انا فهمت من كلامك ان عربيتك اوتوماتيك وبالتالى هاقترح عليك الآتى:
1- اولا جرب التجربة الآتية، والعربية على N دوس بنزين لحد 3500-4000 وبعدين شيل رجلك من على البنزين واحدة واحدة بالراحة جدا، لو العربية جت ما بين 1500 و 2000 ولقيت ان الRPM عمال يلعب من غير ما تحرك رجلك على الدواسة يبقى انت محتاج تضبط ال تى بى اس مع وضع السلانسيه مع بلف الأيدل ، وده بيتم فى التوكيل
2- لو مافيش مشكلة من الحتة دى مطلوب منك انك الصبح بدرى والعربية باردة تدور العربية وتسيبها تسخن حوالى دقيقة، وقبل ماتحركها من مطرحها وانت لسة شادد الهاندبريك، اديها كل الغيارات r,n,d,2,1 وبعديرن رجعها لل P بدون تحريك العربية،خلى العربية دايرة و افتح الكبوت وقيس زيت الجيربوكس (العربية تفضل دايرة اثناء القياس)، طلع المقاس ونضفه وحطه تانى وطلعه وخد قراية الزيت، الصح ان الزيت يكون عند الحد العلوى للمظقة المظللة على المقاس، لو هو ناقص زوده ، لو هو مثلا عند حد المنطقة المظللة السفلى زود 300 مللى زيت، لو هو فى نصها زود 150 مللى، لو فى تلتها العلوى زود 100 مللى، ومتقيسش تانى لحد ما العبرية تبرد(مش اقل من 5 ساعات تكون العربية مبطلة) ولو الأمر احتاج زيادة زيت تانى زود لكن بكميات قليلة علشان الزيت ميعديش الحد العلوى (كل ده احنا بنتكلم على زيت الجيربوكس)
3- لو مافيش مشكلة فى كل من 1 و 2 يبقى النصيحة التالية هى تنضيف بلف الأيدل
المفضلات