استأذنكوا فى اى حد عنده فكرة عن جهازة الانذار عن طريق الموبيل الاسمه Call Car البيتباع عند محل GO في الماظة، ايه هي امكانياته؟؟ و هل هو 2 way ولا 1 way يعني ممكن لو حد فتح العربية تتصل بيا علي الموبيل ؟؟
و هل الجهاز ده بيتباع في مكان تاني؟؟
عرض للطباعة
استأذنكوا فى اى حد عنده فكرة عن جهازة الانذار عن طريق الموبيل الاسمه Call Car البيتباع عند محل GO في الماظة، ايه هي امكانياته؟؟ و هل هو 2 way ولا 1 way يعني ممكن لو حد فتح العربية تتصل بيا علي الموبيل ؟؟
و هل الجهاز ده بيتباع في مكان تاني؟؟
لو باسم الماركة دى وفى علبة زرقا وصناعة مصرى وعبارة عن علبة معدن جواها موبايل ومعاه خط فودافون يبقى بيتباع فى مودرن موتورز توكيل نيسان وسوزوكى ب 600 جنيه
هوة بيبيعه بكام
مش متأكد، بس غالباً ب 1400 جنيه،
و عندك فكرة عن امكانياته؟؟
ممكن نمرة او عنوان محل Go اللي في الماظة
Go for car Accessories 0121739549
و ده اللينك بتاعه علي الفيس بوك وفيه العنوان
http://www.facebook.com/groups.php?r...gid=5125742449
لو عرفت حاجة عن الجهاز يارات تؤلنا
1400 جنيه ايه
فى مودرن موتورز ب 600 جنيه
وانا من شهر سالت المحل ده فى التليفون قاللى اللى عندى صينى ب 1000 جنيه
ممكن نمرة او عنوان محل مودرن موتورز ..............
و لو حضرتك يا استاذ احمد تعرف حاجة عن امكانيات الجهاز نورنا يبقي لك الف شكر، اهم حاجة عندي يبقى 2 way عشان لو طلع 1 way يبقي اي جهاز عادى احسن منه.....
مش فاهم معلش حتة 2 way او 1 way دي
انا الجهاز دا انا شوفته عند جاري مركبه في العربيه و جربته كمان
هو عباره عن جهاز انذار عادي بس بدل السرينه جهاز موبيل و بتشتري خط و تحطه في الجهاز و بتسجل علي الجهاز ده نمرتك فبدل ما السرينه تضرب لأ الجهاز حيتصل بالنمره الوحيده اللي متسجله عليه اللي هيا نمرة حضرتك و لو لاقدر الله العربيه اتسرقت كلها بتتصل علي النمره اللي في الجهاز فالجهاز بيقوم بفصل دائرة الكهرباء عن العربيه و العربيه بتقف تمام و مش بتدور تاني الا لما حضرتك تعمل للجهاز ريسيت عن طريق زرار مستخبي في العربيه انت اللي عارف مكانه بس و بعدين تقدر تحدد مكانها عن طريق شبكة المحمول اللي تابع ليها الخط اللي في الجهاز
وانا جرتب الجهاز بالفعل
بس الاختلاف ان جاري قالي دا اختراع واحد مصري و اسم الشركه اسمها الشركه الالمانيه و كان سعر الجهاز 650 جنيه و الجهاز صناعه مصري 100%
1 way : يعني الجهز يستقبل و الريموت يرسل زى اجهزة الانذار العادية (SUN-I, SUN-IV, ..............)اقتباس:
مش فاهم معلش حتة 2 way او 1 way دي
2 way : يعني الجهز و الريموت الاثنين فيهم ارسال و استقبال، مثلاً لو حد فتح العربية الجهز يبعت تنبيه عع طريق الريموت الهيبقى معاك او لو كان الجهاز بيستخدم تكنولوجيا الموبيل يبقي هيتصل علي رقم متسجل فيه و الانواع دي خطيرة عشان لو راكن العربية بعيد و طبعاً هيكون صعب تسمع السرينة....
لكن اية حكاية الشركه الالمانيه ؟؟؟ ممكن تجبلنا نمرة التليفون او العنوان عشان نشوف ايه موضوع الجهاز الهايل ده الحضرتك بتتكلم عنه
بعتلك علي الخاص ياباشا :)
وابقي بلغنا بالاخبار بقي حتي تعم الفائده
الف شكر يا استذ وليد، في جهاز كمان عند مودرن موتورز له نفس المواصفات، انا بكره الصبح هتصل بالاثنين و هبلغكم بالاخبار
اتصلت بمودرن موتورز فرع الدقي و لقيت عندهم الجهاز، كلمت مهندس اسمه معتز و هو راجل محترم جداً و عرفت منه المعلومات ده:
1- لازم يكون في جهاز انذار راكب في العربية، و لو العربية فيها جهاز اصلي يبقي لازم تركب جهاز تاني.
2- call car عباره عن جهاز موبيل و دائرة كهربائية و في اتصال بينه و بين جهاز انذار العربية، عشان كده جهاز الانذار الاصلي مش هينفع لانه هيكون صعب نوصل بينه و بين call car
3- طبعاً بيركب في الموبيل شريحة و بتشحنله عادي
4- لو حد فتح العربية الجهاز بيتصل بالنمرة المتسجلة عليه، لو ردات هتسمع البيحصل في العربية من الموبيل طبعاً، لو اتصلت علي النمره اللي في الجهاز فالجهاز بيقوم بفصل الكهرباء عن العربيه و العربيه بتقف تماماً و مش بتدور الا لما تعمل ريسيت للجهز عن طريق زرار مستخبي في العربيه، و ده وظيفة الموبيل او الجهاز انه بيخليك تعرف لو حد فتح العربية و كمان يخليك تكلبشها لو لزم الامر،
5- جهاز الانذار هو المتحكم في جهاز Call Car يعني لو جهاز الانذار OFF يبقي Call Car هينام
6- الجهاز صناعة مصرية
6- تكلفة تركيبCall Car لوحده 605 جنيه، و لو هتركب معاه جهاز انذار يبقي 1100جنيه..
مودرن موتورز الدقي - الدقى - 18 ش حسين كمال بجوار مطافئ و مرور الجيزه
تليفون 7605364 / 7605365 / 7605366
ارجو يا جماعة اكون ادرت افيدكم
شكر اياباشا علي المجهود بس انا ليا استفسار جاري مش مبركب جهاز انذار تاني علي فكره هو علي عربيه لانسر بومه و الريموت بتاع العربيه العادي ممكن دي تحويره منهم علشان يطلعوا باكبر فائده و الله اعلم مافي النفوس يعني بس انا متاكد ان جاري مش مركب جهاز انذار تاني
ممكن تبقى تحويره منهم طبعاً، و لو يركب على جهاز العربية الاصلى يبقى عظمة، التليفون مش هيفيد أوى انا باذن الله هروح اشوف الجهاز و توصيلاته و ساعتها كله هيبان، لو ممكن تسألنا الراجل صحبك مركبه ازاى يبقى تمام، و شكراً على النمرة
على فكرة انا اعتقد انه ممكن يركب على جهاز العربية الاصلى و ده لو كان جهاز call car له input واحد ممكن ناخده بطريقة سهلة من سلك السرينة، طبعاً الامور دى كلها هتوضح لما نشوف توصيلات الجهاز على الواقع