مساء الخير
ياتري في مواصلة مباشرة من موقف السلام الي النزهة الجديدة
وبالتحديد 7 شارع محمد كمال حسين-النزهة الجديدة
وشكرا
مساء الخير
ياتري في مواصلة مباشرة من موقف السلام الي النزهة الجديدة
وبالتحديد 7 شارع محمد كمال حسين-النزهة الجديدة
وشكرا
شكرا لرد حضرتك
يعني اي مواصلة لرمسيس توصلني هناك وهو ممكن يروح رمسيس من غير مايعدي علي صلاح سالم وللا لازم؟؟؟؟
معلش اصل انا معلوماتي في القاهرة صفر
وشكرا
مينا باشا
انت طبعا عاوز تروح ِ ABB صح
طيب يا باشا انت قدامك حلين
1- تركب اي حاجة رايحة رمسيس عن طريق صلاح سالم و تقول السواق نزلني عند مدينة ملاهي السندباد و عندها تقف و ظهرك للترعة قصدي ضهرك للشارع هههه و هتبقي بوابة السندباد علي يمينك و تتحرك للأمام يا هندسة هتلاقي مبني ABB في وشك علي طول تخش علي بتاع الأمن و تقوله انا زائر وتاخد visitor ID card بتاعك و تطلع للدور اللي انت عاوزه من الأسانسير
2- الحل التاني انت تاخد و دا عن طريق جسر السويس اي حاجة رايحة رمسيس او الف مسكن او مطرية او الوايلي و الزاوية عن طريق جسر السويس
و تقول السواق نزلني عند الجراج او مصنع كوفرتينا تمام يا ريس
بعد ماتنزل تروح رايح علي ناحية الطريق التانية كأنك هترجع السلام من تاني و هتلاقي الناس واقفة و زحمة اي تاكسي داخل يمين قولواا شاورلوا و قولوا الفتحة التانية هيقفلك و لما تركب قولوا انا عاوز انزل عند المستشفي النفسي او كنيسة العذراء هتلاقي الشركة لذق فيهم يا باشا و ماتدغعلوش اكتر من جنيه و نص و لو اتنين تبقي انت بشبشته و هتلاقيه يضرب لك تعظيم سلام
وانا من راي تخليك في الحل التاني أحسن الحتة بتاعة السندباد دي رخمة اوي و بتبقي مقفولة بالضبة و المفتاح احيانا و بتاخد بالساعة واقفة سد و بتبقي ملل
اما طريق جسر السويس اي نعم انت هتركب مواصلة و تاكسي بس ارحم و الفرق مش كبير في الفلوس
و اي خدمة يا هندسة