مشكلة في تكييف الابيزا 98 - المروحة سرعة واحدة ولا اثنين؟؟؟

**Ahmad** · 09-05-2007 12:26 AM

السلام عليكم,

انا كان عندي تسريب في الفريون. و رحت الي واحد متخصص في اصلاح التكييف. المهم غير الماسورة المتسببة في التسريب و شحن فريون.
الكلام ده كان في يوم الجو فيه كان بارد . و لذا اول ما جربت التكييف بعد الشحن طبعا كان زي الثلاجة :)
المهم قفلت علي كده و لم استخدمه لمدة 3 اسابيع بعد اصلاحه. ثم بدأ الحر و بدأت في استخدام التكييف. فوجئت انه لا يعمل بكفاءة. و لاحظت الاتي:
1 - التكييف في وضع الوقوف (idle) في اشارة مثلا, تقريبا لايعمل .بمعني ان الهواء الخارج من فتحات التهوية غير بارد (مع العلم ان الكمبريسور يعمل).
2 - في وضع الحركة و خصوصا علي السرعات العالية يتحسن اداء التكييف بصورة ملحوظة.و يعود لسابق عهده و يخرج هواء بارد جدا. لاحظت ايضا انه في وضع الوقوف لما ازود بنزين علي الواقف (RPM >= 2000) تبدأ درجة حرارة الهواء في الانخفاض و يصبح باردا و لكن ليس مثل حالته في وضع الحركة.

ذهبت لفني تكييف اخر للتأكد من السبب , و قال لي الاتي:
الكوندينسر (سربنتينة الفريون الموجودة خلف الردياتير) درجة حرارتها عالية و لاتبرد بسرعة كافية.
قال لي ان العيب في مروحة الردياتير حيث ان المفترض ان لها سرعتان. السرعة الأولي لتبريد الردياتير . و السرعة الثانية تعمل مع تشغيل التكييف. و المشكلة ان المروحة لا تعمل مع التكييف انما تقوم بدورها مع الردياتير فقط.

انا ول مرة اسمع موضوع السرعتين في المروحة, خصوصا ان الكوندينسر له مروحة مستقلة تعمل مع التكييف.

سؤالي لحضراتكم, هل موضوع السرعتين ده صحيح ولا لا؟
و ان كان احد من حضراتكم تعرض لمثل هذه الأعراض و يعرف ما سببها , فليشارك بالرد و يفيدني افاده الله.

شكرا جزيلا.

**Atef Saleh** · 09-05-2007 08:54 AM

غير ترموستات المروحه و هات ترموستات 3 ريشه

**Ahmad** · 09-05-2007 11:34 AM

شكرا للرد .
بس كت عايز افهم الترموستات ده حيعمل ايه زيادة؟
و هل المروحة كذا سرعة فعلا؟؟

شكرا

**maas** · 01-10-2007 10:36 AM

السلام عليكم

موضوع المروحه اللى بسرعتين ده صحيح تماما بس ... بس عموما فى السيات بتكون اما مروحه واحده سرعيتن او مروحتين واحده للتكييف و واحده لتبريد الراديتاير فلو العربيه عندك فيها مروحه واحده يبقى لازم تكون سرعتين فعلا و لو فى اكتر من مروحه يبقى بتكون سرعه واحده.

**shady_elkady** · 17-03-2008 02:14 PM

اتاكد ان المروحة 3 ريشة و الترموثتات 3 ريشة

**SEATLOVER** · 17-03-2008 03:28 PM

كلام mass و shady مظبوط يا احمد بالنسبة لدرجات سرعة المروحة
بس فى حاجة عندك اعتقد ان دى السبب بعد ما تشيك على موضوع الثرموستات و المروحة ... هى (وحدة الحقن ) ..و دة هايتأكد لو انت حاسس برعشة بسيطة لما تشغل التكييف او انخفاض و ارتفاع ال rpm لوحدة لما يكون التكييف شغال مع قلة السحب و زيادة كفاءة التكييف كل ما تزود ال rpm

نضف وحدة الحقن
ربنا معاك

**Ahmad** · 17-03-2008 05:36 PM

المشاركة الأصلية كتبت بواسطة SEATLOVER

كلام mass و shady مظبوط يا احمد بالنسبة لدرجات سرعة المروحة
بس فى حاجة عندك اعتقد ان دى السبب بعد ما تشيك على موضوع الثرموستات و المروحة ... هى (وحدة الحقن ) ..و دة هايتأكد لو انت حاسس برعشة بسيطة لما تشغل التكييف او انخفاض و ارتفاع ال rpm لوحدة لما يكون التكييف شغال مع قلة السحب و زيادة كفاءة التكييف كل ما تزود ال rpm

نضف وحدة الحقن
ربنا معاك

شكرا علي مشاركتكم يا جماعة.

هو الموضوع طلع أن المروحة مش بتشتغل مع التكييف فعلا . و هي طلعت سرعتين, واحدة منهم مش شغالة و شغلتها خلاص.
موضوع الرعشة دي مش بتحصل الحقيقة , بالعكس لما بشغل التكييف ال rpm بيطلع فوق ال 1 حاجة بسيطة و مبيحصلش أي رعشة.
المشكلة كانت في الحرارة الزيادة علي الكوندينسر.
أحمد