-
فرامل مش مظبوطة
يا شباب ....
كنت في التوكيل يوم الخميس عشان اشوف مشكلة الفرامل
اولا هي فيها صوت صفارة بسمعة من غير ما ادوس فرامل و لما ادوس فرامل ساعات بسمعه و ساعات لأ...
التيل عندي لسه جديد....
و مافيش تراب بين التيل و الديسك....
المهم في التوكيل قالولي غير طنابير امامي و تيل .... عشان الطنبورة فيها شفة و هي دي اللي بتعمل الصوت ....
انا متأكد انه مش ده الحل الوحيد...
ياريت حد يقولي عشان كدة المبلغ كبير مع العلم ان الفرامل بتمسج كويس جدا الحمد لله....
في ناس بتدخل الطنابير على المخرطة و تشيل الشفة دي و تظبطها تبقى زي الجديدة ... هل الكلام ده صحيح ولا في حاجة هتكلفني كثير بعد كدة ؟؟؟؟
و فين اعمل العملية دي ياريت لو حد يعرف مكان كويس يقولي ....
شكرا , آسف على التطويل
-
ممكن تشخيص التوكيل يكون فى الحاله دى سليم
الموضوع مش مكلف ولا متعب ليك انت تروح لميكانيكى يفك الطنابير وتاخدهم بنفسك وتروح لخراط الخراط هياخد منك 30ج بالكتير والميكانيكى 20ج فك وتركيب الموضوع كله ساعة زمن :b4_033:
-
شكرا يا باشا ....
التوكيل فعلا تشخيصه صحيح لحد ما يثبت العكس .... لكن مش الحل الوحيد اني اغير طنابير...
شكرا على المساعدة خصوصا في موضوع الاسعار ده .... بس ياريت تقولي اعملها فين ؟
-
ما انا قولتلك اى ميكانيكى هايفك وهو يدلك على اقرب خراط
ولو قريب من فيصل اساعدك فى الموضوع ده
-
بس انا مش بنصح انك تعمل الطنابير عند الخراط ,لانها كفاءتها بتقل ومابترجعش زى الاول
-
انت عامل بالعربية كام كيلو
و انا شايف ان خرط الطنابير بيخربها و هتضطر في الاخر تجيب جديد
انا رأيي لو التيل و حش غيرة و شوف لو الامور ما اتعدلتش غير طنابير مع تيل وريح راسك
-
انا رأيي لو التيل و حش غيرة
بنصحك انك تعمل الطنابير عند الخراط مش هتخسر كتير وممكن تجيب نتيجه
-
والله بص انتا لو عايز حل يمشيك ومش مكلف لفتره اخرط وبعدين اكيد لازم تغير بس الموضوع انك هتكسب استعمال الطنابير بس هيا طبعا مش هترجع زي الأول عشان هيا كل ما خرط بتبقا ارفع وكده ما علينا لو الطنابير غاليه وانتا مش معاك سيوله اخرط والتوكل على الله
-
شكرا يا جماعة على الاهتمام ....
انا بس عاوز اشيل الشفة اللي على داير الطنبورة.... يعني مش هخرطها كلها ....
الطنابير الجديدة أمامي في التوكيل ب 700 جنيه و طقم التيل الامامي ب 175 جي ام اي ... الاصلي المصري...
رحت سألت عليها في شارع دمشق .... لقيت طنابير اسمها ماستر صناعة اسباني .... الطقم ب 330 جنيه... و التيل من نفس الماركة ب 175 جنيه و التيل الاصلي بتاعها ب 160 جنيه ...
يعني الاسباني اغلى من الاصلي في التيل لكن في الطنابير الاسباني ارخص اكثر من النص....
مش عارف اجيبهم ولا اجيب من التوكيل....
ملاحظة كمان لو سمحتم .... التيل الاصلي جي ام اي لما مسكته لقيته خشن و مش متجانس ... و الاسباني لقيته ناعم و شكله متجانس و نضيف .... بس بصراحة ما عرفتش احكم انه الافضل .....
-
الطنابير بتاعت عربيتي اسباني في التوكيل ب 600 و بره اسباني برده ب 250
عموما جرب تمسح الطنابير عند خراط و تغير بتيل اسباني عادتا بيكون صناعة نظيفة
Content Relevant URLs by
vBSEO 3.6.0 PL2