المشاركة الأصلية كتبت بواسطة sherif sharaf
السلام عليكم جميعاً
أنا كلمت معرض فى 6 أكتوبر تبع سمارت كار وقاللى إنهم هيجيبوا خليجى وهتوصل على آخر الشهر إن شاء الله
حسب كلام صاحب المعرض شخصياً (مش المبيعات) العربية بنفس مواصفات المصرى بس هيزيد عليها حسب كلامه ِabs و 2 air bag وجنوط 16 والسعر هيتحدد نهائى لما العربية توصل إن شاء الله بس هو قالى إنها هتكون فى حدود ال 110 ألف زى المصرى
بخصوص الصيانة هى طبعاً خارج ضمان kia - eit بس هو الراجل قالى إنه بيدى ضمان وهم عندهم مركز خدمة (تبع سمارت كار زى مقلتلكم)
لو حد عنده أى معلومات ياريت يشركنا معاه
أنا بصراحة مقلق شوية من موضوع الخليجى، بس هى المشكلة إن المصرى مش موجودة وبتتباع بحوالى 8000 جنيه أوفر برايس ....
بصراحة مش عارف أعمل إيه ...
أستنى المصرى يمكن ترخص شوية مع الدفعات الجديدة ؟؟؟
واللا أحجز مع التوكيل واستلم بعد شهرين على الأقل ؟؟؟؟
واللا أتوكل على الله وأشوف موضوع الخليجى ده ؟؟؟؟
ماذا تفعل لو كنت مكانى ؟؟؟