ياشباب بدور علي لاب توب كويس في حدود 5 الاف _استخدامي نت واوفيس وجرافيك والعاب وشوية برامج simulation
ايه انسب حاجة؟
عرض للطباعة
ياشباب بدور علي لاب توب كويس في حدود 5 الاف _استخدامي نت واوفيس وجرافيك والعاب وشوية برامج simulation
ايه انسب حاجة؟
ممكن تاخد Acer 2.1 جيجا رامات 3جيجا وهارد 320جيجا وكارت شاشه 1700ميجا كل ده بحوالي 3555 في كارفور, اطلع بسرعه قبل النفاذ
طبعا يكون فيه بلوتوث وواي فاي
ابعد عن acer نهاااااااااااااااائي
شوف sony
شكرا علي الردود ياشباب انا اسمع ان acer مش احسن حاجة في الرينج ده_انا شفت عرض كارفور الاخير بس واضح انه عرض لتصريف الموديلات اللي ما عليهاش طلب_ايه رأيكم في dell?
بص انت عاوز حاجة ممتازة بس عاوزة استخدام رقيق يبقا التوشيبا (سعرها غالى نوعا ما)
عاوز حاجة تادية غرض وشغالة استعمالها عادى( ايسر واتش بى ولينوفو)
الباقى ماعرفش عنة حاجة لان صيانتة مش متوفرة فى مصر زى الانواع التانية
توشيبا على ما اتذكر فى موديل ب 5199 فى كل المكانيات الى انت طالبها
الايسر معايا ,, تحس انه ورق وليس لاب توب خاماته مش كويسه وندمان عليه ومعاملة التوكيل بتاعته مش كويسه
الديل كويس ولكن اسمع ان فيه موديلين او تلاته مش كويسين برضو
لكن الغالبيه فيه كويسه هو و hp الناس كلها بتشكر فيهم
بص في موقع اسمه لاب توب العرب ابحث عنه في جوجل وشوف في الاقسام شوف الناس بتشكر في ايه وبتزم في ايه
طيب مين الاحسن توشيبا ولا dell
توشيبا فيه ميزة رهييييييييييبة اوى اوى
ان بطاريته كبيرة وجميلة ونازل فيها خلايا كتير
توشيبا حلوة وhp جميل برده
انا معايا لاب hp من سنتين ونص كنت شارية ب 7 الاف :Copy of majd(4):
كان هارد 160 ورامات 2 جيجا وكارت شاشة 256 وبروسيسور 2 كاش 4 ميجا وشكلة الخارجي كويس جدا جدا
المهم وبصراحة ماشاء الله علية مكفيني من كل حاجة وخاصة شغل ال design وال simulation بتاع الكليه عندي وكمان ال games شغالة فيه كويس جدا جدا انا مشغل علية GTA IV وممتازه عليه ومابتقطعش ولا بطيئة والبطاريه في حالة الاستخدام العادي بتقعد ساعة ونص الى ساعتين
في الالعاب ممكن ماتكملش ساعة الا ربع
كمان hp نزلت تصميمات جديدة كمان وشكلها تحفة بس ماعرفش الاسعار الجديدة
شكرا علي ردودكم ياشباب_الاختيار حاليا بين hp&dell ايه رأيكم؟
الاتنين كويسين جدا
والتوكيلين بتوعهم ممتازين جدا جدا جدا
hp ليها support جادمد جدا على الانترنت والموظفين بيفيدوك قوي لو كنت عاوز تعمل ايه .. انا كان اللاب بتاعي جاي ب vista وانا مابحبهاش خالص عشان كانت واخدة مساحة كبيرة من الهارد المهم كنت عاوز اركب XP عشان كمان عندي برامج للكليه مابتشتغلش الا على XP وبالرغم ان دي مش مشكلتهم الموظف بتاع الدعم اداني كل التعريفات لل XP واداني باتش عشان الساتا
وقال لي بالخطوات اعمل ايه
خامات ال HP افضل من ال dell
برضه روح شوف الموديلات اللي انت عاوزها وقرر بنفسك
نصيحه
قبل اما تقرر هتشترى ايه
شوف للموديلات اللى انت حاططها فى دماغك ريفيوهات على المواقع الاجنبيه
لان بعض الاجهزه بتبقى مشهوره ببعض العيوب فلشركه تنزل سعرها
الموقع دا ممتاز
www.pcmag.com
http://www.pcmag.com/category2/0,2806,9,00.asp
لو عايز مستعمل عندي توشيبا كور 2 ديو استخدامه قليل جدا
برسيسور 1.83 رامات 1 جيجيا اب تو 4 وايرلس بلوتوث كاميرا 1.3
هارد 160 جيجا بطاريه بتقعد ساعتين ونص كارت شاشه 512 بيلت ان
عايز ابيعه على 3100 جنيه وبنضافة الجديد وممكن نخدو محل صيانه
يقولك مفتوح ولا لا وايه حالته بالظبط
شكرا ليكم ياشباب علي ال support الجامد ده_ZXR شكرا ليك بس انا كنت بدور علي امكانيات اعلي _لايزال سؤالي للي جربوا HP&DELL ترشحولي ايه وايه عيوب ومميزات كل شركة من حيث التقفيل والمشاكل اللي ممكن تكون موجودة فيهم؟
الحمد لله تم شراء لاب توب hp pavillion dv6 1215 ee
intel core 2 du,2.5 giga
hard 500 giga
4 giga ram
1 giga vega
wifi,bluetooth
wed cam 1.3
card reader
remote control
vista home
شكرا لكل اللي ردوا وتحت امركم في اي استفسار
الف مبروك , ياريت السعر و جبتوا منين ؟؟
الله يبارك فيكاقتباس:
المشاركة الأصلية كتبت بواسطة ignition
السعر 6175 وده اقل سعر وصلناله لو ناوي اسأل في كذا مول لأن الاسعار بتتفاوت جامد_يعني سمعت 6800_6400 بس ساعة الجد الكلام بيختلف وانت وشطارتك
المكان مول في شارع جامعة الدول
ابعد عن الايسر نصيحه اخ خامات ضعيفه ومش قويه ومش عملي ومن اقل استخدام مبيستحملش
الف مبروك انا لسه شاري الجهاز ده بس علي 6250 وفعلا جهاز ممتاز جدا
مبارك علينا احنا الاتنين_هو الجهاز فيه بصمة؟واخبار السخونية معاك ايه؟اقتباس:
المشاركة الأصلية كتبت بواسطة mina87
لا هو مافيهوش بصمة وفعلا ملاحظ انه بيسخن زيادة بس بصراحة معرفش اذا كان كده عادي وللا لأ؟؟؟
لاني ماتعملتش مع لابتوبات قبل كده بس عموما انا بحاول استخدمه علي ترابيزه مش علي رجلي (زي ما الكاتلوج بيقول علشان ما اسدش فتحات التهوية )
بس كنت عايز اسأل حضرتك البطاية بتقعد معاك اد ايه ؟؟؟؟
انا عندي بتكون حوالي ساعتين واستخدامي بيكون افلام ونت وعامل ال power plan علي power saver
يا تري ده كده معدل كويس ؟؟؟؟؟؟
السخونة كانت مقلقاني فعلا بس ده نتيجة ان الفتحات من تحت مش متهوية_فيه حاجة زي حامل كده بيتحط عليها اللاب بحيث ترفعه شوية وتهوي الفتحات وفيه مراوح لزيادة التهوية_السخونة بلاحظها اكتر مكان الماوس اعتقد ان ده مكان كارت الشاشة_البطارية تقريبا نفس الوقت عندي
فعلا انا بلاحظ ان السخونية بتبان اكتر من عند الماوس خصوصا مع التشغيل وقت طوبل
وشكرا لحضرتك طمنتني علي البطارية
يافندم انت تأمر_بس عايز اسألك عن انطباعك عن الجهاز_ايجابيات وسلبيات
هو بصراحة انا مشفتش والحمد لله اي سلبيات فيه والايجابيات كتيراقتباس:
المشاركة الأصلية كتبت بواسطة tabeb
انا دورت في ديل مالقيتش حاجة بالامكانيات دي وكمان الdesign الجديد بتاع hp حلو جدا
وكمان علي فكرة الموديل ده انا شفته في موقع hp في امريكا وكان تمنه 1114 دولار يعني تمنه في مصر مناسب جدا لاني انا كنت ناوي اشتريه من امريكا
بس كان المفروض يحطوا فيه بصمة :36_7_4[1]:
هي دي اللي ناقصاه بصراحة بس عموما بقية المواصفات بتغطي علي الموضوع ده
بصراحة مميزاته كتيراقتباس:
المشاركة الأصلية كتبت بواسطة mina87
لو تاخد بالك هتلاقي في الكتالوج مرسوم وعليه بصمة بس واضح ان ده version تاني
بصراحة مشكلته الحالية اني حاسس انه تقيل شوية
ممكن الواحد ياخد وقت علي ما يتعود عليه
هو فيه كارتtv؟
وهل ممكن يتضاف؟
هو فعلا وزنه زيادة حبتين وانا كنت عايز حاجة اصغر من كده شوية بس مالقتش كلها مواصفات تعبانة اوي في امريكا بتعمل customization بمزاجك تختار موديل شاشته مثلا 14.1 وتحط البروسيسور والهارد والحاجة اللي انت عايزها كانك بتجمع كومبيوتر بالظبط
وهو مافيهوش كارت tv بس بصراحة مش عارف بيتضاف وللا لأ
السلام عليكم
بالنسبة للسخونة فى أجهزة Hp ده عادى و تقريبا كل الناس ألى أعرفهم و معاهم Hp بيشتكوا و واحد فى Virgin قال أن تقريبا كل الناس بتشتكى من السخونة يعنى ده عادى
و ان شاء الله مفيش قلق
شكرا ليك يا استاذ محمداقتباس:
المشاركة الأصلية كتبت بواسطة mohamedfadel5