ممكن اعرف سعر طقم البلى للعجل الامامى كام وشكرا مقدما
عرض للطباعة
ممكن اعرف سعر طقم البلى للعجل الامامى كام وشكرا مقدما
الأنواع الكويسه من البلى معروفه .....سواء الskf أو الفاج fag الألمانى ............وفيه نوع يابانى برضه كويس جدا ( مش متذكر الأسم ) ............ومدى أسعار الأنواع دى .....حيكون فى حدود 200 ج للبليتين .............وشارع معروف بوسط البلد ( فيه كل أنواع البلى ) وهناك كمان توكيل فاج
كنت كلمت حضرتك قبل كده على مشكله الفتيس اللى عندى وحضرتك قولتلى على بليه الدرك النهارده روحت مركز صيانه دايو وطلع معايا الميكانيكى وجرب وبعد كده روحنا المركز ورفع العربيه وجرب العربيه وبعدكده قالى العربيه محتاجه طقم بلى امامى و2 لتر زيت فتيس ايه راى حضرتك فى الكلام ده
ياريت تكون كده يبقى من حظك ..........والبلى أمره سهل .....ولا فتيس ولا غيره .........وكلامه وارد برضه ....لأن ممكن فى المنطقه دى (ألاماميه ) يحدث معاك تداخل فى تحديد مكان أى أصوات ......ولهذا يمكنك الـتاكد من صدق كلامه بعمل ترصيص على مكنة الأتزان ......كنوع من الأختبار لتحديد وضع البلى (لكى تضع يدك على حقيقة الأمور ) عيب بلى ولا عيب فتيس .........وحيبان مع الترصيص .............بس هو كلامه مش تمام فى موضوع زيت الفتيس (لأن الفتيس بياخد 1.8 لتر زيت بس............يبقى أزاى ناقص 2 لتر )............فكده رأيه برضه مشكوك فيه
أنا حاولت أضيف كلام تانى بس ملحقتش بخصوص الزيت ( يمكن قصده حيغير زيت الفتيس مش حيزود ) وكده الكلام على الزيت حيبقى معقول برضه ...........2 لتر من 1.8 مش فارقه أوى (على أساس أن حيغير الزيت كله بتاع الفتيس )
باشا هوه مقليش ان الزيت ناقص هوه عاوز يغير الزيت بتاع الفتيس عشان اللى فيها 140 مش 90 حتى انا استغربت اول ما كلمنى على الزيت قالى ان المفروض اللى فيها يبقى 90 مش 140 من غير ما اعرفه النوع اللى فيها
أنا برضه لحقت الكلام فى التعليق اللى قبلك وأخدت بالى من مقصده .....وده رد لى على أحد الزملاء بقسم الورشه بالمنتدى عن الوضع العام لزيت الفتيس ( وأمتى أستخدم ال90 أو ال 140 )...........اقتباس:
زيت الفتيس المانيوال عامة ......بيوصف عندنا تحت مسمين أما زيت 90 أو زيت 140 وطبعا ده مرتبط بحالة الفتيس والبوش بين التروس وبعضها فمثلا
- حينما تكون حالة الفتيس تمام بيوصى بأستخدام زيت بالدرجه 90 لضمان نعومة الأداء وعدم التأثير على قدرة المكنه الى حد ما بالأضافه الى وفرة البنزين والسحب وخلافه .............._ حينما بيحدث تقادم للفتيس الى حدا ما بسبب التشغيل الطبيعى والعمر الأفتراض ( الفتيس قدم خلاص والتروس بوشت الى حد ما ) فى الحاله دى بيتم أستخدام زيت 140_ فى لغة الهندسه بيطلق على البوش بين التروس عامة back lash
أى خلوص خلفى بين التروس وبعضها بين السنتين قبل خبطة تحميل أسنان الترس القائد على أسنان الترس المنقاد ......................المهم- الشركات المنتجه لزيوت التروس بمصر هى كالآتى ............1- زيت التعاون للتروس s.ep hd 140 &90
2- زيت تروس موبيلو hdمن أنتاج شركة موبيل .....وأكيد بالدرجتين 90 & 140 .............
3- زيت تروس gxمن أنتاج شركة أسو .............
4- زيت تروس هيبويد hdمن أنتاج شركة مصر للبترول ......
5- زيت تروس سبيراكس aمن أنتاج شركة شل .........
6- زيت تروس ثيوبان متعدد الأغراض epمن أنتاج شركة كالتكس ......
..... وبناء عليه يمكنك أختيار أحد الشركات ذات السمعه الطيبه والأكثر شهرة والشراء منها ......مع ملاحظة أن سعة الفتيس المانيوال للنوبيرا هى 1.8 لترا..............
أتمنى أن تجد فى هذا الأقتباس ردا لسؤالك الأخير ...........عن متى نستخدم ال90 أو ال 140
واللهى لو طلع كلامه صح بخصوص البلى ومطلعش الفتيس زى ما كتير قالولى يبقى الراجل ده بيفهم وانا اساسا روحت المركزده على سمعته الكويسه واسعاره تعتبر معقوله على حسب كلام صديق ليا وشكرا على ردودك يا بشمهندس
بالتوفيق أن شاء الله
ما أنا قلتلك ما تستعجلش في موضوع تغيير الفتيس ال كنت عايز تعمله من غير ما تبحث جيدااااااااااا