بسم الله الرحمن الرحيم
د/محمد شوقي
اخصائي العلاج الطبيعي_جامعه القاهره
عضو الجمعيه الامريكيه للطب البديل
لاي استشارات في الام الركبه .............. الكتف ......... والاصابات الرياضيه
عرض للطباعة
بسم الله الرحمن الرحيم
د/محمد شوقي
اخصائي العلاج الطبيعي_جامعه القاهره
عضو الجمعيه الامريكيه للطب البديل
لاي استشارات في الام الركبه .............. الكتف ......... والاصابات الرياضيه
مرحبا بك معنا فى القسم الطبى فى المنتدى والف شكر على وقتك ومجهودك
السلام عليكم
جزاك الله خير
انا عندي الام ظهر مقرفة و متعبة جدا
Lower Back Pain
بسبب كتر السواقة و القعدة بسبب طبيعة الشغل
عملت MRI
لقيت Bilateral Facet Joint Arthropathy
L4-L5 and L5-S1
مع Effusion
رحت لدكتور قال لي اني محتاج اخس و اعمل تمارين و كده
و كتب لي حقن مسكن Mobic
للاسف هي مش موجودة في السوق
و البديل Mobitil برضه مش موجود
ايه الحل؟ ال Diclofenac و ال Piroxicam مش بيعملوا معايا حاجة
حتى ال Diclofenac + Lidocaine مش بيعمل حاجة
عايز مسكن قوي للحقن بس اهم شئ ما يكونش Addictive
للعلم بالشئ انا حاليا باتعالج من Atrial Fibrillation and Tachycardia
و باخد Rytmonorm و Calmepam
عشان لو فيه تعارض في المسكن او حاجة
لا شكر علي واجب واتمني ان اكون سببا في غلاج المرضي باذن الله
ياتري عندك الم في ظهرك بس ولا فيه تنميل في الرجل؟
والكرف بتاع ظهرك زايد ولا ناقص؟
وعندك تقلصات ولا لا؟
وعندك مشاكل في الانسجه المحيطه بالعضلات ولا لا؟
وعضلات الفخدين مرنه ولا لا؟
والالم ثابت ولا متقطع؟
وايه اللي بيزوده وايه اللي بينقصه؟
ياريت ترد علي الاسئله علشان اقدر افيدك ان شاء الله
الدكتور الفاضل / محمد شوقي
عندي خشونة في الركبة الشمال و بتعالج بقالي حوالي سنة , طبعا بعد ما عملت اشعة و بانت هذه الخشونة
و قال الدكتور ان اهم حاجتين تحافظ على مواعيد الدواء ( جينوفيل ) و تحاول تخسس نفسك
انا طولي 186 ووزنى 115 ك
و جربت كمان دواء اسمه جلكوز امين مركب و دواء تانى اسمه دروفين
خف الالم بنسبة 50 % و لكن و مازلت باحس بالالام الركبة من الناحية الامامية عند طلوع السلم او ثنيها عند الصلاة او عند النوم
فأيه راي حضرتك ؟ هل الدواء كافى و لا اغيره لانه مش فعال
اولا يا فندم انت سن حضرتك اد ايه؟ واسف علي التاخر في الرد
ثانيا طبيعه الخشونه هل هي خشونه صابونه الركبه ام خشونه عظمتي الفخد والساق؟
علي العموم انت محتاج حاجتين
1 لازم تخس عن طريق تعديل نمط حياتك والنتائج هائله تاكل كل حاجه بس بحساب السعرات المناسبه لك مبدئيا بعد كده هاتقدر تعمل انظمه اصعب
2بالنسبه للدواء فيه دواء مستورد اسمه move free advanced
او msm بس لازم يكون فيه \chondroitin /glucoseamine\ msm
وتدهن دهان موضعي زي hiforte cream ثلاث مرات يوميا
وتعمل تمرينات تقويه للعضله الاماميه علشان تشيل الحمل من علي الركبه
وتجنب الجلوس مربع او علي كرسي منخفض
و تعمل علاج طبيعي في صوره موجات فوق صوتيه مع ادخال مضاد للالتهاب مع تقويه وتحريك للمفصل المصاب
مع تمنياتي بالشفاء العاجل باذن الله
اولا يا فندم انت سن حضرتك اد ايه؟ واسف علي التاخر في الرد
ثانيا طالما ان الالم في الظهر فقط ده معناه انه تنبؤ كويس للعلاج
علي العموم انت محتاج حاجتين
اولا تعمل قربه ساخنه لمده7\10 دقائق وبعدها
وتدهن دهان موضعي زي eucal creamثلاث مرات يوميا
وتعمل تمرينات علاجيه لعضلات الظهر ) تدريجيه علشان تشيل الحمل من علي الظهر
وتجنب الجلوس في اتجاه والكمبيوتر في اتجاه اخر
واثناء الجلوس وضع lumbar roll
و تعمل علاج طبيعي في صوره موجات فوق صوتيه مع ادخال مضاد للالتهاب مع soft tissue release
مع تمنياتي بالشفاء العاجل باذن الله
39 يا دكتور
و انا بالفعل بحاول اخسس عن طريق لعب كرة القدم و لكن في حدود الساعة كل اسبوع و بلبس ركبة
الدكتور نبهنى انه كده خطر , بس للاسف مش لاقى طريقة اسرع علشان اخس , و بخصوص الاكل انا بحاول ان ميبقاش فيه عشاء , يدوبك سندوتش و كوباية لبن و خلاص
و شكرا جزيلا للاستجابة و جزاكم الله خيرا