الموضوع: معا لألغاء الميكروباصات

تلغى ميكروباصات ايه !!

ايه الكلام الغريب ده ؟؟!

انت حضرتك بتتكلم بجد!!!!!!!!!!!!!!!!!!!
طاب حضرتك قبل ماتشترى عربية كنت بتركب اية؟؟
التفكير الصح فى رايى ان يتفعل القانون والى يغلط من السواقين دول يترمى فى السجن ويتشرد هو واهلة لو السواق عرف انة لو خالف القانون هيحصل فية كدة هيفكر قبل مايعمل مخلفة او يزنق علينا
انما يتلغى خالص دى حاجة مستحيلة

المشاركة الأصلية كتبت بواسطة mucho

انا بشوف ان ازمة المرور والحوادث و 90% من تغير مزاج الواحد وعكننته وهو سايق سببها الميكروباصات انتم ايه رايكم؟

انا شايف ان الحل في الغاء الميكروباصات وحدذفها من شوارع مصر وصراحه انا الموضوع كبر معايا وبفكر في حملة حتى لو الهدف ما تحققشي بس اكيد هانكون هددنا سواقيين الميكروباصات عشان يفهموا ان الدنيا موش سايبه

وطبعا في حلول بديله بس اشوف رايكم معايا ولا لأ

هو علشان حضرتك راكب عربيه ومستريح يبقي الناس تولع وتلغي الميكروباص (حتي لو مجرد تفكير)
والناس تركب ايه تركب الأوتوبيس اللي فيه اكتر من 100000000000 مليون شخص
حرام عليك بص للناس قبل ما تفكر في نفسك
لا حول ولا قوه إلا بالله

المشكلة مش في الميكروباصات او عددها المشكلة في اللي بيسوقوا الميكروباصات و التاكسيات ايضا. مش بيحترموا اي قانون و مفيش ذوق و لا ادب و لا احترام. الموضوع محتاج يتظبط من الشرطة اولا لان فاقد الشئ لا يعطية. انا اقترح الاتي
1- عمل دورات تدريبية لمهندسي الطرق علشان يعرفوا ازاي يخططوا الشوارع و الحارات مش تكون ماشي في حارة و فجائة تلاقيها تلاشت.
2- عمل دورات تدريبية لضباط و جنود المرور علشان يعرفوا ينظموا المرور و كيف يتعاملوا مع الناس.
3-عمل دورات تدريبية لسائقي التاكسي و الميكروباص و النقل قبل اعطائهم رخص القيادة.
4- المداومة علي حساب المخطئ بدون رحمة بغض النظر عن هو ابن مين في مصر.