علاج الاصابات الرياضيه =للاستشاره (د/محمد شوقي)

**miroo_man** · 27-08-2009 03:07 PM

انا عندى تمزق فالرباط الصليبى
وممكن وانا بلعب كوره رجلى تخوننى واقع
هييا المشكله كلها فى المنطقه الداخليه للركبه
ضعيفه جدا لان بتوع العلاج الطبيعى مش عارفيين يعملولى علىها اى تقويات او تمارين كله امامى وخلفلى
يارىت لو عندك حل ترد علييا ضرورى لان انا زهقت من دكاتره العلاج الطبيعى

**miroo_man** · 27-08-2009 03:14 PM

اه نسيت اقول لحضرتك انا عندى 19 سنه
ومعنديش الام في الركبه خالص غير وانا قاعد بصللى ورجلى بتكون متنيه على اخرها
ومعلش لو كنت طولت على حضرتك اصلى ماصدقت الاقى دكتور بياخد ويدى مع المرضى فى الكلام

**alhayah** · 17-09-2009 02:46 AM

اولا اسف علي التاخير في الرد
بس ممكن تقولي يعني ايه قصدك ان المشكله في المنطقه الداخليه؟
علي العموم اللي بيقوم بدور الرباط الصليبي الامامي هي العضله الخلفيه فلازم تقوي بشكل كبير بحيث نسبتها للعضله الاماميه تتغير
ثانيا انها تخونك اكثر من مره ده معناه ان التمزق كبير والتقويات مش قادره تحل محل الرباط الصليبي مقارنه لنشاطك الرياضي وممكن تحتاج لتدخل الجراحي بعد 2 سنه في الغالب
في انتظار ردك

**ASD peugeot** · 17-09-2009 04:00 AM

السلام عليكم و رحمه الله و بركاته
بعد اذن حضرتك يا دكتور فيه عندي مشكله في الركبه الشمال بقالها دلوقتي سنتين طبعا مده طويله انا روحت لدكتور في شهر واحد الفات عمل اشاعه كله سليم العلاج كان مجرد كريمات و براشيم ملهاش اي لزمه و مكنش فيه اي نتيجه
المشكله بالظبط ان ركبتي فيها وجع باستمرا لما اجي افردها علي الاخر او احاول اني اتني رجلي
انا مش فاهم ايه السبب او فيها ايه بالرغم اني بلعب كوره باستمرار و بروح العب عليها تمارين جيم صعبه برده موجود الالم لكن مش فارق الاداء بتاع الركبه اوي
اسف علي الاطاله و جزاك الله كل خير

**alhayah** · 20-09-2009 07:27 PM

اولا ايه نوع الاشعه اللي عملتها
ثانيا هل وجع ركبتك بدا مره واحده ولاتدريجي ولا نتيجه اصابه

ثالثا لابد وان تكشف كشف دقيق لكي نعرف السبب في الغضروف او في الاربطه او في العظم اوعدم اتزان في القوه العضليه بين العضلات
لان من الممكن ان يكون لعبك للكره والتقويات الخاطئه في هذه المرحله من الاسباب التي تزيد من هذه المشكله

**icehearted girl** · 22-09-2009 08:59 PM

دكتور محمد بعد إذن حضرتك من حوالي 4 شهور جالي تمزق في الاربطة

وفضلت حوالي عشر ايام بتسند علي عكاز ومبقدرش اقف فترة او اطلع او انزل سلم بسبب ركبتي ولا بتنيها خالص

هوا خلاص الالم راح وبتحرك بصورة طبيعية بس ونا بصلي بسمع طقطقة جامدة جدا فركبتي كل مركع او اسجد

وكمان اثناء التمرين بحس بالم خلف الركبة ومش بيرح بسهولة حتي لما برتاح بيفضل مسمع في رجلي كلها

**alhayah** · 27-09-2009 12:24 AM

لا
اولا يكون اسفلت ممهد
ثانيا يكون بكوتشي جري ماص للصدمات

**alhayah** · 27-09-2009 12:29 AM

اولا تمزق في الاربطه الصليبيه ام الخارجيه ام الداخليه ام الغضروف
وهل عملت رنين
وهل يتاخد دواء ولا لا
ثانيا بالنسبه للقوه العضليه
في هذه الرجل متأثره ام لا والرجل بتتفرد للاخر ام متأثره

**icehearted girl** · 27-09-2009 12:41 AM

بتتفرد للاخر مش متأثرة بس لما تتني للاخر بتوجعني بسيط وبسمع

صوت طقطقة واضحة جدا

هي كانت اربطة داخلية...وكل الادوية اللي اخدتها

just analgesics

ومعملتش رنين