كورونا ولا بلي عجل خلفي ؟؟؟؟

**Sherifmt** · 11-07-2009 09:30 PM

عندي مشكلة يا شباب بسمع صوت زي ونة او نحرة من العربية من الخلف عند سرعة 70 كم و 90 كم فقط بمعني لو السرعة أقل من او اعلي من 70كم مفيش صوت (فقط لما توصل 70كم علي العداد )وكذلك عند 90 كم يرجع الصوت لكن فوق ال90كم وحتي الأخر 160 كم مفيش صوت

غيرت زيت الكورونا من توتال فالفالين متعدد 90 وبعدين التعاون 140 واخيرا وطنية 185 ونفس النتيجة انا حاسس انها مش الكورونا (او يمكن باتمني )
علشان انا شاكك في بلي العجل الخلفي ممكن؟؟؟ ولو هو السبب لازم نغير للعجلتين ولا ممكن واحدة
ولا هي فعلاً الكورونا !!!!!

دلوني يا شباب
العربية دوجان تركي 1600 موديل 93 عاملة 60 الف كم فقط

مع الشكر للجميع

**M.FOUAD** · 11-07-2009 09:56 PM

هو انا بصراحة مش عارف ممكن تكون اية لكن
لو بلي عجل المفروض يبقى موجود علطول و هتحس بالخشونة في الدركسيون
لو كورونا مادام الزيت بمينقصش و الصوت مش موجود علطول يبقى ان شاء اللة مفيش مشكلة فيها
جايز المشكلة في الفتيس مثلا على سرعة معينة يعني الرابع و ساعة ما تنفل مبتبنش

**samirayad** · 11-07-2009 10:31 PM

سهل أوى تتعرف على العيب منين ............أعمل ترصيص للعجل الخلفى على جهاز الأتزان ......أو كما يطلق عليه الموتوسيكل .....ولو فيه خشونه فى الصوت وقت الأختبار عند السرعات ......يبقى العيب بلى ......طيب لو البلى تمام ............يبقى الكرونه

**أبو إياد** · 11-07-2009 10:41 PM

ولو انت ماشى على سرعه والعربيه واخده غيار دوس على الدبرياج وشوف فرق الصوت لو الصوت بيتمنع بالضغط على الدبرياج يبقى البلى لو مازل موجود مع الضغط على الدبرياج يبقى كرونه ولازم العربيه تكون واخده غيار