-
اوبل كورسا ولا إيبزا
يا جماعه انا محتار بجد ومش عارف اشتري ابيزا موديل 94 ولا اوبل كورسا موديل 94 لحد 96 بجد محتار جدا وهل صحيح ان عداد الأوبل 120 بس ..؟!! ياريت تساعدوني لإني محتار وياريت ناس تقول ليا عن تجربه أخد إيه لإن الاتنين قدامي ومستني ردكم عشان هشتري واحده فيهم ومحتار بجد
-
ممكن توضح يعنى ايه عداد الا وبل 120 بس ؟
-
انا عندي ابيزا 99 و العربية عملية جدا و اعطال تقريبا معدومة بس مش عندي فكرة عن الكورسا
-
معايا الكورسا 1995 بصراحة عربية ممتازة هى عدادها 130 ميل(210 كم) 1200 سى سى استهلاك البنزين 300 كم فى الصفيحة
هى اخرها 145 كم\ساعة لكن ماسمعتش ان فيه عداد كورسا 120 كم
هى مابتقفلش امبير لكم بتجيب 145-150 كم\ساعة
ثابتة على الطريق_قطع غيارها معمرة_عيبها الوحيد مش اى حد بيفهم فيها لازم ميكانيكى كويس
بس عن تجربة بعد 13 سنة عمرى ما فكرت ابيعها لانها عربية ماتتعوضش بصراحة
-
بص الاتنين كويسين يعني اللي حيفرق الحاله اللي حالته اجدد هو اللي تشتريه , لو الاتنين زي بعض والسعر متقارب انا بفضل الابيزا لانها اثبت واقوي
وقطع غيارها ارخص من الكورسا , لكن الكورسا موفره في البنزين اكتر
بس عموما الاتنين ممتازين
بالنسبه للعداد قصدك ان اخر عزمها 120 ؟ ولا العداد ؟ في الحالتين الكلام غلط
-
بوص يا سيدى الكورسا الكورسا صدقنى انا كانت بدور ع حاجه هاتش باك وكان نفسي ف الكورسا وكانت ببوص ف الابيزا برضوا والحمدالله ربنا كرمنى وجبت السيدان بتاعتها لكن صدقنى الكورسا الهتشباك انا مش عاوزابلغ بس صدقنى قطع الغيار بتاعتها موجوده استيراد وجدديده مرترطه ف بورسعيد وربنا يكرمك بحاجه كويسه
واستنى برضوا راى الناس الخبره بتاعونا
-
اكيد كورسا افضل بس الحاله
-
اهم ميزة في الكورسا عن الابيزا انها انجيكشن.. و الابيزا كاربيراتير..
قطع الغيار سعرها متقارب جدا..
الثبات برضه متقارب قوي..
الابيزا بتجيب سرعه اعلي و ممكن توصل 160 لكن الكورسا فعلا مش بتجيب اكتر من 145 لو جابت 150 يبقي علي منزل مثلا..
زي ما عملت معايا النهاردة و انا راجع من السفر.. :) و للعلم هي بتجيب السرعةى دي و هي علي 4000 لفة فقط.. يعني مقفولة من الكونترول يونيت.. مش اخر الموتور كده..
الكورسا بتاعتي جوة البلد مش بتعمل اكتر من 200 كم ف الصفيحة باي حال.. ممكن يكون ده الطبيعي.. و ممكن يكون فيها حاجة مش مظبوطة.. الله اعلم.. لكن علي الطريق 100-110 بتعمل اكتر من 300 ف الصفيحة مرتاحة.. يعني ممكن توصل 350 كمان..
Content Relevant URLs by
vBSEO 3.6.0 PL2