يا جماعة حد اتعامل مع السمكري اللي في المنيل ورا مدرسة النيل للبنات؟؟؟

**Hondawy_2008** · 09-07-2009 07:10 PM

أنا العتب اللي تحت الباب عندي اتحك في بلاعة عالية و دخل لجوة شوية و اتشالت البوية و الجزء اللي فيه المشكلة دي بطول حوالي 50 سم ......... المهم أنا ساكن في المنيل و رحت للسمكري اللي ورا مدرسة النيل التانوية بنات قدام سنترال المنيل و قالي هتكلف 150 جنيه سمكرة و دوكو و قالي انه هيردها من غير ميقص أو يخرم العتب.......
يا جماعة حد جرب الراجل ده هو اسمه اسطى عيد ؟؟؟ واللي يعرف حد تاني أحسن و أضمن يا ريت يقولي مستني ردودكم و ألف شكر مقدما

**MoToRiZeR** · 09-07-2009 07:30 PM

ده اللي هو مسميينه الدكتور ؟
فيه سمكري في المنيل مسميينه الدكتور بيقولوا عليه جامد أوي انا شفت شغله في عربيات صحابي بصراحة شكله كويس جداَ مع إن محله تقريباَ دكان ربع متر بيرمي فيه العدة و خلاص !

**Hondawy_2008** · 09-07-2009 07:54 PM

المشاركة الأصلية كتبت بواسطة motorizer

ده اللي هو مسميينه الدكتور ؟
فيه سمكري في المنيل مسميينه الدكتور بيقولوا عليه جامد أوي انا شفت شغله في عربيات صحابي بصراحة شكله كويس جداَ مع إن محله تقريباَ دكان ربع متر بيرمي فيه العدة و خلاص !

والله يا باشا مش عارف هو و لا لأ طيب ممكن تسأل صحابك و تقولي ونتأكد هو ولا لأ ولو مش هو يا ريت تقولي عنوان الدكتور ده في المنيل فين بالظبط؟؟ لأني بصراحة عايز أعملها بنضافة

**waleedrahmy** · 09-07-2009 07:59 PM

حا يسخن العتب وحا يلحم فيه زرجينة ليرد بيها ثم يشيل مطرح اللحام بصاروخ ويصنفر وكله حايرجع زي ما كان ................انا عرفت المعلومة دي من زملائني في قسم الدايو