ويندوز فيستا اللي موجود علي اللابتوب

**zakiali** · 11-07-2009 09:02 PM

اشتريت لابتوب ايسر من قريب وعليه ويندوز فيستا النسخه الأصليه بس مش معاه السي دي الأصلي والسيريال بتاعه مطبوع اسفل الجهاز ولما سألت قالي أصل النسخه دي حاجه اسمها auto recovery يعني مش بييجي معاها اسطوانات .

طيب دلوقتي لو حيبت افرمت الهارد أو أقسمه لأنه جاي حته واحده الويندوز هيضيع ؟ ولا أجيب اي نسخه فيستا وادخل السيريا بتاعي ولا أيه العمل ؟

مشكورين شباب .

**aboelnagah** · 11-07-2009 10:11 PM

لا ياباشا الهارد مش حته واحده الهارد عاوز يتقسم من غير ماتيجى جمب الويندوز بتبقى الجزء الباقى من الهارد تعمله بارتشن تانى فقط لا غير وممكن تقسمه تانى

**elrasy** · 11-07-2009 10:47 PM

الفيستا فى ميزة جميلة جدا انك ممكن تقسم الهارد من غير اى برامج , جرب وادعيلى

**ziours** · 11-07-2009 11:09 PM

ممكن تستعمل برنامج البارتشن ماجيك برنامج حلو في التقسم من غير ماتفرمت وده عن تجربة

**جمال** · 12-07-2009 01:02 AM

ادخل على الكنترول بانل
control panel - Administrative tools - computer manegments - Storage - disk manegments

وقسم براحتك بدون اى تاثير على الويندوز

**Mzeid** · 12-07-2009 03:12 AM

و بالنسبة لل recovery في حاجة اسمها recovery manager تدخل عليها و تعمل recovery disk creation و موجودة في قائمة start و دة في hp مش عارف في في الأيسر و لا لا ..

**dr.nemo** · 12-07-2009 03:39 AM

ممكن تقسمه بدون فورمات
اضغط على بيمين الفارة على My Computer
واختار manege
ثمdisk manegments
وهتلاقي الموضوع سهل جدا ان شاء الله

**nakkash** · 12-07-2009 10:35 AM

أولا مبروك عليك الجهاز وربنا يباركلك فيه وزى ما الأخوة تفضلوا وقالوا إنك ممكن فعلا تقسم الهارد من غير ما تأثر على الويندوز زى ما شرحوا بالظبط بس المشكلة بتكون لما الويندوز بيقع والجهاز بيحتاج ويندوز جديد للأسف اسطوانة الأوتو ريكفرى اللى مع الجهاز هترجعلك الجهاز لضبط المصنع ناصع البياض وحتى تقسيم الهارد هيضيع وده بيحصل مع بعض موديلات اللاب توب زى توشيبا كده وانا بصراحة كنت وقعت فى نفس المشكلة وما قدرتش اتغلب عليها غير بإنى انزل نسخة فيستا من عندى و نزلت التعريفات بتاعته من النت وقسمت الهارد زى ما انا عايز بس فى الغالب السيريال اللى موجود مع الجهاز مش هينفع غير مع النسخة اللى معاه لأنها بتكون نسخة home edition وانا نزلت نسخة vista ultimate

**zakiali** · 15-07-2009 10:20 PM

مشكورين يا أحلي أعضاء في المنتدي : زيورس ، ابو النجا ، نقاش ، جمال ، دكتور نيمو ، كامارو ، نسمه ، الراسي

-

الموضوع: ويندوز فيستا اللي موجود علي اللابتوب

LinkBack

أدوات الموضوع

عرض

-

-

-

-

-

-

المواضيع المتشابهه

إيه اللي ممكن أستفيده من الكمبيوتر اللي موجود في الفلوانس اللي في دراع المساحات ؟

ايه اللي موجود في شنطة عربيتك...

الكلمات الدلالية لهذا الموضوع

المفضلات

المفضلات

ضوابط المشاركة