حيرة موسو سانج يونج

**darch80** · 12-07-2009 12:02 AM

ياجماعة لو سمحتم ساعدوني انا قدامي عربية موسو سانج يونج ونفسي اشتريها بس مش عارف السعر المناسب ليها
العربية ديزل 2900 سي سي موديل 2007 فابريقة بالكامل ماعدا الكبوت والباب اليمين العربية عاملة 70000كم
الصراحة العربية تحفة وانا نفسي اركبها لكن بعض الزملا خوفوني من قطع غيار هذه السيارة حيث ان انتشارها قليل
الرجاء الافادة عن السعر اللي ممكن اشتري بيه مع العلم ان واحد صحبي قالي انت ممكن بسعر العربية تجيب عربية مشهورة اسمها يعني
بصراحة انا متلغبط واريد نصيحة اعضاء المنتدي الجميل ده

**dr-mohamed** · 12-07-2009 05:10 PM

بص يا سيدي في حدود معرفتي العربية دي من افضل العربيات الكوري وقليلة في مصر لانها شريحة عالية شوية
لكن للاسف الشديد انا مع صاحبك هات عربية تكون منتشرة شوية عشان تلاقي قطع غيارها وبسعر معقول وتكون سهلة لو حبيت تبيعها

انا مثلا كنت هموت في الالفاروميو عربية تحفه مالهاش حل والله من احسن العربيات في مصر راحة وكماليات وعربية بمعني الكلمة
لكن للاسف اشتريت لانسر عشان الاقي قطع غيار وبسعر معقول ولو حبيت ابيعها اعرف ابيعها

للاسف هو ده حكم السوق في مصر

**nicolass** · 13-07-2009 09:11 AM

انا رائى مختلف شوية
هو أحنا قبل ما نجيب عربية نفكر اازاى هنبعيها ؟؟؟؟؟؟؟؟؟؟؟ الا لو هنجيبها للتجارة
لية الواحد ميجبش العربية الى عايزها هو الواحد هيعيش كام مرة
وبعدين يمكن تلاقى المشترى ليها وقت ما تفكر تبيعها ويمكن االعربية المنتشرة متلاقيش ليها مشترى دى ارزاق
بس انا مش هقيد نفسى بعربية عشان منتشرة (دا حتى الانتشار والتكرار وحش..حاجة ممله كدا مفهوش تميز)
دا رائيى بصفة عامة فى الموضوع
مع الاعتبار انى مش بعرف فى ميكانيكا العربيات والكلام دا

**mramzy** · 13-07-2009 09:18 AM

المشاركة الأصلية كتبت بواسطة nicolass

انا رائى مختلف شوية
هو أحنا قبل ما نجيب عربية نفكر اازاى هنبعيها ؟؟؟؟؟؟؟؟؟؟؟ الا لو هنجيبها للتجارة
لية الواحد ميجبش العربية الى عايزها هو الواحد هيعيش كام مرة
وبعدين يمكن تلاقى المشترى ليها وقت ما تفكر تبيعها

بالاضافة الى ان ممكن تلاقى المعجب بيها زى ما انتى معجب بيها بمعنى مش انت بس اللى طريقه تفكيرك فريده
فيه بالتاكيد ناس تانيه نفسها فى نفسى العربيه بدليل انك اهو نفسك فيها
عربيات كتير بنف الالاسلوب مش هتشريها علشان مش هعرف ابيعها
الاهم هاشتريها واعرف اعمل صيانتها واعرف الاقى قطع غيار والا لا
انا رحت شفت العربيه دى زيرو عربيه تحفه جدا جدا
والامان فيها عالى جدا
عموما شوف لو انت حببها ضحى علشان اللى بتبحه
ولو مش حببها يبقى خلاص متشغلش بالك

**darch80** · 13-07-2009 09:58 AM

العربية عجباني جدا وممكن اضحي بس اخبار قطع غيارها ايه في السوق والقيها فين والعربية تسوي كام

**islamnabil** · 13-07-2009 04:36 PM

لازم تسأل بنفسك لان واضح ان مفيش حد معاه العربية في المنتدى
ابدأ بصاحب العربية و اسأله بيجيب قطع غيارها منين و روح اسأل عليها
وطبعا ممكن تسأل في الحرفيين و تشوف
وابقى طمنا

**زكريا عيسى** · 13-07-2009 09:16 PM

المشاركة الأصلية كتبت بواسطة nicolass

انا رائى مختلف شوية
هو أحنا قبل ما نجيب عربية نفكر اازاى هنبعيها ؟؟؟؟؟؟؟؟؟؟؟ الا لو هنجيبها للتجارة
لية الواحد ميجبش العربية الى عايزها هو الواحد هيعيش كام مرة
وبعدين يمكن تلاقى المشترى ليها وقت ما تفكر تبيعها ويمكن االعربية المنتشرة متلاقيش ليها مشترى دى ارزاق
بس انا مش هقيد نفسى بعربية عشان منتشرة (دا حتى الانتشار والتكرار وحش..حاجة ممله كدا مفهوش تميز)
دا رائيى بصفة عامة فى الموضوع
مع الاعتبار انى مش بعرف فى ميكانيكا العربيات والكلام دا

ايه الرومتنسيه دى انت فى مصر ياعمنا ولا انت عايز تخسر الراجل الجلد والسقط

**raouf** · 13-07-2009 09:53 PM

قطع غيار الموتور و الفتيس و التعليق من مرسيدس وهى مش 2900 هى 3200 او 3000 نفس المرسيدس وموجودة كتير المشكلة فى القطع الخارجية بس ودى فى التوكيل . كام السعر المعروض عليك لو تحت 170 خدها وما تفكرش احسن وافخم من الجراند شيروكى