انا باذن الله هسافر برة مصر غالبا من مطار القاهره، و بصراحة كنت بافكر هل ممكن اسافر بعربيتى للمطار و اركن هناك العربية ، اصلى هغيب حوالى اسبوعين، و لو ممكن هيكلف كام؟
بصراحة اخر مرة ربنا اذن و سافرت اتفقت مع واحد يوصلنى تاه و اتأخر عليا حوالى ساعة لما دمى نشف ان الطياره ممكن توفتنى و بعدها الحمدالله جرى و اتعوضت فى السكة ، فانا قلت بدل القلق اتحرك بعربيتى و اهو اضمن برده الرجوع مرتاح لان مره تانيه لجنه وقفتنا انا و السواق اللى كان سايق بيه قلق جامد خلانى اشك انه مطلوب فى حاجة و انى هاديها فى الحبس.
اختصار لو ممكن اركن فى المطار نظامه ايه؟ و لو لا هل فى جراج امان ناحية المطار اركن فيه و ابقى اركب تاكسى اللى المسافة الباقيه؟
و شكر مقدما