رد فعلك إيه لو العربية اللي قدامك حاطة ستيكر من دول ؟

**MoToRiZeR** · 10-07-2009 08:26 PM

رجاء قراءة الكلام المكتوب علي كل ستيكر !

دي صورة لباب محل في القاهرة بيعرض بكل فخر ستيكاراته للناس
و طبعاَ مش هو لوحده اللي بيبيعها .

إنهاردة في أحمد عرابي شفت منظر كوميدي جداَ .. لانوس نبيتي حاطة عالزجاج الخلفي لا إله إلا الله محمد رسول الله ... و جنب كلمة لانوس أرنب البلاي بوي !

كان نفسي أصورها بس هو كان ماشي و انا راكن .

**aif** · 10-07-2009 08:34 PM

المشاركة الأصلية كتبت بواسطة motorizer

إنهاردة في أحمد عرابي شفت منظر كوميدي جداَ .. لانوس نبيتي حاطة عالزجاج الخلفي لا إله إلا الله محمد رسول الله ... و جنب كلمة لانوس أرنب البلاي بوي !

كان نفسي أصورها بس هو كان ماشي و انا راكن .

بص يا محمود
ده إما ان يكون مش عارف معنى علامة الارنب دي بتاعت ايه
وإما يكون مش عارف معنى لا إله ألا الله محمد رسول الله
...
ولو لاحظت صورة المحل ح تلاقي جوه المحل لوحات لآيات قرآنية متعلقة على الحائط
الناس بقت تاخد مظهر الدين وليس جوهره ... إلا ما رحم ربي

**M.Osman** · 10-07-2009 08:40 PM

المشكلة في الزباين اللي بتطلب الحاجات دي ...

بجد فيها حاجات تقطس من الضحك و لو شفتها على عربية اكيد هعرف ان اللي راكب دا %^&*$# ( ولا بلاش .. انا عايز افضل عضو هنا)

**Rembrandt** · 10-07-2009 08:48 PM

شباب تافة وكل واحد بيعلق الاستيكرات دى بيعبر عن البيئة الزبالة اللى منها وللاسف هما كتيير

**Abo_Lina** · 10-07-2009 08:49 PM

العصر الجاهلي الاول مكرر

**aif** · 10-07-2009 09:02 PM

المشاركة الأصلية كتبت بواسطة motorizer

معاك حق و الله يا حج أحمد .

و فعلاَ انا مختش بالي من جوة المحل .. 3 لوحات مكتوب عليهم أيات قرأنية و جنبيهم علي طول ستيكرات كلها إيحاءات جنسية أو جمل جنسية صريحة !
و تلاقيه معلق الأيات القرأنية عشان الحسد !

وممكن علشان يبيعها ..... تجارة يا موتو ..... مجرد تجارة ... كله للبيع
فاكر فيلم سوبر ماركت ....

**nonalaziza** · 10-07-2009 11:01 PM

معظم الناس مش عارفه معاني الحاجات دي علي فكرة واكيد صاحب المحل لو يعرف هيغير رايه
ثم انا هحكلي لكم علي موقف انا شوفته بعنيا كانت في طالبه لابسه بادي مكتوب عليه كلام مش ظريف الدكتور طلب يتصل بوالدها علشان يجي
و اكتشف بعد كده ان لا باباها ولا هي فاهمين معني الكلام دا ايه

**Mzeid** · 10-07-2009 11:10 PM

أنا فعلا إفتكرت دة مجل في دولة اجنبية ..
المحل دة عارض الستيكرات دي علشان عايز يبيع و طبعا زبائنه من فئة الشباب ( و طبعا عارفين أخلاق الشباب اليومين دول ) ..
اما بالنسبة للآيات القرىنية فهو معلقها كتقليد بس مش أكثر زي الناس اللي بتحط في عربياتها مصاحف علشان مجرد إن الناس بتحط في العربية مصحف ..