مشكلة فى ترخيص سيارة المعاقين

**Abdelghani40** · 09-07-2009 01:49 PM

السلام عليكم ورحمة الله وبركاته

استأذنكم لو فى حد عنده خلفية عن تخليص رخصة المعاقين
( مرور العجوزة ) عشان انا خلاص فاض بيا من الناس دى

الموضوع باختصار :
أنا أخت زوجتى معاقة واشترت سيارة معاقين من بورسعيد

والمشكلة إنها خلصت جميع إجراءات تخليص السيارة وترخصيها - مع العلم إن جميع أوراق العربية مستوفاة وخالصة ومعنا ورقة بالنمر الجديدة – وخلصنا الفحص وتقريبا كل شيء منتهى بس وقفة على رخصة المعوق ودخلت امتحان القيادة وبعدين وقعت أقماع مع العلم إنها خارج المرور بتسوق كويس وكله تمام تيجى تدخل الامتحان ترتبك وتضرب لخمة ( وحاليا واخدة تأجيل ثلاثة شهور ) .

وبصراحة انا جبت اكتر من مرة واسطة عشان تخلص الموضوع دا ( الكل يخاف من موضوع المعاقين ) ويقول لا كله إلا دا – عشان في أوامر من وزير الداخلية خصيصا والتشديد على هذا الموضوع ( رخصة المعاقين )

مش عارفين نطلع ليها رخصة والعربية (بالجراج) من شهرين على هذا الوضع
اللى ممكن يدلنى على حل لهذا الموضوع
الدال على الخير كفاعله

جزأكم الله كل خير

**JAM** · 09-07-2009 08:21 PM

مدرسة المرور الخاصة بإدارة المرور اللى هية تابعة ليه... وبعد لما تخلص المدرسة.. يارب لو وقعت الاقماع كلها.. هتاخد الرخصة إجبارى.. وللعلم انا برضه زيك.. العربية بتاعة اخو مرتى وبيسوق كويس بره ولما يدخل وسط الزحمة.. يرتبك جدآ.. وخايف اروح بيه كدة.. وبصراحة انا بدور على واسطة قوية لانى مستعجل جدآ جدآ... وياريت تبعتلى على الخاص تقولى عملت ايه فى اول مرة رحت إدارة المرور وايه المصاريف والورق اللى انتا عملته

**Abdelghani40** · 15-07-2009 12:06 PM

السلام عليكم ورحمة الله وبركاته

رجاء من مشرفى المنتدى حذف
كل من :
1) ترخيص مرور الدقى - -فى حد عنده خلفية عن
تخليص رخصة المعاقين
2) مشكلة فى ترخيص سيارة المعاقين

عبدالغنى
ولك جزيل الشكر
بناء على طلبى

**JAM** · 19-08-2009 09:35 AM

طيب انتا رخصت ياباشا ولا لسة..؟

**Mosmafa** · 21-08-2009 10:20 PM

بكل اسف وبكل اسى
انا مضظر ااقولك خبر زعلني وهيفضل مزعلني سنة واربع شهور
طلع قرار بكل ظلم وافترى من وزير المالية
بمنع فك الحظر للعربية مهما كنت مخلص الورق
قبل تلات سنين من تاريخ الافراج الجمركي
يعني حتى لو الرخصة اتعملت مش هتقدر تفك حظر للعربية
وعالعموم انا زيي زيك شارب نوبيرا بقالي سنتين مش عارف اعمل بيها اي حاجة
ولو لقيت صرفة او انا لقيت صرفة ممكن نتواصل ابعتلي رقمك عالخاص
وربنا يفرجها من عنده

**JAM** · 24-08-2009 03:34 AM

انا سمعت من أحد التجار ببورسعيد وهوا بالمناسبة ابن خالى .. انه فى قرارات جديدة هتنزل قريب لان التجار هناك بيتهم اتخرب

**Mosmafa** · 24-08-2009 05:35 AM

طب ما تساله يا جام معلش لو فيها رخامة
القرار اللي نزل ده خلى فترة الحظر تلات سنين بدل خمسة؟
وبرضه شرط رخصة سواقة بعد المدة ما تخلص و لا خلاص ملهمش عندي حاجة
ربنا يكرمك متنساش

**Car's Sniper** · 24-08-2009 03:37 PM

ممكن سؤال ياجماعة هو التلت سنين دول بداية من شرائها ولا بداية من ترخيصها
وشكرا

**JAM** · 05-09-2009 03:07 PM

بصوا يا جماعة... العربية مش هتفك حظرها بصورة تلقائية الا بعد 5 سنين... ولو انتا اللى عايز تفك حظرها يبقة بعد 3 سنين مع دفع مبلغ 9600 بندق.

يعنى الفلوس دى هتقصر سنتين من فترة الحظر الموجودة على العربية
وهوا دا القرار الجديد