انا سمعت ناس كتيييير بيمدحو البريليانس جدااا
بس معرفش حد جرب الباقي
عرض للطباعة
انا سمعت ناس كتيييير بيمدحو البريليانس جدااا
بس معرفش حد جرب الباقي
يعني ازاي بس حضرتك اللوجان والياريس والسيمبول مثلا كلهم في نفس السعر
اعتقد انهم اد المستوي اوي
واعتقد مفيش حاجة صيني محترمة هتعيش ادهم
لان العربيات دي اثبتت كفاءة في دول تانية يعني مش جاية تتجرب هنا
بعكس العربيات الصيني كلها
كمان اخونا اللي بيقول ال128 والسيات سيارات اوروبية مش كويسة
حضرتك لما تيجي تقارن حاجة زي دي قارنها بالفئة اللي كانت موجودة وقتها العربيات دي
كان ساعتها العربية ال 128 حاجة حديثة وموديل جديد الناس بتتهافت عليه
ياريت بس نبقي موضوعيين في كلامنا مش اي كلام وخلاص
السيد الفاضل اللي بيقول انفي عربيات اوربي زباله زي ال 128 و السيات ... هو في الوقت اللي العربيات دي نزلت كان في عربية صيني اساسا ؟؟؟!!.. العربية دي وقتها عملت مبيعات رهيبه .. ولما تقارن عربية موديل 80 بعربية موديل 2010 يبقى احنا بنهرج .. تعالى بقى نقارن الباسات .. بالجالينا والاسبيرانزا a620 وانت تعرف الفرق وهما نفس الفئة .. صحيح هما مش نفس الفئة السعرية .. بس نفس فئة السيارة .. لما تيجي تشتري عربية بتشتري ماركة ليها اسمها ومحافظة على سمعتها زي فولكس مثلا .. وقولنا قبل كده مش معنى ان عربية اتنشرت يبقى العربية دي نجحت .. وانا بصراحة مسمعتش عن باسات او جيتا فيها عيوب صناعة .. ولا حد استلم جيتا وراح اشتكى في حماية المستهلك .. الصيني عربيات تقفيلها اي كلام وخاماتها رديئة وعلى اد فلوسها .. لكن انا معنديش استعداد اني ادفع جنيه واحد في عربية ممكن بعد سنه ولا حاجه تفتح بقها وتصرف اكتر من عربية موديل 70 .. وده رأي طبعا .. وارجو ان محدش من انصار الصيني يزعل مني
الأخ العزيز
مين قال ان حد ممكن يزعل منك من أنصار الصينى
مين اللى يقدر يحجر على حقك فى ابداء رأيك او أى رأى آخر
ومين اللى يعطى لنفسه الحق فى ان يعطى نفسه حق الحكم فيما يقال أو متى يقال
والمنتدى الغرض منه الحوار البناء والهادئ ...
ورغم أننى من أنصار الصينى كما أشرت ولكنى من انصار الحوار وابداء الرأى بلا قيود على الحرية الشخصية...
لك منى كل التحيه لعله فى يوم من الأيام يكون لك رأى مغاير فى الصناعة الصينية..
وشكرا...
speranza m11 is the best:B4_388:
السلام عليكم ....
128 زبالة ؟؟؟؟؟؟ جاي بعد ما العربيه بدأت تتباع ب بتاع 40 سنة تقول زبالة؟؟؟؟؟
اتباعت في كل العالم .... و لسة ماشية في بلدك و طول مانت بتعاملها كويس مابتقولش لا و تقول زبالة ؟؟؟؟ يا راجل طب قول كلام منطقي :N_no[1]:
انا معايا 128 موديل 83 .... اول المعدل ... 1100... كل اللي معمول فيها بالنسبة للتعديلات الغير شكلية ان انا مجنط و مركب كاوتش GT\13\175\70 و قاصص حلقة واحدة من السوست الامامي .....
و النهاردة بعد اكتر من 26 سنة علي ميلادها بتجيب 140 كيلو علي الصحراوي مع مراعات ان اخرها 180 في العداد.... و باخد اكتوبر كله بفلنكاته بملفاتة"عبد المنعم رياض" علي 100 بدون اي عدم ثبات
و تقولي زبالة ؟؟؟؟؟؟؟؟
بالنيابة عنها و عن كل المظلومين انا بقي هاقولك ......... ربنا يسامحك
و بالنسبة للصيني ......
لولا اختلاف الزواق لبارت السلع .... دي اول نقطة ...
و برضه زي اي حاجة في الدنيا .... في كويس و فيه وحش ....
انت معاك كام و هتوظفهم ازاي و ناوي تبيع ولا لا و لو هاتبيع هاتبيع امتي .... دي كلها تقدر تقول بيها اه ولا لا لقرار شراء اي سلعة انما عمرها متحدد جودة السلعة ....
انا جبت m11 علشان انا اقتنعت بيها و طزززززززززز في الشكل مع انها حلوة شكلا برضه
بس مش دة الاساس .... انا ذاكرت فيها 3 شهور اقبل ماشتريها و استخرت كتيير ....
ده مايمنعش ان اكيد في مخاطرة اني اجيب سلعة لسة جديدة .... بس هما كمصنعين بيطوروا جدا و بيحاولوا يعملوا حاجة .... والوكيل- بغض النظر عن نقطة الانتظار نظرا لضغط عدد السيارات و سياسة كل 5000 كيلوا اللي هدفها الربح بس- اسمه جامد ... و عمل bmw و عمل daweeo و بيشتغل كويس .....
ده غير ان ابو غالي موتورز دخل في صيانتها و ابوغالي موتورز مش اي حد و مش صغير و التعامل معاه كويس جدا و منظمين جدا ....
و الحمد لله مش ندمان و ربنا يكرم و الايام تثبتلي ان انا كنت علي حق طالاما مشيت ورا استخارتي لربي .....
و للي عايز انا عامل تقرير كامل عنها في قسم الاسبيرانزا ....
و برضه تحياتي للجميع بس خلينا حلوين مع بعض و كل سنة وانتوا طيبين
بلاش تحامل على الصينى قوى كده
انا جربت الاسبيرانزا ال 1600 cc
http://static1.meowns.com/wishlist_i...ranza_A516.jpg
اول ما نزلت وعملت بيها حادثة جامدة
ووالله العربية كانت بطل وما كسفتنيش
واتصلحت فى التوكيل بتراب الفلوس مع تغيير الاكصدام وباب الشنطة وكشاف ودهان الاجزاء دى
ومعاملة الناس فى توكيل ابو الفتوح بتاع قباء ممتازة جداً
ما عدا مدام شهيرة ( بتتعامل بغرور شوية ) لكن لو شديت عليها هتبقى كويسة فى التعامل
لكن باقى الفريق أكثر من ممتازين
والعربية كانت زى الفل
وربنا يعلم انى لما جيت ابيع بعتها فى 30 دقيقة فقط
عملت اعلان فى الوسيط يوم الاربعاء اخر اليوم وانا فى الشغل بعد ما عملت الاعلان بدقائق لقيت اتصال .. اتخضيت
لقيتهم نزلوا الاعلان على النت
الراجل اخذ عنوان الشركة وجاء بسرعه جداً اتفرج على العربية ونزل جاب العربون وجاء فى نص ساعة
وتانى يوم استلم العربية وسجلته
وبعد ما بعت له بدقائق طلع عينى من كثرة الرد على التليفونات لما حسيت ان دى اخر عربية فى مصر
بيع الصينى ما فيهوش اى مشكلة
وبلاش تكرهونا فى ناس بيعملوا اللى احنا ما نقدرش نعمل 1 على الالف منه
فين احنا اللى لسه بنصنع العربية ال lada ( لادا )
انا شفت برنامج اجنبى عن السيارات كان جايب العربية اللادا وبيتكلم عن ماضى السيارات وبيقول تخيلوا انها لسه بتتصنع زيرو فى بلد زى مصر ... كانت حاجه تكسف والله
ربنا يوفق الصينيين
وانا عن نفسى بقول
لو لم اكن مصرياً ... لوددت أن أكون صينياً
ممكن اختلف معاك الاسبرانزا والبرليانس انتشرت جدا ولو كان فيها اى مشكله مكنتش انتشرت الانتشار ده
انا عن نفسى مقتنع جدا بعربيتى الfrv ومش ناوى اغيرها لأن انقذتنى من الموت اكتر من 1000000مرة والعربية مطلع عنيها يعنى يوميا بعمل بيها متوسط 250كم والعربية مابتشتكيش ولما عملت حادثة مع الجيتز الى هيا بنفس الفئة السعرية الجيتز اتبهدلت والسواق اتعور واتفتحت دماغة وانا الحمد لله ماحصليش حاجة والعربية اتسمكر الرفرف والاكصدام اتصلح ورجعت زى الاول
وكمان كان فى الحى العاشر حادثة جامدة سبيرانزا تيجو ورينو ميجان والرينو اتعجنت واتبهدلت وهيغير نصف امامى للعربية والاسبيرانزا الرفرف والباب الامامى اتخبطوا ومحتاجين سمكرة بسيطة
يعنى من الاخر انا بحترم عربيتى ومش هغيرها
هاهاهااقتباس:
لأ فيه بعد إذنك الفيات ال 128 زباله و السيات ال 133 زبالة واهيه عربيات اوربى
انت اكيد بتهزر مش كده.
يا جماعة انا معايا سيارة بريليانس سبلندور بقالها سنتين والسيارة ممتازة موتور وعفشة وتكييف اللاخ ال بيكلم ميعرفش اي حاجة عن السيارات الصيني
الاستاذ صاحب الموضوع بعد ما باع الاسبرانزا جاب نيسان وطلع فيها نفس العيوب ودة علي لسانة
سلامو عليكم والله يا جماعه انا كان معايا سبيرانزا 2008 وكان فيها عيب فى علبة الدريكسيون وخلصت منها وبعتها بس لاقيت نفس الطقه فى نيسان صنى بجد انا زعلان ومش عارف اعمل ايه طيب اسبيرانزا صينى قولنا ماشى بردو العيب دا فى اليابانى طيب ليه مسمعناش عنه فى تويوتا ولا فى الموديلات الكورى ليه نفسى اركب العربيه وما اسمعش الصوت دا انا خلاص بقيت احس بالطقه دى قبل ما تحصل ساعدونى اعمل ايه فى علبة الدريكسيون
معرفش ليه مش مرتاح لكلامك ومش مقتنع بيه
السيارات الصينى تهتم بالكماليات الفارغة والشكل الخارجى لزغللة عيون المستهلك
وكان الافضل لها توفير موارد الكماليات لدعم اساسيات السيارة من عفشة وموتور و شاسيه وبودى لان هذا هو معيار جودة السيارة الحقيقى