الموضوع: نكت

الموضوع دا ان دل علي شئ فهو لا يدل الا علي ثقافة شعب متخلف اسمه الشعب المصري
هيفضل شعب متخلف و سطحي و كل همه في الحياه انه ياكل و يشرب و يضحك و خلاص و باي طريقة كانت المهم ان يشبع رغباتة السطحية اللي مالياه ومهما كانت الطريقة الللي هيشبع بيها رغباتة الفارغة دي
مش عارف ايه الإستفزاز الفظيع دا من صاحب الموضوع اللي بيتحفنا بما يحتويه بريده الشخصي و جاي عشان يبسطنا بيه و ما فكرش للحظه ان الرساله اللي عنده دي كلها تجريح و سخرية من ناس و بني آدميين يمكن هو ما بعرفش عنهم اي حاجة غير ان اسمهم صعايدة و بس و الللي يمكن سمعه من النكت البايخة دي
و كمان ما فكرش لحظة ان المنتدي هنا فيه اعضاء من الصعيد "صعايدة يعني" و ممكن يزعلوا من النكت المستفزة دي
انا مش ضد انه يبقي في المنتدي مشاركات تضفي نوع من البسمة او الضحك بس يبقي بطريقة معقولة و بلاش التلزيق عمال علي بطال و الللي بنشوفه اي نكته تتتقال لازم يتحط في اولها واحد صعيدي كناية عن الغباء و السذاجة و العبط
يا جماعة المنتدي دا منتدي غير كل المنتديات عالنت و انا عن نفسي بحس انه زي البيت الكبير اللي بيجمع كل الناس داخله و كل الناس عارفه بعضها فمن الواجب انه يكون فيه نوع من الإحترام و التقدير لمشاعر الناس
المنتدي دا من مميزاته ان كان في بدايته كل اعضائه ناس محترمين و انا عن نفسي اتعلمت من المشاركات بتعاعتهم حاجات كتير بس الظاهر ان المنتدي هيفقد دا
بلااااااااااااااااش تكروهنا في المنتدي بسبب السخافات دي
راعوا مشاعر الناس و بلاش النقل الأعمي دا
بصراحة حاجة تفور الدم

[overline]
يا ريت الإدارة تتدخل شوية و يبقي في كنترول علي المشاركات اللي زي دي و بلاش تبقي الأمور بلا رابط
او اننا نريح نفسنا و نوفر حرق الدم دا و نشوف لنا منتدي تاني طالما المنتدي هنا خلاص عليه العوض او ننا نبطل ندخل عالنت خالص
[/overline]

المشاركة الأصلية كتبت بواسطة mostafabakry

الموضوع دا ان دل علي شئ فهو لا يدل الا علي ثقافة شعب متخلف اسمه الشعب المصري
هيفضل شعب متخلف و سطحي و كل همه في الحياه انه ياكل و يشرب و يضحك و خلاص و باي طريقة كانت المهم ان يشبع رغباتة السطحية اللي مالياه ومهما كانت الطريقة الللي هيشبع بيها رغباتة الفارغة دي
مش عارف ايه الإستفزاز الفظيع دا من صاحب الموضوع اللي بيتحفنا بما يحتويه بريده الشخصي و جاي عشان يبسطنا بيه و ما فكرش للحظه ان الرساله اللي عنده دي كلها تجريح و سخرية من ناس و بني آدميين يمكن هو ما بعرفش عنهم اي حاجة غير ان اسمهم صعايدة و بس و الللي يمكن سمعه من النكت البايخة دي
و كمان ما فكرش لحظة ان المنتدي هنا فيه اعضاء من الصعيد "صعايدة يعني" و ممكن يزعلوا من النكت المستفزة دي
انا مش ضد انه يبقي في المنتدي مشاركات تضفي نوع من البسمة او الضحك بس يبقي بطريقة معقولة و بلاش التلزيق عمال علي بطال و الللي بنشوفه اي نكته تتتقال لازم يتحط في اولها واحد صعيدي كناية عن الغباء و السذاجة و العبط
يا جماعة المنتدي دا منتدي غير كل المنتديات عالنت و انا عن نفسي بحس انه زي البيت الكبير اللي بيجمع كل الناس داخله و كل الناس عارفه بعضها فمن الواجب انه يكون فيه نوع من الإحترام و التقدير لمشاعر الناس
المنتدي دا من مميزاته ان كان في بدايته كل اعضائه ناس محترمين و انا عن نفسي اتعلمت من المشاركات بتعاعتهم حاجات كتير بس الظاهر ان المنتدي هيفقد دا
بلااااااااااااااااش تكروهنا في المنتدي بسبب السخافات دي
راعوا مشاعر الناس و بلاش النقل الأعمي دا
و اللي انا مستغرب له اكتر ان فيه ناس بتقول انها من اصول صعيدية و مبسوطو باللي بيحصل دا و كمان بيودوا في النكت و كأنه شرف عظيم ان يتقال نكت و الناس تقهقه عالصعايدة !!!!!!!!!!!!!!!!!!! ايه دا !!!!!

بصراحة حاجة تفور الدم

يا ريت الإدارة تتدخل شوية و يبقي في كنترول علي المشاركات اللي زي دي و بلاش تبقي الأمور بلا رابط
او اننا نريح نفسنا و نوفر حرق الدم دا و نشوف لنا منتدي تاني طالما المنتدي هنا خلاص عليه العوض او ننا نبطل ندخل عالنت خالص

يعني يا استاذنا دى شويه نكت بدل الهم الواحد في طول اليوم اه هي معظمها شوفنها قبل كده بس اهي نكته مش محتاجه العريضه الحضرتك كتابها دى

ما هو حضرتك لو صعيدي كنت هتكتب عريضة زي اللي حضرتك زعلان منها دي
و هو يعني الضحك ما يحلاش الا بالسخرية من الصعايدة يا أ/ محمد و لا ايه
ما هو زي ما حضرتك تعبان طول اليوم و عاوز تفرفش شوية من الهم الللي احنا اتزرعنا فيه الصعايدة كمان من حقهم يدخلوا المنتدي زيك يفرفشوا مش يتهزؤا و يتبهدلوا عمال علي بطال
و بعدين الموضوع زاد عن بطريقة وحشة و مش مقبولة كمان
يا اخي قول الحق
و لا احنا عشان نضحك نستهزئ بالناس و خلاص

انا بقووووووووول اني مش ضد الضحك و الإبتسامة
بس يبقي معقول مش رص و خلاااااااااص و اهو كله ضحك و السلام

ايه المانع ان النكته تكون واحد سازج او واحد مش في وعيه او واحد غبي مثلا
لازم تبقي واحد صعيدي يعني هي كلمة صعيدي كناية ولا ايه !!!!!!!!!!! و انا معرفش ؟؟

الرحمة يا جماعة و النبي

يا باشا الصعيده اجدع ناس وفوق راس الواحد بس ما طول عمرنا بنسمع نكت علي الصعياده والمانيفه والفلاحين
وبتوع الساحل . يعني الاقصده مش تزعل نفسك

أستاذ mostafabakry

تقبل اعتذاري ... وواجبنا مهما كان هدفنا من مجرد رسم ابتسامة
إننا نراعي مشاعر غيرنا لو تضايق ...

رأيك يحترم .. ويكفي إنك حبيت المنتدى وحسيت إنه بيتك الكبير
فلازم نحافظ معاك على الاحساس ده

بعتذر مرة ثانية

المشاركة الأصلية كتبت بواسطة نور العمر

أستاذ mostafabakry

تقبل اعتذاري ... وواجبنا مهما كان هدفنا من مجرد رسم ابتسامة
إننا نراعي مشاعر غيرنا لو تضايق ...

رأيك يحترم .. ويكفي إنك حبيت المنتدى وحسيت إنه بيتك الكبير
فلازم نحافظ معاك على الاحساس ده

بعتذر مرة ثانية

يا ستي ولا يهمك
و اعتذارك دا علي راسي من فوق
و انا متشكر جدا علي ذوقك و انا اسف ان كنت مندفع شوية في الرد بتاعي
بس انا والله مش ضد الضحك و الهزار بالعكس انا بحب اسمع نكت و احب دايما يبقي الجو اللي انا عايش فيه يحتوي علي نوع من الترفيه و الترويح عن النفس

بس الموضوع كتير بيزيد و بتحول لسخرية و استهزاء و دا الللي بيزعل و بيخنق و بالذات مع الصعايدة
عموما انا متشكر جدا لحضرتك

تحياتي