ابعد عن الصينى
عرض للطباعة
ابعد عن الصينى
مع الاسف انا من احد ملاك الصيني
وانصح حضرتك بكل امانه ابعد عن الصيني
للعلم انا معايا a620 سبيرانزا اعلي فئه في العربيه دي وعن ثقه بانصحك ابعد عنها احسنلك تخيل انت هتجيب فئه اقل ياترى هتشوف فيها ايه
العربيه سيئه بكل ماتحتويه الكلمه من معاني واعاده بيعها زفت
يعني حتي لو تعبت معاها وحبيت تغير انسي فلوسك خالص زيي كده العربيه واقفه علي باكتر من 120 الف قسط والنهارده مش هتجيب 60 خليها كده احسن بدل ما دمي يتحرق علي فلوسي
بصراحة بحترم ملاك العربيات الصينى اللى بيقولوا وحشة و هما يملكوا العربية غير اللى بيحسوا انها زفت فى كل حاجة و مطلعة عينهم و يدخلوا يقولوا ممتازة , شكرا لganaahony جدا على الكلام الصريح دا
لو فلوسك ع قد الاسبيرانزا هات هيونداى اتوس احسن
لو هتدفع 62 الف يبقي لانوس افضل .
حضرتك راجل محترم جدا وصريح جدا وقليل اللي كدا على فكرة
اللي بيعترف بالحقيقة قدام (نفسه) اولا مش قدام الناس
معظم الناس دلوقت حتى لو راكب عربية سيئة بإجماع الناس كلها يفضل يقول لا دي ممتازة وحلوة وسريعة ومابتاكلش مطبات واعتمادية وتلف الكرة الارضية ب خمسة لتر بنزين
وبيبقى السبب الرئيسي انه يقنع (نفسه) قبل الناس انه مكانش غلطان لما حط تحويشة العمر في العربية دي، او القسط اللي بيدفعه كل شهر وتاعبه مش بيدفعه في مكان غلط
وطبعا اللي بيعمل كدا مش عارف انه ممكن يكون بيورط واحد تاني في نوع سيئ والراجل ده هايدعي عليه بعدين
من اسوأ الاشياء ان الإنسان ميكونش قادر يكون صريح حتى بينه وبين نفسه
تحياتي يا راجل يا محترم وطبعا اخلاقك دي متوقعه من اهل الأقصر الطيبين الجدعان
وبعيد عن الموضوع ده اسمحلي اسجل اعجابي الشديد بمشاركاتك ومواضيعك وردودك اللي دايما بتكون ذات رأي قيم
اخوك عمرو
انا معرفش عنها حاجة غير ان عفشتها ناشفة اوي
انا معايا واحدة عامل بيها 5000 كيلو
المساعد الورا يمين ضارب وقالولي هانغيره في الضمان
طبعا مش هادفع فلوس
بس ازاي المساعد يبوظ بـ5000 كيلو بس
لسه ماواجهتش اي مشاكل تانية غير كده
لو عايز تشوف العربية وتجربها وممكن اخليك تسوقها وتلف بيها راسلني على الخاص