اخوانى الأفاضل متى يتم تغيير سير الكاتينة وما هو افضل نوع السيارة فيات 128 موديل 2006
عرض للطباعة
اخوانى الأفاضل متى يتم تغيير سير الكاتينة وما هو افضل نوع السيارة فيات 128 موديل 2006
ملحوظة صغيرة السيارة نصر 128 موديل 2006
سير الكاتينة بيتغير على 20000 كم كحد اقصي و الكثيرين يفضل تغيرة كل 15000 لعدم الثقة في الخامة المصنع منها السير
و ذلك نظرا لجودة الرقابة على الصناعات و المواصفات في مصرنا العزيزة
الكلام ده كنت بعملة في المرحومة و عرفت من زمايل في العمل معاهم 128 موديلات حديثة انها نفس القصة
و يفضل لو تغير مع السير البلية و الاويلسيهات الثلاثة الي معاه
عاجز عن الشكر يا باشا
ايام ما كانت معايا ال127 توب كنت با اغيره كل 30-40 ألف و كان نوع ايطالى اعتقد Perelli
15 ألف كويس ل128
هو طبعا الكيلوهات بتساعد لكن لسوء الجودة احسن حاجة كل ما تروح للميكانيكي خلية يبصلك علية لو بدا يبوظ غيرة
قديما كان سير الكاتينة يستبدل كل 40 الف كم
حاليا للشك في رداءة قطع الغيار يتم الاستبدال كل 25 الف كم
مع مراعاة فحص التروس ايضا لمعرفة حالتها اذا كانت تستدعي التغيير
انا عامل 30 الف و ما غيرتهوش و كشفت علية لقيتة كويس
انا اسف للمداخلة
لكن العربيات زي 128 اي ميكانيكي ممكن يعرف اذا كان السير محتاج تغيير و لا لا من حالتة زي سير الدينامو بالضبط لكن في عربيات تانية زي الهيونداي مثلا بتلافي السير جدبد تماما و مفيهوش حاجة و ممكن يتقطع تاني يوم و في الحالة دية بتعتمد على الكيلوهات
الكلام دة غريب عليا قوى اللى اعرفة ان سير الكاتينة ميتغيرش غير بعد عمر طويل بس هل بتاع ال 128 دة كاوتش ولا جنزير
اصل انا عندى جنزير زى الادا
;كل 30000كيلو لازم يتغير
انا شايف في ناس كاتبة من 15 الي 40 الف
طيب في حد كلف خاطره وبص في كتالوج السيارة
حتقولو اللي في الكتالوج لا ينطبق علي المواصفات الفنيه لقطع الغيار اللي في السوق
طيب يبقي لو حطنا معامل امان يبقي 25 الف مش اقل ولا اكتر ويراعي تغير بلي الكاتينة كل 50 الف
ملحوظه الاوكتافيا a5 عاملة لحد دلوقت 80 الف كم دون تغير السير المذكور
مع كامل الاحترام و تقدير لراي الاخوة الاعضاء
عن تجربتي الخاصة مع المرحومة انا غيرت سير الكاتينة 3 مرات كل مرة حوالي ال18 الف
اول مرة كان طالع السير على شعرة يعني كنت شايف التقطيع بعيني الغير خبيرة في السيور و على راي الميكانيكي الي غيرة قال يومها انت كنت المفروض توصل بيه مشوار علشان كنت جتني بعمرة مش سير
المرة التانية غيرتة في نفس الوقت و كان تقريبا نفس المشكلة اما المرة التالتة كان حالتة كويسة ال3 سيور كانوا نفس الماركة و نفس التمن و نفس المحل كل مرة
افضل انك تدفع 35 تمن السير و 40 تغيرة و 15 تمن اولسيهات او انك تمشي مع الكتالوج و تدخل في عمرة حلوة قوي قوي و تدفع فيها رقم محترم ؟؟
السير كان مكتوب عليه صناعة تركي و ممكن يمشي حتى 40 الف بس طبعا مكنش بيحصل و بتاع قطع الغيار بيقول انه ممكن يعد النوع ده حتي ال35 بدون قلق و برده محصلش
اما الاخ العزيز الي بيقول بتاع الاسكودا بيعد 80 الف او اكتر طبعا كلام حضرتك صحيح و برده بتاع الفورد فوكاس الجديدة بيعد لحد 100 الف و ده ارقام عادية و لما بتشتري السير سعرة بيكون عالي و خامتة تقدر تحددها مضروبة او لا بسهولة
اما بتاع ال128 صعب جدا تحدد جودتة او حتي مصر تصنيعة الحقيقي
هو بالكتير 15 الف فى 128
انا عندى فى اللانسر بتاع الفابريقه غيرته عند 90000كم
ولما شوفت اللى ركبته قررت باذن الله انى اغيره بعد 40000كم حتى ولو من التوكيل
ربنا يتوب علينا من بير السلم