اركن فين - مسافر بره مصر

**Mina W** · 10-07-2009 12:31 PM

انا باذن الله هسافر برة مصر غالبا من مطار القاهره، و بصراحة كنت بافكر هل ممكن اسافر بعربيتى للمطار و اركن هناك العربية ، اصلى هغيب حوالى اسبوعين، و لو ممكن هيكلف كام؟
بصراحة اخر مرة ربنا اذن و سافرت اتفقت مع واحد يوصلنى تاه و اتأخر عليا حوالى ساعة لما دمى نشف ان الطياره ممكن توفتنى و بعدها الحمدالله جرى و اتعوضت فى السكة ، فانا قلت بدل القلق اتحرك بعربيتى و اهو اضمن برده الرجوع مرتاح لان مره تانيه لجنه وقفتنا انا و السواق اللى كان سايق بيه قلق جامد خلانى اشك انه مطلوب فى حاجة و انى هاديها فى الحبس.

اختصار لو ممكن اركن فى المطار نظامه ايه؟ و لو لا هل فى جراج امان ناحية المطار اركن فيه و ابقى اركب تاكسى اللى المسافة الباقيه؟

و شكر مقدما

**أحمد كمال** · 10-07-2009 12:40 PM

عندي حل احسن

كلم تاكسي العاصمة 16516 قبلها بيوم

و احجز معاهم ميعاد ..... بس نصيحة قول المعاد بدري ساعة

يعني لو عايزه ييجي لك 11 قل له ييجي لك 10

و اركن عربيتك في جراج آمن و خلي حد يدورهالك كل كام يوم عشان البطارية ما تنامش

الركنة في المطار ممكن تكلفك تمن يوم واحد بس

استعبط و قول التذكرة ضاعت منك و انك داخل نفس اليوم :)

بس لو سبت العربية في المطار ممكن يشكوا فيها و الونش يشيلها لو قعدت مدة طويلة

**أحمد كمال** · 10-07-2009 12:43 PM

سوري ماخدتش بالي انك من اسكندرية :)

مالكش طيب قرايب او اصحاب في القاهرة قرب المطار؟

مدينة نصر او مصر الجديدة؟ و تتحرك بدري شوية و تركن عندهم

و برضه تحجز تاكسي العاصمة 16516 و تخليه ييجي لك على عنوان قرايبك