مثبت السرعه عملي ولا ملوش لازمه

**ashraf229** · 12-07-2009 12:14 PM

لازم تتعود على استخدامه و تكون مسافر في طريق فعلا مفتوح مش كل شوية ملف أو حد ييجي قدامك

أنا جربته في سفر بسيفيك من الرياض لمكة المكرمة و جدة و كنت مثبت على 150 بس كل مدة أثبت عشر دقايق و لا حاجة
بس لو العربية مفيهاش خالص مش مشكلة يعني

طول عمرنا عايشين من غيرة عادي يعني.........بس هوه شيء لطيف

**أبو إياد** · 13-07-2009 08:55 AM

فى 2005 كان معايا BMW 520i موديل 90 العربيه كانت مانيوال
ايوه مانيوال وفيها مثبت سرعه

مثبت السرعه كان عباره عن دراع تحت دراع المساحات بيتجه فى اربع اتجاهات

كان بيشتغل لما العربيه تكون على الرابع بحد ادنى سرعه 60كم

المهم كان مثلا اوصل لسرعه 100 ادوس دوسه فى اتجاه الامام كانت العربيه سرعتها تثبت على 100
وكنت اهدى الى مثلا 70 ادوس دوسه فى اتجاه الخلف زى الرعاش كده كده سرعه اتثبتت بس على 70

المهم كده الجهاز سجل عنده اقصى سرعه 100 وادنى سرعه 70
من هنا بقا ماتستخدمش رجلك واستخدم المثبت بالاتجاه لاعلى واسفل
ياعنى لو انت ماشى 70 بمجرد انك ترفع الدراع للاعلى العربيه سرعتها تزيد تدريجيا الى ان تصل سرعتها 100كم وتثبت
والعكس دوسه لاسفل سرعه العربيه تقل الى ان تصل الى 70كم وتثبت سرعتها
ومجرد الضغط على اى من البنزين الدبرياج الفرامل المثبت يفصل

الجميل فعلا فى الموضوع هو لما يكون فى مطلع او منزل العربيه مابتتأثرش بالكلام ده هى ماشيه بالسرعه المحدده ومالهاش دعوه وده اللى خلانى اقلق منه علشان التحميل على الموتور فى المطالع مثلا

بس استخدامه بالنسبالى فى مصر كان فى طريق العالمين فقط

**kingtefa** · 13-07-2009 07:59 PM

مهم طبعا فى الطرق السريعة ده بيريحك يا ريس

**Ahmed Samy** · 13-07-2009 08:20 PM

مش مهم

لكن جميل

ولو اتعودت عليه

هاتضايق لما تركب من غيره

**hanady** · 14-07-2009 02:46 AM

مثيت السرعة منتهى الروعة فى الطرق السريعة و المفتوحة (زى طريق العين السخنة مثلا) تضبطه على السرعة
اللى انت عايزها (120 مثلا فى الطريق أعلاه) و العربية تمشى على هذه السرعة بثبات سواء منخفضات أو مرتفعات. و يبطل لو أنت دست على الفرامل لكى تتحكم فى العربية لو اللى أمامك ماشى بطىء مثلا. كما يمكن تزويد السرعة أو أنقاصها (زرار + و أخر اسفله -) و لو أحتجت تزود السرعة لتعدية عربية دوس بنزين عادى العربية تستجيب و لما تعدى شيل رجلك من على البنزين العربية ترجع للسرعة اللى أنت ضابطها عليها. يلزمك تحريك الدركسيون فقط. أنا أستعمله كثيرا على الطرق السريعة لأنه يريح الرجل من البنزين و الفرامل بس لازم يكون طريق سريع مفتوح مش عليه عربيات كتير. الحقيقة رفاهية رائعة لو جربتها مش ممكن تستغنى عنه.