طرمبة المية وسوال في الفرامل

**mrwho1982** · 10-07-2009 11:32 AM

السلام عليكم اولا

كان من يومين في زي صوت خشونة في المحرك المهم كنت في الشغل ونزلت انا وواحد زميلي نبص علي العربية

قاللي الصوت ده جامن ناحية السيور ( دينامو & طرمبة المية & طرمبة الباور & التكييف ) قلتلو طيب انت تفتكر الصوت جاي منين بالضبط

هو بصراحة قاللي ممكن تكون طرمبة الباور بس انا مش متاكد المهم

خلصت شغل وطلعت علي الميكانيكي اول مادخلت الورشة قاللي العربية دي جايبة طرمبة ميه وعرف لما فك السير بتاع طرمبة المية ودورت صوت الخشونة او النحرة ( مش عارف اوصفها مضبوط ) راح خالص

وكان يوم ممل لان طرمبة المية ورا سير الكاتينة المهم فينا وجبت طرمبة جديدة ب 100 جنية وركبناها والدنيا تمام

بس لما مسكت الطرمبة القديمة حسيت ان هي مش بايظة ماسكة نفسها والرومان بلي مش فارض ولا محجرة

لما سالف الميكانيكي قاللي هي كانت في اول مراحل البوظان وماتقيسهاش انك بتلفها في ايدك تبقي تمام

لما تكون في العربية بتبقي السرعة اكبر بكتييير ..............انا مش عارف هو انا كده صح ولا لبست في الحيطه

مشكلة تانية
الفرامل عندي حاسس ان هي ضعيفة لازم ادوس لحد الاخر ده كده تيل فرامل ولا اخليه يزودلي هوا للفرامل وشكرا

العريية بروتون ويرا 1999 انجكشن 170000 كيلو متر

**samirayad** · 10-07-2009 03:43 PM

لما تكون في العربية بتبقي السرعة اكبر بكتييير ..............انا مش عارف هو انا كده صح ولا لبست في الحيطه

كلامه صح

الفرامل عندي حاسس ان هي ضعيفة لازم ادوس لحد الاخر ده كده تيل فرامل ولا اخليه يزودلي هوا للفرامل وشكرا

أكشف على التيل الأول ....وشوف فيه زيت فرامل على الفرد .....ولو كان مفيش تسريب زيت ......بس الزيت ناقص فعلا .....يبقى حتعوز تغير التيل....ومفيش حاجه أسمها يزود هواء للفرامل ..........أحنا بناخد هواء دايرة الفرامل لما تكون دايرة الفرامل فيها هواء