عرض للطباعة
انا عندي ماروتى زيرو وعملت بيها أول ألف كيلو الحمد لله ورحت اغير زيت عند واحد فى المنصورة عشان التوكيل فى القاهرة بعيد عليا وحطيت زيت موبيل 1 (10 الاف كيلو) وقاللى ان الفلتر مش لازم يتغير دلوقتي وخليه للمرة الجاية
بس بعدها واحد صحبى حذرني من كدة وقاللي ان الفلتر لازم يتغير للعربية الزيرو مع اول تغيير زيت
وكمان قاللى اني كان كفاية احط زيت 50 الاف لان 10 الاف كتير قوي
مش عارف اتصرف ازاااى
افيدوني يا اهل الخبرة
:_Alshmokh22[1]:
http://img2.imageshack.us/img2/7822/rwwrwr.jpg
أقصد قاللى كفاية 5 الاف مش 10 الاف ..
عادي لو لقيت العربيه ماشيه معاك عادي ومفيش اختلاف عن الاول ومبتسخنش او تحسها بقت مخنوقه وصوتها عالي
يبقى مفيش مشكله وعموما الفلتر عادي يتغير عليه مره كمان عموما متقلقش ومع اول موعد صيانه روح غير الفلتر والزيت
بس متجبش سيرة انك غيرة زيت
هوة كان الأفضل إنك تغير فلتر الزيت طبعا بالمرة لأن العربية لسة أول ألف كيلو زي مابتقول ... لأن المفروض الزيت بتاع أول الف كيلو ده بينزل بالشوائب البسيطة والدقيقة بتاعة عملية تصنيع وتقفيل الموتور عشان كده يفضل تغيير الفلتر معاه
لكن عادي مايجراش حاجة ومالوش ضرر قوي على العربية وممكن تبقى تغير الزيت بعد كده بدري شوية يعني ماتستناش العشرة آلاف كيلو كلهم