرب 73 اللي كان حاطط غطا على عينه جلد زي بتاع القراصنة ده) انه قال ايام النكسة ساخرا مننا:

حينما يتعلم المصريين ركوب الأتوبيس بنظام.........وقتها سيشكلون خطرا حقيقيا على اسرائيل..........

طبعا ده معنى مجازي القصد منه اننا نكون منظمين و محترمين و مؤدبين.....

ده احنا اصلا أصل الثقافة و الحضارة و الأدب و الأخلاق.........لازم نرجع للصدارة تاني.......

**ashraf229** · 14-07-2009 09:35 AM

لا احنا منظمين ولا حد بينظمنا ولا اتربينا عالنظام........محدش يفهم الجملة دي غلط

طبعا البلد مليانة ناس أجلاء و محترمين و ده حال مصر على كل العصور......

لكن انا أقصد الفئة الغالبة في البلد اللي ما يهمهاش حد و لا عايشه بلطجة و عايزينها فوضى.........

فوضى هما صنعوها و ما يقدروش ييشوا من غيرها...........

مع احترامي لكل المحترمين و الشرفاء في بلدنا الغالي..........

**tutankhamoun** · 14-07-2009 10:36 AM

فعلا يا أستاذ أشرف أصل المشكلة فينا أحنا .........

الناس اللي بتمشي عكسي و اللفة عن بعد 10 متر ............
و الناس اللي بترمي زبالة من العربية ؟؟؟؟؟؟؟؟؟؟؟؟؟؟؟؟؟؟؟؟؟
عناصر النظام غير متوفر في بلدنا .....
اللي هي شعب مش عايز نظام ....... و خكومة مبسوطة بحال الشعب على كدا
-----------------------------------------------------------------------
يوم الجمعة اللي فات كنت في مترو الأنفاق ...
رحت على الشباك بتاع التذاكر ..... لقيت واحد واقف يبقطع تذكرة
وقفت وراه زي الناس المحترمة ........
ببص لقيت أتنين برشوتات ...... واحد جاه من أدام الراجل من اليمين و التاني من الشمال .........
يعني حتى محدش عبرني و وقف ورايا ........ مع أن الحكومة حاطة حواجز حديدية زي اللي بيحوحها للحيوانات في المزارع .. أعزكم الله

المه بقلولهم ما يا جماعة نقف طابور .........
و الله العظيم .......... بصولي حتة بصة و كأني بأشتمهم مثلا .......

رحت مزعق و قلت محدش فيكم هايدخل ادامي ...... و أول ما زعقت و عليت صوتي .....
لقيتهم كشوا و خافوا ( لأنهم طبعا على غلط )
و سابوني دخلت و قطعت و مشيت

و الأمثلة كتييييييييييييييييييييييي يييرة لهذا الشعب الكاره للنظام .

هنا بقى الحكومة هاتعمل فيهم أيه
عملت حواجز حديد زي بتاعة الحيوانات و مع ذلك مش مأثرة فيهم
هاتوقف على كل طابور عسكري بكرباج ؟؟؟؟؟؟؟؟؟؟؟؟؟؟؟

أساس المشكلة فينا أحنا كشعب و بعدين الحكومة ...........

**ashraf229** · 15-07-2009 10:02 AM

المشاركة الأصلية كتبت بواسطة tutankhamoun

فعلا يا أستاذ أشرف أصل المشكلة فينا أحنا .........

اللي هي شعب مش عايز نظام ....... و خكومة مبسوطة بحال الشعب على كدا
-----------------------------------------------------------------------

و الأمثلة كتييييييييييييييييييييييي يييرة لهذا الشعب الكاره للنظام .

هنا بقى الحكومة هاتعمل فيهم أيه
عملت حواجز حديد زي بتاعة الحيوانات و مع ذلك مش مأثرة فيهم
هاتوقف على كل طابور عسكري بكرباج ؟؟؟؟؟؟؟؟؟؟؟؟؟؟؟

أساس المشكلة فينا أحنا كشعب و بعدين الحكومة ...........

أولا شكرا جزيلا على اهتمامك بكلامي و التعقيب عليه..........

ثانيا ايه اللي خلاك تعمل طابور؟؟انك كارهت الفوضى و زهقت منها وحسيت ان الطابور كل واحد ماسك فلوسه في ايده و ياخد تذكرته و يمشي و ييجي اللي بعده في انجاز شديد مش خمسين ايد ممدوده للموظف!!!!

انا مرة كان معايا اصدقاء المان جم يزوروا مصر كنا ماشيين بالعربية في رمسيس و وقفت في أشارة رمسيس عند المسجد كده و قلت في سري يارب ما يأخدوش بالهم من العساكر اللي واقفة بحبال علشان تمنع الناس انها تعدي لما الأشارة تفتح!!!!!!!!!

فعلا قمة المهانة ان اتنين عساكر غلابة وقفين بالحبال و الحواجز الحديد يهشوا الناس و يمنعوهم انهم يعدوا و الله لولا ان فيه سور و عالي صعب يتنط لكان كل الناس نطت و محدش وقف !!!!!!!!!!

ليه يعني ما تستنى الأشارة دقيقة خلاص وراك البورصة ولا فيه وزير مستنين في مكتبك بقاله ساعة ولا مراتك بتولد في البيت!!!!!!!!!!!!!!!!!

و لما تتنيل تنزل لو العساكر ما ممنعوكش بالحبال (عفوا زي القطيع لا مؤاخذة) و تنزل و تيجي عربية تشيلك و تجري أو تكون عربية شرطة أو نقل عام و حتى لو ما جريتش هتستفيد ايه لما تتشل ولا تتعمي و لا تحصلك مصيبة و تضيع مستقبل اللي سايق و تبقى انته عندك عاهة ده لو ما ماتش و هوه اتسجن و عيالك و عياله اتشردوا مين هيصرف عليهم!!!!!!!!!!!!!!

ما تقف زي الناس المحترمه ادي الطريق حقه و خد حققك براحتك و نعيش في سلام في دنيا........الحقوق و الواجبات.......ده الدنيا أخد و عطا..........مش بطجة و فوضى و حلق حوش و اللي يلحق.........

ده حتى دينا اللي بيقول كده و أخلاقنا و عاداتنا.......و مشاكلنا كمان حلها كده.........

""الدين النصيحة""

-

مشاهدة نتائج الإستطلاع: الميكروباصات

الموضوع: معا لألغاء الميكروباصات

LinkBack

أدوات الموضوع

عرض

-

-

-

-

-

المواضيع المتشابهه

حتى الميكروباصات في اليابان ... غير

احلال الميكروباصات

الميكروباصات وعمايلها !!!!بجد مفيش امل

تليفون شكاوى الميكروباصات

أين رخص سائقى الميكروباصات !!

الكلمات الدلالية لهذا الموضوع

المفضلات

المفضلات

ضوابط المشاركة