| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 3 1 2 3 الأخيرةالأخيرة
النتائج 1 إلى 10 من 23

  1. #1

    الصورة الرمزية nasroo

    رقم العضوية : 14867

    تاريخ التسجيل : 17Jul2008

    المشاركات : 1,113

    النوع : ذكر

    الاقامة : HELWAN

    السيارة: verna2010 a/t

    السيارة[2]: lanos 99 m/t

    دراجة بخارية: no

    الحالة : nasroo غير متواجد حالياً

    افتراضي للي عاوز يتفسح في وسط البلد بالعربية ... - Facebook Twitter whatsapp انشر الموضوع فى :

    hasad">

    قررت امبارح اني افسح المدام ونستعيد ايام الخطوبة الجميلة روحت واخد العربية ونازلين على وسط البلد قلت اقف وية على الكورنيش قدام النيل هيلتون لاقيت صف عربيات واقفين وميكروباص بتاع الشرطة الازرق ده روحت راكن وراه جالي العسكري وبيقول لي يابيه هنا الركن ممنوع قلتله طب ما الناس راكنة اشمعنا يعني قال لي الظابط سايبهم وعارفهم قولتله طيب والميكروباص ده – راح باصصلي حتة بصة كأنه بيقول لي انت مجنون ولا ايه – وقال لي ده شرطة يابيه قولتله طيب ماهي الشرطة اول ناس المفروض يطبقوا القانون المهم عشان ده عسكري ومخه على قده قولت اسيب المكان ده روحت راكن على مطلع الكوبري تخيلوا على مطلع كوبري قصر النيل مش ممنوع وجنب الرصيف ممنوع المهم وقفنا شويه

    وبعدين قولت اعدي الناحية التانية عند حديقة الاندلس بالعربية ونقعد في الجنينة شوية جيت اركن لاقيت 3 لابسين اصفر حاوطوا العربية وبيقولوا لي ده باركن ( = باركنج) خاص بالبلو نايل ولاقيت واحد بيتخانق معاهم عشان يركن قولت اخدها من قصيره واشوف لي حتة تانية انا عاوز اخرج الست وافسحها مش عاوزين نكد المهم بعد كام متر لقيت مكان ركنت فيه وجالي واحد قولتله هنا عادي قال لي اتفضل يابيه سيبها هنا ومتقلقش ودخلنا اتفسحنا في الجونينة ييجي ساعة كده وبعدين روحت عند العربية لقيت الراجل واقف وبيفتح لي الباب كمان روحت مطلعله 2 جنيه قال لي انا عاوز 5 جنيه كمان يابيه قولتله ليه ده انا راكن في الشارع قال لي لا ده مش شارع ده باركن(= باركنج برضه) وفي تذاكر قولتله ده شارع ولا انا راكن في السما يعني قال لي انا هندهلك جنزوري يجيبلك الورق مارضيتش امشي ليفتكر اني خفت من جنوزوره قصدي جنزوري المهم جه ولا قال اي كلمة راح قايل لي خلاص يابيه خد ال2 جنيه وانا مش محتاجهم روحت واخدهم منه وقلتله انا بئا محتاجهم وفركت امريكاني ( ماعرفش جت ازاي مع اني مابعرفش اعملها ) ورحت ماشي

    قولنا ناكل ايس كريم من عند العبد اللي في طلعت حرب وانا قبل المول بتاع طلعت حرب الاشارة وقفت وجه ورايا واحد شايب سايق نوبيرا وجنبه شاب وحاطط ايده على الكلاكس كأنه عيل صغير فرحان بزمارة العيد والاشارة مقفولة بعدين فتحت بس جت ست شايله عيل صغير بتعدي فأستنيتها لما عدت وبعدين مشيت لاقيت جدو اللي سايق العربية عدى من يميني وعرض العربية في وسط الشارع ووقف شويه بعدين مشي انا بئا راعيت اني معايا مراتي بس شتمته جميع انواع الشتايم الممكنة بالكلاكس والاشارات لدرجة ان الواد اللي قاعد جنبه طلع راسه من الشباك وتقريباً كان بيشتممني بس انا كنت قافل الازاز وعمال اقلب له نور ساعتها لو كان طول كنت هضطر انسى ان المدام معايا واسحب له ال electric shok بس كانت ممكن تقضي عليه وهو في سنه ده

    عشان كده اللي عاوز يفسح اهله مايرحش وسط البلد ولو اضطر يروح يبقى من غير العربية ويستحمل رزالة سواقين الميكروباص او زحمة المترو او لو خد العربية مايركنش عند البلو نايل ويشيل معاه ال electric shok
    ودمتم


  2. #2

    الصورة الرمزية amrico

    رقم العضوية : 3484

    تاريخ التسجيل : 29Nov2007

    المشاركات : 2,120

    النوع : ذكر

    الاقامة : مدينة بلا لانسر (بومة) في الشوارع

    السيارة: Daihatsu Sirion 1.3L GLX 2009

    السيارة[2]: BMW 525i 2007

    دراجة بخارية: أحبوش

    الحالة : amrico غير متواجد حالياً

    افتراضي -

    طبعا تجربة سيئة الله يعين حضرتك
    بعد كدا فكر تطلع برة المقبرة اللي اسمها القاهرة او اي مدينة في مصر لأن الشوارع لا تطاق

    [aldl]http://nileup.com/up/uploads/nilemotors_13899410841.jpg[/aldl]


  3. #3

    الصورة الرمزية Ashraf_Ashraf

    رقم العضوية : 16611

    تاريخ التسجيل : 17Aug2008

    المشاركات : 1,294

    النوع : ذكر

    الاقامة : Cairo

    السيارة: لا يوجد

    السيارة[2]: mazda

    دراجة بخارية: لايوجد

    الحالة : Ashraf_Ashraf غير متواجد حالياً

    افتراضي -

    ههههههههههههههههههههههههه ههههههههه
    يامان حد يتفسح فى وسط البلد دى لعنه الله فى ارضه دى لا تتراح لا بعربيه ولا بعجله حتى وبعدين الركن بقى فى كل حته فى البلد
    ضرب من الخيال والله انا بقيت اخرج بالعربيه وطول السكه شايل همها هركن فين وهركن فين لما ارجع
    وربنا يخلى جنزوره وجنزورنا كلنا


  4. #4

    الصورة الرمزية أبو إياد

    رقم العضوية : 25425

    تاريخ التسجيل : 17Nov2008

    المشاركات : 7,576

    النوع : ذكر

    الاقامة : cairo

    السيارة: 1

    السيارة[2]: 1

    دراجة بخارية: no

    الحالة : أبو إياد غير متواجد حالياً

    افتراضي -

    فسحه سعيده بس وسط البلد انا بنزلها مع مراتى بالعربيه من بعد الساعه 2 الدنيا بتكون جميله


  5. #5

    الصورة الرمزية نور القمر

    رقم العضوية : 7138

    تاريخ التسجيل : 08Mar2008

    المشاركات : 8,275

    النوع : انثى

    الاقامة : ..............

    السيارة: .............

    السيارة[2]: ..............

    دراجة بخارية: ...................زز

    الحالة : نور القمر غير متواجد حالياً

    افتراضي -

    انا مجرد ما شوفت عنوان موضوعك لفت نظري بصراحة
    وقلت في نفسي لا اكيد يقصد حاجة تانية من وراء عنوان الموضوع
    هو في حد يرمي نفسه في التهلكة ويسميها فسحة كمان !!!


  6. #6

    الصورة الرمزية M.almaghraby

    رقم العضوية : 29575

    تاريخ التسجيل : 09Jan2009

    المشاركات : 5,234

    النوع : ذكر

    الاقامة : Ismailia city & heliopolis

    السيارة: daewoo juliet 2003

    السيارة[2]: proton persona m/t

    الحالة : M.almaghraby غير متواجد حالياً

    افتراضي -

    يا باشا اطلع عالعبور او الرحاب و قضي وقت كويس و هادي

    [rmade]http://cdn-www.greencar.com/images/alpha-romeo-hot-diesel-sports-car/Alfa-Romeo-Article-Lead.jpg[/rmade]


    You 're beautiful , Its true



  7. #7

    الصورة الرمزية Yarisawy

    رقم العضوية : 4303

    تاريخ التسجيل : 17Jan2008

    المشاركات : 887

    النوع : ذكر

    الاقامة : Cairo

    السيارة: waiting ISA

    السيارة[2]: Yaris 2008

    دراجة بخارية: no

    الحالة : Yarisawy غير متواجد حالياً

    افتراضي -

    يا راجل حرام عليك حد يروح النار برجليه ... زمان حاجة والنهارده حاجة تانيه .... زمان مستعد تروح مع خطيبتك اى مكان حتى ولو الواحات وكله بيبقى حلو على قلبك .... .. تيجى تقول نتفسح وفين فى وسط البلد

    دلوقتى ببقى شايل الهم لمجرد ان هاعدى على وسط البلد .

    ================================

    http://www.cleanmpg.com/garage/images/2481L.png


  8. #8

    الصورة الرمزية Terrible_DaRsH

    رقم العضوية : 17601

    تاريخ التسجيل : 31Aug2008

    المشاركات : 6,564

    النوع : ذكر

    الاقامة : Certainly .. In My House !

    السيارة: NA

    السيارة[2]: Corolla 1.3

    الحالة : Terrible_DaRsH غير متواجد حالياً

    افتراضي -

    الله يلعن وسط البلد من اول متر فيها لاخر متر فيها .

    و الله اخر مرة نزلت فيها كنت مضطر علشان صاحبي بيجيب حاجات و قعدنا نلف علشان نركن و اول ما لاقيت ركنة لاقيت شباب متخلفة تخلف ما بعده تخلف , لاقينا مكان نركن فيه و صاحبي طلع قدام و انا برجعه علشان يحضن كويس , لاقيت واحد حيوان عامل فيها اهبل و داخل يركن هو , وقفت قدامه و قلت له هو انت مش واخد بالك ان احنا بنركن !!! ؟؟؟

    قالى لالا انا واقف من بدرى و مستنى اركن , قلت له طب و احنا مالنا ما عندك الدنيا واسعة .

    للاسف طلع شخص حيوان , و مينفعش معاه الا قلة الادب .

    من ساعتها حالف لو نزلت وسط البلد لانزلها مش قبل الساعة 3 بالليل يكونوا المتخلفين نايمين .


  9. #9

    الصورة الرمزية eng.octooo

    رقم العضوية : 25711

    تاريخ التسجيل : 20Nov2008

    المشاركات : 4,864

    النوع : ذكر

    الاقامة : 6octoper

    السيارة: nissan sunny 2010 ex

    السيارة[2]: renult duster 2014 fo

    دراجة بخارية: nefssssy

    الحالة : eng.octooo غير متواجد حالياً

    افتراضي -

    انت ممكن تنزل باليل متاخر بتكون هادية ويكون عم جنزورى اختفى



  10. #10

    الصورة الرمزية أبو صلاح

    رقم العضوية : 30921

    تاريخ التسجيل : 23Jan2009

    المشاركات : 4,877

    النوع : ذكر

    الاقامة : KSA

    السيارة: kia rio 2001

    السيارة[2]: Lincoln Town Car 2001 4.6

    دراجة بخارية: لايوجد

    الحالة : أبو صلاح غير متواجد حالياً

    افتراضي -

    hasad">

    بص ياباشا انا وقت ما بنزل وسط البلد في مكانين اتنين بركن فيهم مالهمش تالت
    اولا الجراج اللي جنب دار القضاء العالي
    وفيه مكان واسع جدا جنب نقابة الصحفيين



 
صفحة 1 من 3 1 2 3 الأخيرةالأخيرة

المواضيع المتشابهه

  1. مشاركات: 473
    آخر مشاركة: 27-06-2019, 05:45 AM
  2. عاوز اغير البلد على جوجل بلاى فى جالكسى
    بواسطة akramlail في المنتدى المنتــــــدى الاجتمــاعى
    مشاركات: 8
    آخر مشاركة: 10-11-2012, 07:10 PM
  3. هل ينفع امشي بالعربية واطلع برة القاهرة بالعربية بدون نمر
    بواسطة Red_1024 في المنتدى المنتــــــدى العـــــــــــام للسيــارات
    مشاركات: 4
    آخر مشاركة: 18-09-2011, 06:01 PM
  4. مشاركات: 14
    آخر مشاركة: 12-01-2010, 03:38 AM
  5. عاوز اعرف متوسط استهلاك ال127 للبنزين جوة البلد
    بواسطة thegoodhacker في المنتدى ورشـــة نــايل مــــوتـــورز
    مشاركات: 8
    آخر مشاركة: 21-09-2008, 05:30 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2