الجزء الثانى (Jisso82 استلم البيرسونا النهارده الحمد لله)

**jisso82** · 11-07-2009 08:10 PM

أعزائى مشاهدى قناة بروتون الفضائية
ننتقل الآن لفيلم السهرة الذى طال انتظاره حتى زهق البطل و اتشوى بنار 44 درجة مئوية فى التوكيل

"jisso82 استلم البيرسونا النهارده الحمد لله"

فيلم الموسم و كل موسم بطولة نجم الجيل
Ayman_52

و البطل الأوحد و الأكبر و الأكرم للجزء الثانى بحضور طاغى المتميز دائما
Amecath

و الفنان القدير خالد الذكر
أبو مريم

و حضور متميز لضيف الشرف و العضو البروتونى الجديد اللى حجز النهارده
أستاذ/ جودت

نيجى بقى للجد
الحمد لله على استلامى العربية و بشكر أيمن جدا اللى تعب معايا بقاله أكتر من شهر و راح معايا التوكيل فى كل مناسبة عوزت حتى أسأل فيها على حاجة هايفة و كان بييجى ياخدنى من عند بيتى بالعربية و يرجعنى تانى

و بشكر أستاذ أسامة ربنا يباركله يا رب على تعبه معايا النهارده و هو جه مخصوص عشان يكشفلى على العربية و بعتذر له على الوقت الطويل و الحر اللى استحمله عشانى

فى التوكيل لحد ما جت العربية. و بشكر كمان الأستاذ أبو مريم اللى إدانى عربيته الجين أسوقها عشان أتعود على سواقة البروتون المانيوال

قبل ما استلم عربيتى و بشكره أكتر على البيبسى اللى جابهولنا و اللى أنقذنا من الموت فى الصحراء دى.
و شكر آخر للأستاذ محسن صالح على الرغم من طول مدة الانتظار و التكييف البايظ و درجة الحرارة الفظيعة بس برده الرجل تعب معانا و وفى بوعده فى الخصم و جابلى فى النهاية اللون اللى نفسى فيه.

و بجد بشكر كل أعضاء المنتدى الجمال اللى شجعونى و نصحونى أجيب العربية دى و كل الناس اللى شاركت برأيها فى أى استفسار سألت عليه و جاوبوا بأمانة و بحب و بدون أنانية أو تضليل
جزاكم الله كل خير

و هنا العنوان اللى كان أيمن خايف منه
"استلمت البيرسونا و أشوف وشكم بخير"

طبعا ده العنوان اللى طول عمره أيمن متوقعه منى و خايف منه بس أنا بطمنه و بطمن الناس كلها و برد كلكم بلا استثناء ليكم فى رقبتى جميل لازم يتردلكم بجد و للناس الجديدة اللى عايزة تشترى و ربنا يقدرنى إن أرد جزء من اللى عملوه الناس هنا معايا و أكون عضو بروتوناوى مفيد لباقى الأعضاء إن شاء الله.

العربية بيرسونا مانيوال ميتال جراى هاى لاين ماشاء الله قمة فى الجمال و الروعة سواء شكلا أو أداءا

طبعا أنا جربتها بس مسافة المشوار من التوكيل لحد البيت و أنا ساكن فى المهندسين يعنى مش مسافة قوية أنا لسه مستغربها شوية و مش متعود على سواقتها لكن واضح إنى إن شاء الله مش هتعب معاها كتير

ربنا يباركلى و يباركلكم كلكم فى عربياتكم و يحفظهالكم و يحفظكم شرها و إن شاء الله أنزل الصور قريب و تقرير مفصل شوية عن انطباعى عن كل حاجة فيها

**Ayman_52** · 11-07-2009 08:26 PM

مبــــــــــــــــــــروو وووووووووووووووووووووووو

ووووووووووووووووووووووووو وووووووووووووووك

الف الف مبروووووووووووووووووووك ياهيثوم

وبجد انا كتير فرحان لان الناس بدات تستلم ...

وانت كنت اول واحد يستلم بيرسونا مانيوال هاى لاين تبع الدييل

وعقبــــــــــال الباقــــى

ربنا يباركلك فيها يارب ويحفظهالك ويكفيك شر الطريق

-----------------

وعاوزين نشوف مشاركاتك الجامده .... وعاوزين عروض

اشطـــه

مبروك ياهيثـــوم .... وعقبال الباقى ... وبروتون تزيد -يوم ورا يوم ورا يوم ورا يوم ورا يوم ورا يوم ورا يووووووووووم-

مبـــــــــــــــــــــــ ــ

ـــــــــــــــــــــــــ ـــــــــــــــــ

ـــــــــــــــــــــــــ ــــــــــــــــــــ

ــــــــــــــروووووك

**didooo1** · 11-07-2009 09:37 PM

ألف مبروك .. ربنا يديك خيرها ويكفيك شرها ...
إزيك يا أستاذ أيمن .. بأسمع عنك كل خير في المنتدى.. ربنا يجعله في ميزان حسناتك..
كنت عايز أسأل حضرتك ... هو تخفيض الثلاث آلاف ممكن على الشراء من بضاعة جاهزة ولا لازم أحجز وأستنى الفرج حسب مزاج التوكيل؟
أنا بأتكلم عن موديل 2009 .....

**hanyetsh** · 11-07-2009 09:42 PM

مليون مبروك يا هيثم وربنا يباركلك فيها ويكفيك شر الطريق والله بجد انا فرحانلك موووووووووت وايمن ده يا جماعة بجد الواحد مش عارف يعمل معاه ايه هو وكل اعضاء بروتون المحترمين وادعولى استلم على خير انا كمان

**gagareen** · 11-07-2009 09:54 PM

مليــــــــــــــــــــــ ـون مبـــــــــــــــــــــرو ك
ربنا يديك خيرها ويبعد عنك شرها وتتربى فى عزك

احسن حاجه ان كل البروتوناويه بيساعدوا بعض

تحياتى للجميع

**Ayman_52** · 11-07-2009 10:07 PM

المشاركة الأصلية كتبت بواسطة didooo1

ألف مبروك .. ربنا يديك خيرها ويكفيك شرها ...
إزيك يا أستاذ أيمن .. بأسمع عنك كل خير في المنتدى.. ربنا يجعله في ميزان حسناتك..
كنت عايز أسأل حضرتك ... هو تخفيض الثلاث آلاف ممكن على الشراء من بضاعة جاهزة ولا لازم أحجز وأستنى الفرج حسب مزاج التوكيل؟
أنا بأتكلم عن موديل 2009 .....

ياباشا ربنا يكرمك

هو حضرتك عاوز تحجز ايه ... وهو التخفيض اكبر من كده بالف

لو حضرتك مستعد ان شاء الله وجاهز ... ممكن احاول اخليك تستلم على طول

ياريت بس تقولى حضرتك هتخلص كاش ولا تقسيط ... جين ولا بيرسونا

وان شاء الله الخير لحضرتك يكون

وانا تحت امرك فى اى استفســــار

تحيــــــــــــــــــــــ ــــــــــاتـــــــــــى

**ms077** · 11-07-2009 10:45 PM

ألف مبروك عليك وربنا يبارك لك فيها

وعلي فكرة ..دي أخلاق أ/ أيمن دينامو المنتدي البروتوني مش حاجة غريبة عليه

وهو بيكون سعيد بجد لما البروتوناوية بيحققوا أحلامهم

**hantu** · 11-07-2009 10:46 PM

ما شاء الله يا أيمن باشا انت فعلا انسان محترم أوي
انت نبضة بروتون في مصر! والله لو تتحول إلي ماركة تانية بروتون حتخسر كتييير.
لازم تكون سفير بتاع بروتون!

تحياتي

**MuhammedSoliman** · 11-07-2009 10:55 PM

يا سيدى الف مليون مبروك عليك العربية وعلينا انضمامك فريق النمور الأسيوية وربنا يبارك فيها ويكفيك شرها.......... ومتروحش بقا المنتديات التانيه لوحدك عشان احنا مطلوبين شويه
اما بخصوص المون فطبعا محدش يقدر يشكره خالص لأنه مش هيوفيه حقه ( هو مين اللى راكب العربية يا مون )
واعضاء المنتدى هنا كلهم زى الفل ربنا يكرمهم يارب

تحياتى الخالص وتهانينا

**didooo1** · 11-07-2009 11:16 PM

المشاركة الأصلية كتبت بواسطة ayman_52

ياباشا ربنا يكرمك

هو حضرتك عاوز تحجز ايه ... وهو التخفيض اكبر من كده بالف

لو حضرتك مستعد ان شاء الله وجاهز ... ممكن احاول اخليك تستلم على طول

ياريت بس تقولى حضرتك هتخلص كاش ولا تقسيط ... جين ولا بيرسونا

وان شاء الله الخير لحضرتك يكون

وانا تحت امرك فى اى استفســــار

تحيــــــــــــــــــــــ ــــــــــاتـــــــــــى

خصم أربعة ألاااااااااااااف !!!!!!!!!!!!!
يا باشا مش عارف أقولك إيه؟ ربنا يبارك لك ...

بص يا أيمن باشا ... أنا ناوي أخلص كاش إن شاء الله ... بيرسونا هاي لاين أوتوماتيك .. اللون (مش عارف لسه) بس شوفت لون على الجين تو ممكن يكون إسمه كوفي على ما أعتقد .. لو موجود في البيرسونا يبقى كويس

أنا بس وقت شراء البيرسونا مش محدد عندي لأنه معتمد على بيع الشاهين 1400 اللي معايا ... أنا لسه عارضها للبيع من 5 أيام (عايز سعر كويس يساعدني في شراء البيرسونا) .... أول ما أبيع إن شاء الله أكون جاهز ...