-
الى بيشترى الحاجات دى بيفكر فى حاجة واحدة بس هى انة استيكر شكلة حلو وعلية كلام انجليزى منظرة لطيف و يليق على عربيتة بغض النظر عن المعنى الى هو اكيد ميعرفوش
زى الاخ دة كدة
http://www.imageupload.ca/images/86883488112.jpg
http://www.imageupload.ca/images/67970156847.jpg
اكيد دة لو فاهم اية الى مكتوب على التيشرت مكانش لبسة و هو خارج او على الاقل مكانش هيصلى بية
-
لو العربية القدامى حاطة استيكر من دول هعرف انه تافه جاهل لان مش اى حد هيحط استيكر من غير مايعرف معناه
الله يلعن دى موضة والشباب البيجرى وراء التقليد الاعمى..و ياترى المحل دة فين؟
وهل هى دى الرواشة بقى بالنسبة للشباب!!
ياخسارة
-
يالهوي انا مش مصدق نفسي بجد في حاجة زي كده موجوده وبتتباع كمان
انا مش عارف الناس دي عاوزه ايه بالظبط
واكيد مليون في الميه الراجل اللي بيبيع الحاجات دي مش عارف معناها
لان لو عارف معنى الكلام ده يبقى راجل اريل بصراحة
والناس اللي بتشتري الكلام الزبالة ده هل ضميرهم مش بيتعبهم طب على الاقل يحترموا نفسهم علشان ربنا يستر طريقهم
وكمان كفاية انه بيضايق كل انسان محترم بيشوف الاستيكر الهايف بتاعه
عليه العوض من كل الناس الفاشلة دي
-
معظم الناس مش عارفه معاني الحاجات دي
-
-
معلش بس للناس اللي بتقول محدش عارف الكلام ده معناه إيه...و ان ده تقليد أعمي...و شوية كلام بالإنجليزي شكلهم حلو و خلاص...
للأسف الحقيقة مش كده...
الشباب دلوقتي بقي مَطلع جداً جداً...و عارف كويس قوي معني الكلام ده...و مصادر المعلومات دي أكيد كلنا عارفنها...و أولهم و أقواهم...الإنترنت...(لا داعي للشرح)...و الدش...و الأفلام الأجنبي...و ما إلى ذلك
الخلاصة ان الشباب دلوقتي بقوا فاهمين و عارفين كل حاجة كويس قوي...حكاية التقليد الأعمي و انهم مش فاهمين حاجة دي نسبتها قليلة
جداً في العصر اللي إحنا فيه...
اللي بيشتري الحاجات دي عارف كويس معناها...و له هدف واضح و صريح لكل اللي بيقراه...
ممكن بقي لو عايز ستيكرز شكلها حلو ممكن يحط....baby on board :)
-
لو وانا ماشى لقيت واحد من دول حعدى من جنبه + بصه إشمئزاز لو بصلى يبقى ساعتها الكلاكس هو الى حيتكلم ومش حكمل لتطرد.
لو لقيت شكله ابن ماما ونازل يشترى بامبرز بعرف انو ميعرفش ايه الى هو حاطه دا.
-
اه المحل ده هنا فى القاهرة و استغربت جدا لما شفت الصور دى !!
الرجل حاطط مصحف كبير خلف مكتبه و ايات قرانية و الناس بتقول انه يعرف ربنا و مرة واحدة الاستيكرات دى تطلع !!
بصوا و استغربوا ..
-
فعلا حاجة تحرق الدم ان تكون استيكرات زى دية فى بلد عربى اسلامى
طيب وتقولوا اية بقى فى اللى حاطط العلامة دية .....
شوفوا العلامة او اليد اللى على التابلوة قدام اللى جمب السواق
وللاسف العربية دية من طنطا :((((
http://img248.imageshack.us/img248/7363/28jj1.jpg
-
المحل طبعا ً أكيد عارف اية الى مكتوب على الأستيكرات وعارف أكيد معناها كويس
وهو أكيد جايبها علشان عارف انها طلب الشباب والمرتبة الأولى بالنسباله انه يبيع وخلاص
Content Relevant URLs by
vBSEO 3.6.0 PL2