حاجة محيراني ...الإسعاف الجديد ليه "جمرك الإسكندرية" ؟؟؟

**د-احمد عبد اللطيف** · 13-07-2009 02:41 AM

المشاركة الأصلية كتبت بواسطة josephedward

شوف سعادتك.... الكلام اللي هاقوله دة على مسئوليتي الشخصية ولو حد سأل هانكر طوالي !!!!
انا طبيب بوحدة صحية في الصحراء وجنبي نقطة إسعاف بها 3 سيارات vw من دول....
في توم بالليل لقيت عربية bmw داخلة عليا الوحدة ونزل منها 2 رجالة في الخمسينات شكلهم نضيف جدا ويخض....
عرفوني بنفسهم، طلعوا ضباط في المخابرات العامة.... قعدنا نحكي شوية واكتشفت التالي:

1-العربيات دي اشترتها المخابرات العامة على نفقتها الشخصية.... وليست ملك لوزارة الصحة...
2-تم فصل وزارة الصحة عن السكان...
3-تم فصل الإسعاف وجعلها هيئة مستقلة... وحتى الهيئة مازالت لا تملك السيارات....
4-دول 60 سيارة و هاييجي زيهم تاني لسة.... (انا مش فاكر الرقم بالضبط علشان كنت لسة مخضوض من الموقف أصلا)
5-السيارة الفارغة = 14.000 يورو ... وبعد تركيب الأجهزة الطبية وصلت 70.000 يورو....
6-كل السيارات من ألمانيا طبعا وعلى حد قول الضابط : "احنا طلعنا ........* الألمان علشان ناخدهم بالسعر دة!!!".... وفي اعتقادي دخلوا من ميناء الأسكندرية وبالتالي كلهم جمرك الإسكندرية....
معرفش في حاجة من دة تفسر كونهم مازالوا جمرك ولا لأ.... بس حبيت أحكي اللي حصل بالضبط !!!

انا ركبت العربيات دي وسقتهم ومش قالدر أوصف النعومة والباور التحفة والسرعة اللي بتوصل 190 في ثواني والموتور الديزل اللي مالوش صوت... أكتر حاجة عجبتني انهم شايلين السماعات منها... يعني الاخرام الكتير بتاعة السماعات موجودة في الباب لكن وراها مفيش سماعة.... وبعدين اكتشفت ان مستحيل حد يفكر يشغل كاسيت في الاسعاف مهما كان زهقان :-)

وحدة صحية في الصحرا و بالليل
و مخابرات و قعدنا ندردش
ماشي
تسوق سيارة اسعاف وانت لسة في التكليف صعبة احنا على ايامنا كان لازم تكون نايب سنيور قبل ما يخلوك تضرب السرينه
و كمان بتجيب 190 في ثواني برضة ماشي
انما مافيهاش كاسيت وشايلين السماعات لا دي بقى وسعت منك قوي :b4_237:
بس انا عندى سؤال هما بتوع المخابرات بيعملوا ايه في الصحرا بالليل

**josephedward** · 13-07-2009 05:53 AM

المشاركة الأصلية كتبت بواسطة د-احمد عبد اللطيف

وحدة صحية في الصحرا و بالليل
و مخابرات و قعدنا ندردش
ماشي
تسوق سيارة اسعاف وانت لسة في التكليف صعبة احنا على ايامنا كان لازم تكون نايب سنيور قبل ما يخلوك تضرب السرينه
و كمان بتجيب 190 في ثواني برضة ماشي
انما مافيهاش كاسيت وشايلين السماعات لا دي بقى وسعت منك قوي :b4_237:
بس انا عندى سؤال هما بتوع المخابرات بيعملوا ايه في الصحرا بالليل

براحتك... مش عايز تصدق ماتصدقش... دة شيئ يرجعلك !!!!!
وانا ماقلتش اني سقتها على الطريق.... انا سقتها يادوب قدام الوحدة...
واللي جاب ال190 دة السواق طبعا وانا كنت راكب معاه ومعانا حادثة !
وانا لسة راجع النهاردة من رأس غارب للزعفرانة بيها وكنا ماشيين 160 بالعافية... ودة عشان اتجاه الرياح في وشنا... واللي مش مصدق دي كمان يروح يسوق على الطرق دة... انا بالسوزوكي سويفت 94" 1300 cc مابعرفش أعدي ال 100 على الطريق دة... في حين ان الطريق الرايح (الزعفرانة - غارب) بيبقي سلس جدا"

لما تبقى طبيب وحدة صحية في وسط الصحرا... بينك وبين أقرب مستشفى أو حتى وحدة 117 KM للسويس أو 97 Km لرأس غارب أو الله أعلم كام Km للكريمات... هاتعرف ايه اللي بيجيب الناس دي عندنا.... كل اللي مسافر وبيتعب أي شوية تعب بسيط و مش معاه أدوية بيركن عندنا يصدر قفاه انشالله في انصاص الليالي.... عشان يصحي العبد لله أو أي واحد من ال2 الدكاترة اللي معايا على صداع ولا مغص ولا حتى حباية في صباعه مجنناه من شهر ولسة فاكرها دلوقتي.....
ومش هاينفع أقوللك الإتنين دول ركنوا عندي ليه علشان واضح في كلامك مبدأ إن أنا بكدب... فبالتالي كدة كدة مش هاتصدق !
وادخل اي عربية من دول واتأكد بنفسك.... والولاعة كمان متشالة.. !!! والكلم دة في ال3 عربيات اللي عندي.... 2 بيباتوا و واحدة بتروح الدير وبيبدلوا كل 12 ساعة...

وعموما انا عندي فيديو مصوره بالموبايل وانا بضرب السرينة... !!! يا بتاع النايب السينيور !