رد فعلك إيه لو العربية اللي قدامك حاطة ستيكر من دول ؟

**M.Osman** · 11-07-2009 01:20 AM

المشاركة الأصلية كتبت بواسطة nadernabil

معلش بس للناس اللي بتقول محدش عارف الكلام ده معناه إيه...و ان ده تقليد أعمي...و شوية كلام بالإنجليزي شكلهم حلو و خلاص...

للأسف الحقيقة مش كده...

الشباب دلوقتي بقي مَطلع جداً جداً...و عارف كويس قوي معني الكلام ده...و مصادر المعلومات دي أكيد كلنا عارفنها...و أولهم و أقواهم...الإنترنت...(لا داعي للشرح)...و الدش...و الأفلام الأجنبي...و ما إلى ذلك

الخلاصة ان الشباب دلوقتي بقوا فاهمين و عارفين كل حاجة كويس قوي...حكاية التقليد الأعمي و انهم مش فاهمين حاجة دي نسبتها قليلة
جداً في العصر اللي إحنا فيه...

اللي بيشتري الحاجات دي عارف كويس معناها...و له هدف واضح و صريح لكل اللي بيقراه...

ممكن بقي لو عايز ستيكرز شكلها حلو ممكن يحط....baby on board :)

اتفق مع حضرتك تماماً
و الدليل ان البيه صاحب المحل كل الإستيكرات اللي حاططها عالإزاز دي من نفس النوعية ... ما عدا استيكر لكام ماركة ..

يعني هو كمان عارف معناهم..

العيب في اللي ركب الــ"قمامة" اللي بتشتري الحاجات دي عربيات ....أهاليهم ...اللي اكيد زيهم.

و على كدا بتوع التوك توك و الموتسيكلات الصيني محترمين جداً ...
(و أنا واثق جداً من ان جميع انواع المركبات فيها كل النوعيات )

المشاركة الأصلية كتبت بواسطة MohaMed_Refaat

فعلا حاجة تحرق الدم ان تكون استيكرات زى دية فى بلد عربى اسلامى
طيب وتقولوا اية بقى فى اللى حاطط العلامة دية .....
شوفوا العلامة او اليد اللى على التابلوة قدام اللى جمب السواق
وللاسف العربية دية من طنطا :((((

العربية دي من سيجر مش كدا ؟؟
انا بشوف لانسر كريستالة هناك شكلها جامد اوي زي دي .. بس مشوفتش ايد H dabbor دي قبل كدا ..

**EslaM_NagY** · 11-07-2009 01:30 AM

المشاركة الأصلية كتبت بواسطة terrible_darsh

اه المحل ده هنا فى القاهرة و استغربت جدا لما شفت الصور دى !!

الرجل حاطط مصحف كبير خلف مكتبه و ايات قرانية و الناس بتقول انه يعرف ربنا و مرة واحدة الاستيكرات دى تطلع !!

بصوا و استغربوا ..

مهو يا مش فاهم معنى العلامات

يا مش فاهم معنى البراويز.

**Terrible_DaRsH** · 11-07-2009 01:34 AM

المشاركة الأصلية كتبت بواسطة eslam_nagy

مهو يا مش فاهم معنى العلامات

يا مش فاهم معنى البراويز.

لا دى ولا دى ..

هو مش جاهل طبعا للدرجة دى و عارف معنى الكلام ده كويس .

اما بخصوص حكاية الدين , فسبق و قلت كذا مرة ان كل واحد بياخد من الدين اللى هو عايزه فقط .

يعنى ييجى لما حد يهاجمه يقولك ( علمت ان رزقى بيد الله فاطمن قلبي ) و بعدها يكون مصدر رزقه من الاستيكرات دى !!

والله الواحد لو قال رايه فى كل حاجة فى البلد دى هيتعب هو فى الاخر .

**Lord_Fouad** · 11-07-2009 01:53 AM

جهل .. تخلف ... منظرة

**EslaM_NagY** · 11-07-2009 01:55 AM

المشاركة الأصلية كتبت بواسطة Terrible_DaRsH

لا دى ولا دى ..

هو مش جاهل طبعا للدرجة دى و عارف معنى الكلام ده كويس .

اما بخصوص حكاية الدين , فسبق و قلت كذا مرة ان كل واحد بياخد من الدين اللى هو عايزه فقط .

يعنى ييجى لما حد يهاجمه يقولك ( علمت ان رزقى بيد الله فاطمن قلبي ) و بعدها يكون مصدر رزقه من الاستيكرات دى !!

والله الواحد لو قال رايه فى كل حاجة فى البلد دى هيتعب هو فى الاخر .

دا لو بيفكروا كدة !!!!!!

No Comment

**amrnader** · 11-07-2009 01:57 AM

انا اكتر حاجة بتغيظنى الاستيكر بتاع الارنب، انا شخصيا كنت بشوفه قبل كدة و مش عارف ده بتاع ايه لغاية ما واحد قاللى عليه، من ساعتها و انا بقرف من اى عربية الاقيها حطاه، و الغريبة بلاقى بنات و شيوخ حاطينه، اكيد اكيد مش عارفين ده بتاع ايه!!

**النوبي** · 11-07-2009 03:19 AM

المشاركة الأصلية كتبت بواسطة amrnader

انا اكتر حاجة بتغيظنى الاستيكر بتاع الارنب، انا شخصيا كنت بشوفه قبل كدة و مش عارف ده بتاع ايه لغاية ما واحد قاللى عليه، من ساعتها و انا بقرف من اى عربية الاقيها حطاه، و الغريبة بلاقى بنات و شيوخ حاطينه، اكيد اكيد مش عارفين ده بتاع ايه!!:copy of majd(4):

مش فارقه يكون علي عربيه راكنه ولا حتي ماشيه ولاحتي تكون بتعمل ايه المشكله ان صوره الارنب ده شوفتها كتير جدا وبنات اللي لابساها ودي مصيبه المشكله ان في الاقصر الاجانب بيكونو كتير تخيلوا كده معايا لما واحد اجنبي يشوف واحده مصريه حاطه صوره زي دي لا وفوقيها الحجاب ياعيني!!!!!!!!!
ياتري ايه اللي هيجي في دماغه ممكن يفكر في ايه؟