السيارات الصينيه سيارات فاشله

**x_gomgom** · 12-07-2009 02:18 AM

اولا و قبل كل شئ ان شاء الله هيكرمك و يعوضك خير ...
اي ان كان العربيه وحشه او حلوه دي بقى ارزاق والله. انا عرف ناس والله ركباها و بتشكر فيها جدا.. و ناس بتشتم و تسب و تقول حسبي الله و نعم الوكيل.....
و اكيد مفيش حد هنا بيكدب على حد احنا كلنا هنا عشان نفيد بعض. بس ساعات و محدش يقدر ينكر بتكون في مأسي و معظمها فردي....
انا اصلا بفكر ابيع عربيتي و اجيب a113 الاسبرانزا ليا صديق والله بيحلف بيها (عامله 52,000 كيلو!!!) و كان معاه فرنا قبليها و بيقول انها برقبتها والله (دا علي كلامه انا ما سقتش الاسبرانزا دي لا 20 كيلو بس)....
اولا و اخيرا قدر الله ما شاء فعل و الحمد لله

**som3aa** · 12-07-2009 03:13 AM

كان معاه فرنا قبليها و بيقول انها برقبتها والله

طيب ممكن اسال سؤال ازاى برقبة الفرنا؟؟
المقارنة فى ايه , الموتور طبعا موتور الفرنا اقوى بكتير , الثبات : اكيد الفرنا مع عيبها المعروف اللى هو ضعف الثبات احسن 100 مرة بالعقل كدا من ال113 , من ناحية ايه بالظبط قولى حاجة واحدة بس احسن , انا مش مقتنع اساسا ان ال113 دى عربية ممكن واحد يشتريها خالص , طيب ال620 و قولنا ماشى , 516 و قولنا نعديها بالعافية انما ال113 دى زيادة اوى , عربية تحسها لو واحد طخين شوية دخل جواها هتقع بيه على الارض و مع انها نزلت فى مشروع تاكسى الجديد مشفتهاش و لا مرة فى الشارع مع انى شفت جميع العربيات من اول اللادا للبيجو البارس , و كان فى واحد هنا عامل عنها تقرير بيقول زبالة و تحس انك قاعد على الارض و فعلا تخاف على نفسك جواها , طيب طالما العربيات الصينى ممتازة كدا ليه مبتنزلش دول محترمة و تبيع هناك؟؟ مع ان الفرنا فيها عيوب تقفيل بسبب غبور الا انها نزلت و التباعت فى العالم كله و كميات ضخمة لانها عربية جيدة و بعدها الاكسنت انما ايه اللى يخلى شخص يدفع 70-90-150-170 الف جنيه فى عربية صينى؟؟ مجهولة المصدر و العربيات البريليانس الجالينا اللى اتباعت فى مصر زبالة مخدتش نجمة واحدة فى اختبار الامان الاوروبى فى 2007 , بعد كدا طورها و خدوا اختبار اخف شوية و خدت 3 نجوم , طيب معنى كدا ان كل اللى اشترى القديم معاه عربية لو دخل بيها فى اى حادثة هيروح فى داهية و السقف هيطبق عليه!!! تخيلوا دا اللى احنا نعرفه , ليه الواحد يجازف و يشترى الFrv اذا كانت الكبيرة اللى ب 170 الف كدا!!!!
ليه طالما فى بدايل محترمة يابانى و كورى زى الدايهاتسو السيريون و الاكسنت و الياريس و لو وصلت ل 90 فى الاوبترا و الالنترا و اللانسر و فى حاجات كتير اوى , اذا كان الجالينا اللى هى ب 170 الف تحسها صينى من جوه و العربية كلها بلاستك رخيص ردىء الصناعة و الجودة من مجرد اللمس و كدا , الواحد يقوم يشترى الصغيرة منها ب 80 الف!!!!

و الله اللى يشترى العربيات الصينىدى مش مفروض يشتكى خالص و لا يتكلم و يقول العربية سيئة لانه هو اللى جابه لنفسه (مش بتكلم على صاحب الموضوع , ربنا يعوضك خير ان شاء الله) , انا بتكلم على الناس اللى قاعدة تدافع دلوقتى و تقول العربة معايا اهى زى الفل عامل بيها 10 كيلو و لسه مستلمها من التوكيل و مباظتش , بتريق طبعا بالذمة ا كلام , العربية ممكن نبدا نتكلم بعد 30-40 الف كيلو نشوف العروب المبدئية بعد كدا بعد 3-4 سنين نشوف العربية لسه عربية و لا بتتجر دلوقتى كدا يعنى!!!
اذا كانت الاسبرنزا اللى هى من اقدم العربيات الصينى فى مصر اول دفعة اخر 2006 هى و البريليانس يعنى معنى كدا معداش عليهم 3سنيتين و نص يبقى ازاى الناس بتتدعى انها تقدر تحكم
العربية مش شكل و خلاص و لو سمحتوا متقولوش عيب فردى و الكلام الاهبل دا لان لو العربية كانت كويسة كانت اتباعت فى الدول المحترمة الاوروبية او امريكا (سواء الشمالية و لا الجنوبية ) و لا استراليا و لا دولة اسوية محترمة.

**ggggggggg** · 12-07-2009 03:34 AM

أخ som3aa أسلوبك لم يعجبني فيه نبرة غل داخلي غير طبيعية وتجريح في كلام الناس بقول كلمة ((كلام أهبل)) تحس كده انو في تار بينك وبين العربيات الصيني وكل الي بيشتروا عربيات صيني وكل الي بيفكروا يشتروها

**x_gomgom** · 12-07-2009 03:43 AM

اولا انا لا متحيز للصيني و لا واقع في حبه و كمان انا من اشد المعارضين للفرنا (انا 2 من عائلتي ماتوا فيها هي عباره عن علبه سردين ولا امان ولا يحزنون فين الامان اللي بتقول عليه دا!!!!!!!!!)
و كل الناس بتقول علي متورها العفريت في علبه الكبريت.... و انها فرامل مفيش بعد ال 100 و كلام ملاك مش بجيبه من بره...
لو سعادتك مش عاجبك اراء الناس دا براحتك لكن النبره اللي ببتكلم بيها اولا لا تليق بمنتدي بنطلب فيه النصح و لا دا كلام واحد بينصح اصلا.....
و يا ريت زي با بنحترم ردك تحترم رد الناس...
و شكراً في كلا الحالات على مشاركتك

**x_gomgom** · 12-07-2009 03:46 AM

كمان هل سبق لك انك جربت ال السبرانزا 113؟؟؟؟؟؟؟؟؟
............
و ياريت لو تحكيلنا تجربتك
شاكر جدا!!!!

**rms1986** · 12-07-2009 03:55 AM

عى فكره ال113 اوسع من الفيرن

وبتتباع بره في امريكا وغيره تحت شركه دودج
http://www.autobloggreen.com/tag/chery-dodge/

وثبات ال113 اثبت من الفيرنا بتجربه مهندس كبير هنا في المنتدى هتلاقيه عامل موضوع للتعديا ع الموتور في قسم التعديلات

وانا معايا 516 بقالها سنتسن والعربيه زي الفل ولم اغير سير كاتينه

التوكيل بيسرق ويقول ع 30000 كم و1800 جنيه

اما هو بيتغيير زيه زي اللانسر على 70000 كم تقريبا وبره التوكيل بيكلف حوالي 500 جنيه

اللي عاوز بضحك عليه في التوكيل يروح

اما الصني في وجه نظري الشخصيه صالونها ضيق جدا ومحدش يقدر ينكر ده

وفي اختبارات لتصادم زباله شوفها ع ليوتيوب
http://www.youtube.com/watch?v=SHXnhYUBlAE

وربنا يبارك لنا في سيارتنا

**x_gomgom** · 12-07-2009 03:57 AM

كمان انا بستهجن كلمه الموتور اقوي و 1600 و جو السباقات دا؟؟؟؟؟؟
يا جماعة الخير احنا مش عايزين نركب عربيه بتطير و متقفش؟؟؟
و هو حد قالك ان احنا في سباق.....
كمان انا بقول كدا عشان الفت نظر سعادتك لكميه حالات الوفاة بسبب الحوادث في مصر....
شوف كام واحد مات و باالذات شباب و اسأل الشباب اللي في الاكادميه البحرية و اللي في الكليات الخاصه اللي في التجمع...
شوف و هما يقولولك علي ارقام تخوف...
يا ريت نخلي كلامنا واقع و عملي
و شكراًًًً

**x_gomgom** · 12-07-2009 04:02 AM

و معلومه بس لحضرتك اكتر نسبه حوادث في مصر كانت من نصيب شركه هيونداي....
مش عايز اقول الفرنا عشان متقولوش متحامل...
في جروب علي facebook اسمه كفايع فرنا بقي... يا ريت حضرتك تلقي نظره عليه0 و كميه و بشاعة الحوادث اللي عليه
و ارجو السلامه و الخير للجميع
و ربنا يسترها علينا جميعاً

**rms1986** · 12-07-2009 04:03 AM

طبعا تجربتك ده ربنا يكون في عونك ويعوضك خير منها

اما التعميم فده اللي غلط

العربيات ده قرف ولو راكب مرسيدس

وبالاثبات

ده اوبترا هيتغيرلها وش سلندر اول 10000 كم

بس محدش هيفتح بقه ويقول اجه انما لمل تحصل حاجه في عربيه صسني

ياي الصيني كله زباله

صدق او لا تصدق

شيفرولية اوبترا هيتغيرلها وش سلندر فى اول 10 اللاف و كما هو موضح بامر الشغل صاحب السيارة ابلغ عن مشكلة الحرارة ولم يكن منهم الا تغيير الزيت والفلتر لحل المشكلة !!!

السيارة حاليا فى التوكيل وصاحب السيارة فى انتظار ما ستقررة شيفرولية لحل المشكلة لاكن حتى الان اقصى الامانى هيا تغيير وش السلندر باخر جديد بدون تكاليف طبعا

والسؤال هنا

هل يحق لصاحب السيارة المطالبة بتغيير السيارة كلياً ؟

هل يحق لصاحب السيارة المطالبة بتعويض عن الخسارة وضياع الوقت وحرقة الدم فى الزيارات المتكررة لمراكز الصيانة ؟

هل تغيير وش السلندر للسيارة يعيدها كما كانت ام انه من الممكن ان تكون هناك اجزاء اخرى بالمحرك تضررت ؟

هل تغيير وش السلندر للسيارة يعيبها فى حاله اعادة بيعها ؟

ارجو من الجميع التفاعل لان صاحب السيارة سيحدد موقفة من التوكيل بناء على اجابتكم

منقول

اما انا معاك ان التوكيل زباله

وده حال اغلب التوكيلات في مصر

وشكرا

ممنوع الكتابه بالاحمر
ممنوع وضع لينكات لمنتديات اخري
مشرف عام 1

**som3aa** · 12-07-2009 04:04 AM

أخ som3aa أسلوبك لم يعجبني فيه نبرة غل داخلي غير طبيعية وتجريح في كلام الناس بقول كلمة ((كلام أهبل)) تحس كده انو في تار بينك وبين العربيات الصيني وكل الي بيشتروا عربيات صيني وكل الي بيفكروا يشتروها

بالعكس انا مخفف من حدة الاسلوب علشان عارف ان فى ناس تملك العربية علشان كدا مقولتش و لا اى حاجة باسلوب وحش و اتحداك تطلعلى حاجة قلتها , اما بالنسبة لكلمة كلام اهبل لان العيوب كتير جدا عند ملاك بالهبل و واضح من ردودهم و واضح من تقيل العربيات اللى زى الزفت اللى باين عليها و هى فى التوكيل و واضح من ان العربيات مبتتبعش غير فى الدول المتقدمة اللى زى مصر يبقى ازاى حد يقول كلام فردى , يبقى دا كلام اهبل فعلا!!

اولا انا لا متحيز للصيني و لا واقع في حبه و كمان انا من اشد المعارضين للفرنا (انا 2 من عائلتي ماتوا فيها هي عباره عن علبه سردين ولا امان ولا يحزنون فين الامان اللي بتقول عليه دا!!!!!!!!!)
و كل الناس بتقول علي متورها العفريت في علبه الكبريت.... و انها فرامل مفيش بعد ال 100 و كلام ملاك مش بجيبه من بره...
لو سعادتك مش عاجبك اراء الناس دا براحتك لكن النبره اللي ببتكلم بيها اولا لا تليق بمنتدي بنطلب فيه النصح و لا دا كلام واحد بينصح اصلا.....
و يا ريت زي با بنحترم ردك تحترم رد الناس...
و شكراً في كلا الحالات على مشاركتك

حضرتك عايز تشترى صينى و دا واضح من كلامك اللى فوق دا اولا , ثانيا مين قال ان الفرنا اللى فى مصر امان , الفرنا منزوع منها كل وسائل الامان زى الairbags مثلا , انا عارف كدا و سبب ان الناس بتعمل بيها حوادث موت قوة الموتور اللى بيغريهم على الشد و الجرى بسرعة و طبعا بما ان فراملها ضعيفة لان مفيهاش abs و كمان مفيهاش airbags الحوادث بتسبب موت و كمان مش ثابتة على سرعات عالية , اما الاسبرنزا فالعن 100 مرة منها و تخيل انت بقا

كمان هل سبق لك انك جربت ال السبرانزا 113؟؟؟؟؟؟؟؟؟

لأ طبعا ركبتها فى جراند كافيه بس و هى واقفة كنت بتفرج بس انما انا مش مستغنى عن عمرى علشان اجربها و هى ماشية و لا اركبها مع حد