أكشف فين على العربية قبل ما أشتريها

**waleedseng** · 12-07-2009 03:06 AM

أنا مش عارف دا القسم الصحيح للموضوع دا ولا لأ.
أنا قدامي عربية لانسر كسر زيرو في الشيراتون
عايز أكشف عليها قبل ما أشتريها بس للأسف صاحب العربية معندوش وقت يروح التوكيل في قليوب وكمان فرع التوكيل في جسر السويس معندوش حجز غير بعد شهرين !!!!
محدش يعرف مكان كويس أكشف فيه على العربية بس ميكونش بعيد يعني مثلا مصر الجديدة, شيراتون, مدينة نصر

**medo980** · 12-07-2009 10:45 AM

فى بنزينة فى عباس العقاد قريبة من سوق السيارات بس مش عارف فين بالظبط الى اعرفة انها فى عباس العقاد ودول بيرفعو العربية وبيكشفو عليها وعلى اساسيتها من تحت وعلى قوة كبس الموتور والله الموفق

**aYaBooY** · 12-07-2009 11:48 AM

بدام معندهوش وقت يروح التوكيل يبقي سيبك منه خصوصا لو العربية اتوماتيك
علشان في اي بنزينة اخرهم هايكشفوا على الاساسيات عن طريق الرفع و كبس الموتور
لكن مبيكنش عندهم طريقة للكشف عن الحساسات او الفتيس الاتوماتيك او على وحدة التحكم بتاعت العربية