والله انا حاسس انه هو ده سبب المشكلة وكلام سعادتك منطقى جدا ويوم السبت ان شاء الله هاروح للميكانيكى ونبدا رحلة فحص واصلاح البخاخات يمكن هى السبب بس يا ترى في طريقة نعرف منها اذا كانت خربانة تماما ولا بس تحتاج تنظيف؟
عرض للطباعة
والله انا حاسس انه هو ده سبب المشكلة وكلام سعادتك منطقى جدا ويوم السبت ان شاء الله هاروح للميكانيكى ونبدا رحلة فحص واصلاح البخاخات يمكن هى السبب بس يا ترى في طريقة نعرف منها اذا كانت خربانة تماما ولا بس تحتاج تنظيف؟
عملية التنظيف لأى حاجه معروفه .....وهى أزالة كل الملوثات اللى فى الحاجه دى ......فمثلااقتباس:
بس يا ترى في طريقة نعرف منها اذا كانت خربانة تماما ولا بس تحتاج تنظيف؟
- وسيادتك أستاذنا فى الجزئيه دى .....فى المجال الطبى .....التنظيف للجروح بيكون بهدف أزالة أى ملوثات ناتجه من سبب ما ......زى تلوث الجروح مثلا......نرجع بقه للرشاشات .....والمكن وخلافه ....- تنظيف الرشاشات ...الهدف منه أزالة كل الرواسب ....اللى متحوشه جوه الرشاش......رواسب من بنزين مش كويس أو مغشوش مثلا ......._ أما لو الرشاشات (البخاخات ) خربانه .....فده ليه نظام تانى .....وبيتم التعرف على كفاءة الرشاش الخربان .....أما من خلال..........._ أختبار تسييل للرشاش ......بتكون أبرة بلف الرشاش ....مش قاعده كويس على قاعدة الأبره مثلا ......وعملية التنظيف مبتديش نتيجه للحاله دى ( وبالتالى بنضطر لتغيير الرشاش ).................- أو بتكون مقاومة كويل الرشاش تلفت وأتغيرت قيمتها ....ومبتقدرش تسحب مكونات الرشاش كويس ....لما بيجيلها كهرباء .....بيكون قلب الرشاش بيلعب جوه الرشاش مثلا ....وعملية ضخ البنزين مش مظبوطه ...............
ولا تنسى التأكد من أن فلتر البنزين سليم
أو قم بتغييره
السويتش سليم وانا غيرته من فترة ليست طويلة واختبرته اكتر من مرة فلم يكن له علاقة بهذا الموضوع وجزى الله الجميع خيرا على تفاعلهم معايا وان شاء الله يكون خير وتتزال الغمة ونعرف سبب المشكلة
والله ياجماعة انتم لا تتخيلوا الحياة فى الخليج بدون سيارة لاتطاق والحمد لله على كل حال كان المفروض اشترى سيارة زيرو من الاول واريح نفسى لكن العجز والكيس بقدر
بالمناسبة ما هو المقصود بالايدل ليرننج ؟
وياريت براحة وشوية شوية يا باشمهندس سمير
ده رد مبسط خاص بى على أحد الزملاء عن مفهوم الأيدل ليرن ....أرجو أن يكون فيه المراداقتباس:
حضربلك مثل بسيط جدا .....بدون الدخول فى التفاصيل الهندسيه المعقده ...................- لو ليك عند واحد 1000 ج مثلا ......وفيه ميعاد لسداده الدين اللى عليه ......ولقيته ناسى الميعاد أو مطنش مثلا ......حتعمل أيه ......حتفكره طبعا ......علشان يقب باللى عليه .....- هو ده معنى الأيدل ليرن بالنسبه لكمبيوتر العربيه .............- لما بنشيل فيوز وحدة التحكم أو نغيره ...أو نفصل البطاريه أو نغيرها ....وهكذا .....- بيحدث فقد وكسل شويه فى ذاكرة وحدة التحكم فى تذكر البيانات اللى متخزنه جوه وحده التحكم........اللى بتشغل عليها الحساسات وبلف الأيدل وخلافه ......- وعلشان هى متكسلش ....وتخللى سلانسيه المحرك مش قد كده مع حمل التكييف مثلا .......بنديها حقنه منشطه ......اللى هى خطوات الأيدل ليرن .......
ياريت ممكن تشرح لى خطوات الايدل ليرننج بالنسبة لسيارتى كابرس 94؟
للكابرس معنديش للأسف ......لو عاوز تجرب بتاعة الدايو ....أنا تحت أمرك......وأعتقد أنها مش حتفرق كتير فى دواير التحكم ....من نوع لنوع ولن يكون هناك منها أى ضرر على الأطلاق......على أساس أما الواحد يعمل اللى متاح قدامه .....حيبقى أفضل من عدمه .......طالما مش متاح الداتا الفنيه للطراز بتاعه
ياريت تعرفنى طريقة الدايو اكون شاكر لك جدا وجزاك الله خيرا