مشكلة كبيرة مع tedata

**zakiali** · 11-07-2009 08:45 PM

للأسف في مصر الواحد لازم يفضل يلف حولين نفسه ويعمل قرد عشان ياخد حق من حقوقه .. وياريت كده دا الراجل دافع فلوس كمان ومش واخد حقه ! ودي في حاجه واحده بس فما بالك في كل جوانب الحياه التانيه .. ! هو الواحد فاضي يشتغل ولا يحارب .

اوعي تسيبهم . بس برده اوعي تتهور وتعمل حاجه مجنونه

**M.almaghraby** · 11-07-2009 08:56 PM

حرام والله الكلام دا

دانا عندي 512 بيوصل 60

بجد لا تترك حقك ,,, بس اعتقد تي اي داتا هيا الافضل نسبيا

**champoo** · 12-07-2009 12:39 AM

بجد انا قاعد دمى محروق حاسس اننى منصوب عليا و لما اشوف هايحصل ايه بكرة لأنه خميس و جمغة اجازة

**M.Mostafa80** · 12-07-2009 11:24 AM

المشاركة الأصلية كتبت بواسطة dr_ahmed_abdelghany

مش هتعرف تشترك مع اى شركة تانية لانهم مش هيدوك رقم الالغاء الضرورى للاشتراك مع اى شركة تانية ودا اللى حصل معايا ، انا قاطع الخدمة معاهم من شهرين ورافضين يدونى الرقم لا بالذوق ولا بالعافية ولا بالشكوى ل 155 ولا بأى وسيلة
دلوقت اشتركت من سايبر وطظ فيهم

حضرتك زى الباشا بتكلم جهاز تنظيم الأتصالات وبتقلوهم أنا عايز رقم الغاء التعاقد مع الشركه الموضوع ده حصل معايا وجبتو منهم كانت شركه نايل أون لاين حاجزه الخط بالغلط وعشان أشترك فى الشركه المهزئه بتاعت تى اى داتا وأولى رقم الألغاء وتاريخه بدون أى حوارات

**champoo** · 13-07-2009 03:39 AM

النهاردة كلمونى علشان يقولوا ليا انهم سمعوا المكالمة و انه فعلا كريم فتحى ده غلط فيا و انه انا كل كلامى معاه كان فى منتهى الإحترام و بيقولوا ليا هايرجعوا الخدمة قلت لا انا ليا 3 شروط علشان افضل مشغل الخدمة كريم فتحى ده و الناس التانية تحاسب على اللى فعلوه و اتأكد انه اخدوا جزائهم و اخد 3 شهور تعويض عن اللى حصلى و انه الخدمة ترجع بكفائتها كاملة قالوا ليا هانبحث الموضوع و نرد حضرتك

**anwarnono** · 13-07-2009 04:07 AM

أعمل شكوة فى netra جهاز شكاوى الاتصالات ورقم تليفونهم 155
واحكيلهم بالتفصيل وهيدولك رقم للشكوى وهما هيتصلوا بيك علشان يقولك على الحل ويجبولك حقك.
أنا بقولك عن ثقه علشان أنا شغال فى أحدى شركات الاتصالات.بس مش tedata والله،ولما خدمه العملاء بيبلطجوا على العميل والعهميل حتى لو قابل المدير،بيعمل شكوى والمدير بيعتزرله بعد كده.
ناس تخاف ماتختشيش.ومدام انتا على حق ربنا هيجبلك حقك.

**yasserayad** · 13-07-2009 04:13 AM

شركه زباله واللى شغالين فيها باين عليهم مرضى نفسيين
او اهاليهم لم يربوهم مطلقا
انا محروق دمى قوى من اللى حضرتك حكيته ده لانه حصل معايا كتيييييييييير فى اماكن كتييييييير فى مصر (شركه الكهربا , الجوازات,القسم, فودافون,..............الخ)
اكيد باذن الله ييجى يوم ينالوا جزائهم
انا لو منك لا تعويض ولا شروط اقطع اشتراكك معاهم تحت اى ظرف

**aliabutaleb** · 13-07-2009 01:56 PM

الشكوى مش هاتجيب له حقه مع تي داتا
انا وصل بيا الأمر إني اشتكيت اللي استلم مني شكوى من موظف أديته الشكوى.
ودوخيني يا لموونة
المفروض الإلغاء بياخد بالكتير أسبوعين
وغصب عنهم هاتاخده مادام مفيش عليك مبالغ متأخرة
انا جبت واسطة عشان استنى اسبوع واحد بس لأن المفترض انك لما بتعمل طلب الغاء بياخد دورة داخل الشركة من ضمنها الناس بتاعة ال retention يكلموك ويحاولوا يراضوك ويعوضوك كمان ان لزم الأمر، انا من كتر قرفي منهم طلبت إني أستثني من اتصال ال retention بيا.
الشكوى في معظم الأحيان وفي معظم الأماكن بتجيب الحق، لكن مع تي داتا دول ملهمش كبير والشكوى تضييع وقت
نصيحتي حفاظاً على أعصابك ووقتك
ركز ضغطك عليها في رقم الالغاء
وبعدها اكسر وراهم زير

**M_55** · 13-07-2009 03:36 PM

السلام عليكم

اولا انا باعتذر بالنيابة عن تي اي داتا عن الانطباع اللي حضراتكم اخذتو عننا كشركة ، انا احد افراد تي اي داتا بس في قسم بعيد عن خدمة العملاء والمبيعات .

انا عارفة ان احيانا بتحدث مشاكل غير مقصودة مع العملاء بتكون ناتجة عن زيادة عدد المشتركين ( أو بسبب الأسلوب العصبي في طرح المشكلة ) زي شكوة الاستاذ Champpo وقال ان هو قعد يزعق في مندوب خدمة العملاء .

وعلي فكرة مفيش عندنا في تي اي داتا مرضي نفسيين وكل الناس هنا محترمة وبتعمل في جد بس زي ما قلنا في فلتات لازم تحصل .

انا نفسي اخدم اي حد عنده شكوي بس مش عارفة انا ممكن اعمل ايه ؟

وشكرا لسعة الصدر

**أحمد كمال** · 13-07-2009 04:10 PM

المشاركة الأصلية كتبت بواسطة anwarnono

أنا شغال فى أحدى شركات الاتصالات.بس مش tedata والله

محمول و لا ارضي و لا ISP و لا Provider ؟ :)

الموضوع: مشكلة كبيرة مع tedata

LinkBack

أدوات الموضوع

عرض

-

-

-

-

-

-

-

-

المواضيع المتشابهه

النجدة ارجوكم ! لخبراء الاتصالات و المصرية و tedata و خطوط التلفون و tedata !

مشكلة كبيرة في a11

مشكلة كبيرة

مشكلة كبيرة :(

الكلمات الدلالية لهذا الموضوع

المفضلات

المفضلات

ضوابط المشاركة