قـــتــل أخـــوه علشان 50 جنيه ..!!!!!!

**Terrible_DaRsH** · 12-07-2009 07:21 AM

اخبار تفرح بجد .

____________

أنهى سمكرى حياة شقيقه بمنطقة فى العمرانية، تبين من التحريات أن المتهم تشاجر مع المجنى عليه لعدم رد مبلغ ٥٠ جنيها، وأنه أمسك بقطعة زجاج وقام بتسديدها إلى بطن الضحية وتركه جثة هامدة.
ألقى القبض على المتهم وأحاله اللواء محسن حفظى مساعد الوزير لأمن الجيزة إلى نيابة حوادث جنوب الجيزة لتولى التحقيق والتى أمرت باستدعاء شاهدى الإثبات للاستماع لاقوالهم وطلبت تحريات المباحث حول الواقعة،
كما امرت النيابة بتشريح الجثة لبيان سبب الوفاة. تجرى التحقيقات باشراف المستشار حمادة الصاوى المحامى العام الاول لنيابات جنوب الجيزة.
بدأت التفاصيل مساء امس الاول عندما شاهد أهالى منطقة المحولات بشارع العروبة حدوث مشاجرة بين ايمن رجب محمد «٢١سنة» سمكرى وشقيقه خالد «٢٣سنة» عاطل، بسبب مبلغ من المال انتهت بمقتل الأخير على يد شقيقه. انتقل المقدم مدحت فارس، رئيس المباحث، والرائد محمد بسيونى، إلى مكان البلاغ،
وتبين من التحريات الأولية أن المجنى عليه كان قد اقترض ٥٠ جنيها من شقيقه منذ فترة، واثناء مطالبة المتهم بردها حدثت مشادة كلامية تطورت الى مشاجرة، استل على إثرها الأخير قطعة زجاج وسدد طعنة نافذة بالبطن أودت بحياة شقيقه.
ألقى القبض على المتهم واعترف امام اللواء على السبكى مدير الادارة العامة لمباحث الجيزة بارتكابه الواقعة واكدت اقوال شاهدى الاثبات صحة الواقعة وتحرر محضر بالواقعة.

**abzoabzo** · 12-07-2009 11:00 AM

ونعم التربية والاخلاق
ولسه ياما هنشوف

**jisso82** · 12-07-2009 01:45 PM

طب الحمد لله 50 جنيه برده مبلغ دلوقتى إنما اللى بيقتلوا بعض عشان باقى ربع جنيه و لا خمسن قرش أنا مش عارف الناس دى دماغها راحت فين

**ayman_elkholy** · 13-07-2009 06:51 AM

لا حول ولا قوة الا بالله . ولا ملايين الدنيا يعوضو الاخ

**AhmedGen2** · 13-07-2009 11:37 AM

مش عشان 50 جنيه ... دى حاجات كتير تراكمت فوق بعضها آخرها كان حدث تافه زى بالظبط البالونة تنفخ فيها وتفرقع من شكة دبوس.

**mazda323** · 13-07-2009 01:36 PM

لا حول ولا قوة الا بالله اى زمن اللى احنا فيه اللى بيقتل الأخ أخوه علشان أي شيء أصبحنا فى أخر الزمان الله يستر علينا وعلى جميع المسلمين

**M.Osman** · 13-07-2009 08:42 PM

مش عارف اقول اية؟؟

البلد دي حلها "قتل" الجهل و التخلف

**Rsarabia** · 13-07-2009 09:56 PM

دى من علامات الساعة يا جماعة

**Bob2009** · 14-07-2009 01:06 AM

عادى ولسه طول ما الناس مش لقيه ولا عارفين يعيشو حتى لو كان على شان اكل وشرب الناس النهرده نفسها فى جنيه تاكل بيه ومش لقيه المشكله مش فى انه قتل اخوه المشكله هو قتله ليه وليه الدم والجريمه كتير وخصوصا كمان ده اخوه !!!!!!
خلاص الاعدام الايام دى على طول اغلب القضايه بيتحكم فيها اعدام والمصيبه ان اغلبها ويمكن كلها بسبب الفلوس
هو الجيل ده الدنيا ملغبطه معاه و زياده كمان عليه ظاهره البلطجه والصياعه وقله الادب حتى على الكبير