معلش يا سيدي
حكمت معايا اهزر
و انا اسف لو هزاري ضايق حد
قصدي اما عمل الخزان الدوبل عشان يحط الفلين العازل جواه
و بداله حط الفلوس
عرض للطباعة
يا اسلام الحل الي قالهولك الراجل ده تمام جدا
ومش مكلف للدرجه ان عندي معظم الي في الشارع حواليا عاملينه كل الي محتاجه صاج (علي حسب المساحه) وعواميد ارتفاع 2.5 متر
وحداد بالعده بتاعته وبعد ما يتعمل يا سلام لو جبت برايمير (المضاد للصدا) ودهنته بيه الموضوع هيكلفك علي حسب المساحه
عيبه الوحيد في المطره مش هتعرف تنام :rfds:
هتسمع صوت كل نقطه
A.Yakout
هقول لحضرتك على تجربتى.......
انا ساكن فى اخر دور وكنت برضو بعانى من الشمس والحر والمطر كمان لان السقف كان مايل فميه المطر بتجرى على الواجهه وتدخللى من الشباك......
أول حاجه فكرت فيها .....
اظلل السقف بمعنى انى اعمل سقف تانى او تنده او برجوله...مش عارف تتسمى ايه؟!
المهم الموضوع ده تكلفته عاليه جدا لو حبيت تعمله سواء صاج او اسبستوس دا غير ان الجيران مش هيوافقوا عشان كل واحد مركب دش فوق السطح والسقف هيعوق الاشاره...
الحل التانى....
عزلت السطح باقطران والبودر بتاع الطوب الاحمر زى ما قالوا على اعتبار ان الصوب الاحمر عازل حرارى وده طلع هجص وكلام فارغ...الشمس بتخلى القطران ( البلك ) يبقى لين وبيطير مع الهوا عند الاطراف وبينزل على الهدوم والشبابيك يبوظها.....
الحل التالت ....وهو ده اللى نجح....
انك عازل بيتباع عند الموان فى علبه زرقاء اسمه بوتامين وده بيتخفف بالميه عادى ويدهن بالفرشه...
وتشترى فوم زى اللى بيبقى عازل فى ابواب وجسم الثلاجات او اللى بيستخدم كحمايه للاجهزه الكهربائيه والالكترونيه...وده بيتباع بالمتر المكعب وبتلاقيه فى حته اسمها السبتيه فوق نفق شبرا تقريبا وبيتقطع الواح بالسمك اللى تحتاجه......على فكره مش غالى بس مش فاكر سعره.....
بتجيب عامل من بتوع المحاره وبتقيس السقف وتخليه يدهن السقف بالبوتامين ويلزق عليه الواح الفوم وبعد تغطيه السقف بالكامل بتعمل ظبقه من الاسمنت ولو عندك امكانيه تلزق بلاط موزايكو او كسر رخام.......
طبعا مفهوم ان الفوم لو ما اتعملوش طبقه المحاره دى هيطير ويتقطع مع الهواء.....
طبعا الطريقه دى انا إستخدمتها وعملت عندى عزل حرارى ملحوظ جدا عن الاول......
أخر ملحوظه ...انا عندى السقف مفيش حد بيمشى عليه يعنى مش مستخدم كروف لان الفوم بيخلى الارض مش صلبه لانه بيضغط لتحت مع الوزن......
تأكيدا لكلام الزملاء
الواح فوم .... و ممكن يبقي فوقها رمل وبعدين بلاط من اي نوع رخيص مع عمل ميول و مزاريب او ما يسميه المهندسون جرجوري ( بالوعة لصرف مياه الامطار من السطح عبر ماسورة تؤدي الي الارض او الي صرف العمارة ) لعدم تراكم مياه الامطار
اعتقد ده اكتر حل عملي
ألواح الإسبستوس بس للأسف هتضايق لو فيه دش فوق واعتقد انها غالية شوية
فيه نوع بلاط اسمنتى سميك مخصص لعزل الادوار الاخيرة . سمك البلاطة عبارة عن جزئين جزء فوم حرارى ( الجزء السفلى ) و الجزء الثانى اسمنتى ( الجزء العلوى ) و كذلك توجد مادة جديدة للعزل تسمى طورش ابلايد تدهن على الارض ثم يتم تبليط السطح بالبلاط السابق .