إيه رأيكم النيسان تيدا plus اللي ب-127 سواء سيدان أو HB ولا الفوكس 2008 ال-auto اللي ب-135
و إيه نظام سعر البيع للتيدا للسيدان وال-HB ؟
عرض للطباعة
إيه رأيكم النيسان تيدا plus اللي ب-127 سواء سيدان أو HB ولا الفوكس 2008 ال-auto اللي ب-135
و إيه نظام سعر البيع للتيدا للسيدان وال-HB ؟
ممكن أقصد فهم حضرتك الفوكس 2008 إزاى تصفيات مثلا
بص يا باشا الفوكس عربية محترمة ومتينة وبتاعت بهدلة وثابتة جدا مع السرعات بس مشاكل وحدة التحكم بتاعتها مبتخلص وبعدين قطع غيارها نار شوية والتيدا محترمة برده وياباني لو الفورد في مصر واخدة حقها توكل على الله لكن هي مش واخدة حقها وسعر اعادة البيع هيكون لصالح النيسان
عن تجربة التيدا برقبة الفوكــــس 100 مرة
التيدا انعم واوسع واهدى وموفرة وسوقها حلو جدا جدا
يعني كل حاجة تصب في صالح التيدا
مشكورين يا جماعه على ارائكم ، هو يا أستاذ إسلام الفوكس الشكل القديم لحد دلوقتي لسة بتنزل و بالسعر دة و موجودة في أغلب المعارض
طب سؤال ثاني معلش أنا عاجبني ال-hb أكتر من السيدان كشكل ، بس هل في فرق كبير لصالح السيدان في سعر إعادة البيع عن ال-hb ؟ و لو حد يعرف سعر إعادة البيع للتيدا في حدود كام ياريت يقول .
و مشكورين مرة أخري
التيد اختيار موفق باذن الله
اعتقد فى العربيه دى بلذات قد يكون الهاتشباك سعر اعاده بيعه افضل و دا عشان فئه ناس كتير مش بتحب شكل التيدا السيدان من الخلف
فى نفس الفئه عربيات تانيه زى النيو سراتو بص عليها برده لانها عربيه محترمه
حضرتك دى اهم المواضيع اللى بتتكلم عن السيراتو
http://www.nilemotors.net/Nile/showthread.php?t=68337
http://www.nilemotors.net/Nile/showthread.php?t=83428
وبجد انا مشفتش كميه تقارير ممتازه و معموله بدقه لاى عربيه زى تقارير النيو سيراتو اللى عملوها اعضاء المنتدى جازاهم الله كل خير
بجد التوكيل لو عرف المفروض يعملهم الصيانه مجانا لاول مليون كيلو :)
العربيتين فى نفس الفئه
تقريبا نفس قوه الماتور
بس انا شايف ان السيراتو تتميز بانها شكل احدث و عصرى جداا و شيك
العربيه فيها اوبشنز مش موجود فى التيدا بلس
التيدا الصالون بتاعها (الكنبه)اوسع من السراتو
التيدا تقفيلها ممتاز و خاماتها ممتازه جدا وعربيه اعتماديه جدا ومفيش مشاكل اتقالت على العربيه
انما السيراتو رغم جودتها انما برده لسه عربيه جديده
بس مع ضمانها ال 5 سنين اعتقد متبقاش فىه مشكله فى النقطه دى خصوصا ان توكيلها افضل توكيل فى مصر
واعاده بيعها هتكون افضل من التيدا لانها انتشرت والناس مبسوطه من العربيه
هو إلي مقلقني من السيراتو انها لسة جديدة ، يعني المشاكل إلي بتظهر على المدي الطويل غير معروفة . زائد إن التيدا ياباني و متجربه
انا رأى اركب العربيتين واللى تعجبك اتوكل على الله فيها
ومتنساش برده تصللى استخاره
و العربيتين ممتازين واى اختيار هيبقى 100% صح ان شاء الله